天使原來是男生（舊名：魯莽天使）[小甜][變身][男變女][籃球]: 87
~肥恆不甘示弱即刻上前緊貼一軍，一軍離一個急停跳射，
肥恆見勢即刻向住一軍跳左埋去...。
吓...原...原來一軍係假動作呀，扮射成個肥恆比佢fake起左放風箏咁呀。
~...啪...。~
~...咇....。~一軍好醒目，用膊頭挨住肥恆跳起，成功博到犯規。
~…插....。~而且個波仲入埋添，好野呀...and one呀!!!
一軍做左個勝利手勢，握實拳頭好興奮咁...
慢慢行埋罰球線準備射罰球啦。
而頭dupdup嘅肥恆因為已經兩犯嘅關係，
所以即刻比教練換走左。
~...插...。~
一軍罰球命中率一向都高，所以依球罰球亦都唔例外輕鬆入左。
進攻再一次落喺對方手上，但係冇左肥恆嘅內線威脅，
對方完全攻唔入我地嘅銅牆鐵壁呀...。相反我地果然係上界冠軍呀，
進攻又夠快...有速度仲要唔慢添...，幾個策應就打散哂對方嘅防線，
上半場仲以二十八比十五...大比數領先對方添...。
「...繼續咁打啦...，對方根本未夠班，但係都唔好鬆懈，唔好好似女子果隊協思咁，
我地要繼續當係輸緊波咁打，絕對唔可以留手。」半場卜sir例牌訓示。
「...飲水吖...一軍。」我拎住枝水行左埋去一軍度。
「...哦...唔該你呀...小欣。」一軍微笑住咁接過枝水。
「...打得好好呀...一軍你。」我講。
「...哈哈...係咩，咁有冇獎勵先。」一軍笑一笑講。
「...吖...你咁市儈架....。...er...今日老豆返左福建公司，
一係今晚去我度我煮飯你食吖...。」我扮哂鬧一軍之後又怕怕醜醜咁講。
「…嗯...好呀，好耐冇食過小欣你煮嘅野啦...就咁話啦。」一軍好似好開心咁呀。
~...咇...。~
球証嘅雞聲響起，於是一軍佢地所有人聽完卜sir嘅幾句廢話之後呢，就再一次行返出場啦。
下半場肥恆出返離，而且黑仔亦都以後備身份出場，一開波...
因為有肥恆嘅籃底優勢相方爭持激烈，但係我地隊此終都經驗豐富啲，
一軍同亮哥都同時博到肥恆犯規，到左第四節一軍仲喺自己籃底成功造到肥恆進攻犯規添...。
肥恆五犯離場，之後嘅形勢更加係一面倒呀，比一軍同亮哥強姦籃底，
好快進入垃圾時間，到最後我地隊係以五十二比三十八大勝嘅。
~...咇....咇....。~
球証雞聲響起，示意比賽結束，
我地學校又成功再一次衛冕啦...。
~...yeah...wu...啪啪...。~
而家場內依然係氣氛熱烈，全場都啪哂手咁...
仲有啲人喺度玩緊人浪添...嘻嘻...不過就唔多齊囉...。
黑仔佢地就頭dupdup咁...慢慢行返埋場邊，
而肥恆竟然行埋離我同一軍度喎。
「…肥恆你...。」我好疑惑咁講，
因為肥恆依家面對面咁望住一軍。
「…對唔住...。」肥恆竟然講對唔住，
而且仲伸左隻手出離示意握手。
「.....。」而一軍都好有禮貌咁伸左隻手出去回應。
「…頭先果球我冇心批你架。」握完手之後肥恆講。
「...我知...我睇得出。」一軍回應。
「...我承認...我球技的確唔夠你好，我輸左...
所以我唔會再同你爭小欣架啦。」肥恆好認真咁講。
「...其實你都唔差，身形上真係一流，
只係經驗唔夠姐...下次再努力囉。」一軍講。
「...好...。」肥恆講。
「...再唔係...我同小欣去練波果陣，你都可以離埋，到時我指點下你嘅低位應該會大有作為。」
搞錯呀...一軍到底諗咩架...教個情敵，仲要比個情敵同自己女朋友多啲見面都有嘅...真係服左佢啦。
大會隨即舉行頒獎典禮，於是一軍佢地就行左出場中間準備領獎啦。
攞完冠軍獎杯之後，又到最有價值球員嘅頒獎時間啦...，
好緊張呀...唔知係咪一軍攞呢，但係亮哥都打得好好喎，
頭先眼見佢都拎左成十幾個籃板，而且仲封左幾球波添...
