天使原來是男生（舊名：魯莽天使）[小甜][變身][男變女][籃球]: 85
~「…拿...送比你架。」我拎住盒野遞左比一軍。
「…朱古力...。」一軍好開心咁接住。
「...嘻嘻...係呀，我琴晚整架，今朝又大懵喎...
掛住帶比賽啲野就唔記得左囉。」我笑笑口咁講。
「...多謝你呀...小欣，我都有野比你。」一軍一邊講一邊喺個書包度拎左兩盒野出離。
「...拿...。」一軍遞左其中一盒比我。
「...咩離架?」我問。
「…情人節禮物囉，打開離睇吓鍾唔鍾意。」一軍講...之後我就打開左個盒啦。
「…好...好靚呀。」竟然係一隻錶...而且係一隻機械錶...，
鋼帶...見到機心入面郁郁吓咁...好特別呀。
「…但係....好似好貴咁喎。」我有啲膽心咁問。
「...哦...唔係呀...我識人有折好底架，你睇吓...
係情侶錶離架...你一隻我一隻。」一軍微笑住講。
「...真嘅?」我繼續疑惑。
「 真架...bb，我應承過唔呃你架嘛，。」一軍摸一摸我個頭講。
「...多謝你呀...一軍，好靚呀...我好鍾意。」我錫左一軍一啖，
之後喺門口sweet多一陣我就返左入屋啦。
返到入屋老豆招牌動作挨住張梳化喺度睇緊電視，
彷彿好似從來都冇離開過張梳化咁...嘻嘻。
「…阿女...唔叫你男朋友入離坐下，咁夜返離又唔打個電話比老豆。」
老豆挨住張梳化望一望我講。
「…對...對唔住呀...老豆，因為放學去左籃球比賽呀...之後阿sir仲帶左我地去慶功添...
咁所以...嘻嘻...唔記得左囉。」我死哂狗...頭dupdup咁笑笑口講。
「...哦...原來係咁...下次記住打個電話比老豆啦...，老豆擔心架。」老豆嘆一嘆氣講。
「...嘻嘻...收到，咁我去沖涼先啦。」我伸一伸脷講，
之後就行左去浴室果邊啦。
「…咦...阿女...你整嚫牙?」老豆回頭望住我講。
「…er...係呀...拗柴囉，不過好小事姐。」我講。
「…唔得...唔及早處理可大可小架，
老豆一陣幫你用正骨水捽捽佢啦...。」老豆好緊張咁講。
「…吓...咁...咁好啦...。」我有啲無奈咁行左入浴室沖涼，
搞完一輪之後行返出離，老豆已經拎住左枝正骨水擺好哂陣咁等緊我啦。
「...阿女...埋離啦。」老豆隨即叫我，之後我就慢慢咁行左埋去坐低啦。
...其實都唔洗咁誇張啦...扭嚫吓姐，
老豆以前明明都唔理嘅...依家咁小題大做架。
「...老豆你以前冇咁緊張架?」捽緊果陣...我問老豆。
「…點同呢...男仔緊係要經得起考驗，同經得起風雨架啦，
但係依家你係女仔離架嘛...點可以唔愛護架...，女仔天生就係要離保護同愛錫架啦。」
老豆邊捽邊講，講到好似好有道理咁...，我都唔識點應佢啦。
「...哦....吖....。」好痛呀...老豆捽到個位。
「…吖...對...對唔住呀，係咪整痛你呀???」老豆面都青埋...係咁講唔好意思。
「...冇...冇野喎，繼續啦。」我講，之後老豆就繼續幫我捽啦，但係就細力左好多囉
...好似好驚整嚫我咁...，捽多幾個字之後我叫停左老豆，之後就返左入房訓覺啦。
返到入房之後，我招牌動作大字形咁攤左落張床度，雖然係好眼訓，
但係就係訓唔著...腦海入面不斷浮現出無窮無盡嘅影像...，
今日終於都成功做到多年嘅夢想，但係原來得到之後換離嘅係無盡嘅空虛。
我條路到底....要點行呢...我嘅目標係咩呢?...結婚?