除左進攻方面，其他野比一軍有過之而無不及呀....。
「…跟住落離要頒發最有價值球員獎啦，大家想邊個攞呀???」
主持人依家望住我地隊啲人...再望一望現場觀眾咁...搞緊氣氛呀...。
~...呼....wu...。
觀眾得個嗌字...嘈到根本唔知佢地叫邊個...
一軍同亮哥佢地就好似冇咩所謂咁...兩個搭住膊頭一齊等結果...，
而其他人呢...都知唔係一軍就係阿亮架啦...所以都冇咩表情咁拍手。
「...嘩...兩個咁好兄弟...，邊個攞都應該冇所謂架啦...。」主持人望住一軍佢地講。
「...好...二零一七年度學界籃球精英賽，男子甲組...最有價值球員係....。」
頂...主持人講講吓又停左...好煩囉...賣完關子未呀!!!
「…咦...冧莊喎...係...倪...一...軍。」
~wu...呼....mvp...mvp...。~
好野呀...一軍好叻叻豬呀...yeah...，現場觀眾又起鬨啦，
我地學校啲人叫得最大聲咁帶頭叫緊mvp囉，而家一軍行左出去領獎。
~...啪...啪...。~
全場人都拍爛手掌啦...。
「...好啦...我地嘅mvp，有冇啲咩說話想同大家講幾句呀?」
一軍接過獎杯之後主持人隊左枝咪埋去一軍度問。
「...er...首先要多謝一班好隊友啦，冇佢地我根本無機會攞到依個獎，
之後要多謝教練卜sir同程sir啦...日日鞭策住我地先操得咁fit，
最後我要多謝我女朋友，有佢喺我身邊支持我...陪我練波...小欣，多謝你呀。」
㖿...一軍望住我講...搞到人地好鬼死尷尬囉...嘻嘻。
「…咦...陪你練波添牙，好小女仔會肯架喎依家，
不如請埋你女朋友出離講兩句啦。」頂...主持人你想死牙...。
「…小欣...過離吖...。」點算呀...一軍揮住手叫我出去囉。
「…阿嫂...阿嫂...阿嫂....阿嫂...。」而且其他隊員不停咁大叫阿嫂囉...，
我唯有死死氣咁行出去啦...腳都震埋囉...。
「...wu...阿軍女朋友原來咁靚女嘅...，大家話係唔係呀??」
主持人又發功啦，繼續帶動氣氛。
「…係呢...阿女朋友牙，點解會咁好肯陪男朋友仔去練波先?」主持人問。
「…吓...咩話。」主持人望住側邊講，
有個工作人員，喺主持人側邊講左啲野。
「...哦...原來阿女朋友係女子學界精英賽mvp離架，
失敬失敬...唔怪得會同男友一齊練波啦。
嘩...阿軍你好幸福喎，依家香港要搵個打籃球嘅女朋友已經好難架啦...
仲要咁靚女嘅...嘩...同中六合彩冇分別。」主持人講野真係好鬼死誇張架囉...但
係又搞到人鬼咁開心喎...。
「...你兩個簡直就係籃壇神鵰俠侶呀，再一次恭喜哂我地嘅mvp倪一軍!!!」
主持人終於都肯放過我地啦，打完場之後我就陪住一軍接受訪問，
之後仲有幾個球探走左埋離問一軍有冇興趣打甲一囉...。
一軍攞左咭片話返去考慮吓先，之後啲球探就走開左啦。
等一軍佢地沖完涼換好哂衫之後呢，本來仲諗住返屋企煮飯比一軍食...
二人世界架，但係卜sir好堅持要一軍去慶功呀...死都要捉住一軍，
仲話我去埋咪得囉咁喎...唉...無辦法啦...，唯有下次再煮過飯仔啦。