生仔?做個家庭主婦?...我諗我...真係要重新思索一下啦。
第二日返學...全日我地都好似英雄咁受人景仰，老師行過都會望一望我，
似乎好似多左好多人識我咁，但係其他方面就一切如常。
估唔到星期六嘅體育世界真係播左我地嘅冠軍戰，而且仲播左我拎mvp同接受訪問嘅片段囉，
真係好樣衰呀!!!老豆仲要咁啱睇到，仲係咁講話阿女咁上鏡不如去選港姐喎...。
哼...睬佢都傻，係啦...唔記得交代添...老豆話公司掉左佢返離香港舖頭度做總廚呀
...暫時唔洗再返福建做野啦...yeah，終於都可以多啲時間陪我啦，
但係變相一軍就小左機會上離同我sweet吓囉...。
今日係二零一七年二月二十五日星期六，
今日係男子(學界精英賽)決賽嘅日子。
我地學校話哂都係上界冠軍今界緊係都係決賽嘅隊伍啦，
不過估唔到我舊學校都真係打到入決賽囉...真係比肥恆開口中
....希望佢唔會仲記住佢同一軍嘅打賭啦。
因為比賽時間係下午嘅兩點鐘，地點照舊係灣仔修頓，
咁所以呢...我今日可以訓到黃朝百晏先起身。
起身果陣已經成十一點幾，我慢條斯理咁去左廁所梳洗，
之後繼續hea住咁換衫同化妝。
~人潮像繁星 火星只可似火星~
~空氣未允許任性 模糊面目裝飾佈景~
~遺忘能做夢那份天性~
電話響起...，化緊淡妝嘅我...手忙腳亂咁接電話...
嘻嘻...此終小化妝係雞手鴨腳啲架啦...
不過今日係一軍嘅大日子喎...點都要扮靚啲唔可以失禮佢架嘛。
「…喂...mo shi mo shi。」接聽電話之後我講。
「…喂...阿嫂，你搞掂未呀?」原來係kimmy，
因為今日約左kimmy一齊去幫一軍打氣，所以kimmy有小小緊張咁問我。
「...差個尾咋 ...搽埋睫毛液行得啦。」我講。
「…咁好啦...二十分鐘後我同阿成喺你樓下接你啦。」kimmy講。
「...ok。」收左線之後，我就繼續進行我嘅大工程啦...嘻嘻...即係搽睫毛液囉...，
真係好鬼死難搽架，最後我搞左十幾分鐘先完成到咋....。
拿拿林執埋啲野就仆到出門口著鞋啦。
落到樓下，阿成部車已經到左啦，
kimmy就坐左喺車入面撳緊電話，而阿成就唔知行左去邊喎。
「…唔好意思呀...遲左小小。」我行左埋去kimmy度。
「…唔緊要喎...阿嫂，我地都係啱啱到咋嘛。」kimmy開左度車門比我坐左上去。
「...咦...阿成呢?」坐定之後我問。
「…哦...我口喝，佢話去平時lunch去開果間小食店買杯芒果西米露我飲喎。」
kimmy面露幸福表情咁，抵佢嘅...有個咁體貼嘅男友，好彩我都有一軍姐。
「...芒西到...BB。」阿成就講就到，好風騷咁講...似乎冇諗過我會喺車上面咁。
「…阿嫂喺度架...講得咁核突架。」kimmy即刻睥住阿成講。
「…嘻嘻...唔好意思呀欣姐。」阿成笑笑口有啲尷尬咁。
「...哦...唔緊要。」打情罵俏嘅野...好平常姐...。
「...係啦...欣姐我買埋你架啦，你平時最鍾意嘅芋香珍珠呀。」
阿成喺個膠袋度拎左杯野飲比我。
「...喂...唔該喎。」我接過杯野飲，估唔到阿成連我鍾意飲咩都記得，
好彩kimmy唔介意姐...如果唔係就真係難搞。
司機好快就車左我地出灣仔，阿成帶住我地兩個女仔去左譚臣道一間望落去比較老字號嘅粉麵舖度食牛腩粉。
阿成話依度啲崩沙腩正喎...，唉...跟住阿成真係想唔肥都幾難。
坐低之後，我叫左一碗崩砂牛腩河，同凍檸茶小甜。
而kimmy同阿成就分別叫左雙丸米同崩沙腩麵。
依度啲人做野真係好有效率，落單冇幾耐伙計已經拎左啲野食埋離啦。
碗粉望落去平平無奇咁，但係飲一啖碗裡面熱騰騰嘅湯，
oiiiishiii!!!飲得出係真正足料。
湯濃得離，帶點香味，飲左幾啖都唔覺得咸同嗆喉。
碗裡面啲牛腩, 紋理清楚，瘦得離啖啖新鮮啖啖肉。
而且份量足夠，雖然要成四十幾蚊碗係貴啲，
但係絕對值回票價...嘻嘻...不過最後都係阿成比錢架啦。