天使原來是男生（舊名：魯莽天使）[小甜][變身][男變女][籃球]: 84
~「…喂...仲要行幾耐架???」因為我趷住咁行都真係幾辛苦...所以忍唔住開聲問一軍。
「…er...好快架咋。」一軍繼續一邊扶住我行一邊講。
「…不如你講比我聽去邊先啦。」我都係忍唔住繼續追問。
「…er...其實我想去見一見alice呀。」吓...點會咁架...一軍...竟然話想去搵alice??
我即刻停左落離...而且有小小嬲咁望住一軍...。
「…喂...一軍...你到底講咩喎...??」我而家好緊張嬲爆爆咁問一軍，
大佬今日情人節呀...仲話去搵alice...係人都嬲啦!!!
「...信我啦...小欣，一陣你就明架啦。」一軍好認真咁雙手搭住我膊頭講，
既然係咁...我唯有相信一軍啦...，我忍住好奇心...
繼續跟住一軍行到去內街嘅一棟建築物度...。
「...依度???」我好疑惑咁問一軍。
「...嗯...。」一軍嗯左一下，之後繼續扶住我行入去裡面。
「…依度...。」我一邊行一邊好迷惘咁四圍望，
因為依度好似係....殯儀館離架喎???
一軍粒聲唔出繼續扶住我搭𨋢上到去一樓，
再行到去到其中一間房入面...。
「...軍...離左拿。」有個男人企左喺門口啲櫃檯前面講。
「…唔好意思呀...ming師兄，遲左小小。」一軍好似同佢好熟咁嘅?
「...依位...就係子欣拿?」果個男人而家望住左我。
「…係呀...ming師兄。」一軍好尷尬咁答。
「…哦...明白...不如你地去鞠個躬先啦。」個男人好感嘆咁點一點頭講，
唔知佢明白啲咩呢???
「...小欣...行啦。」一軍望一望我講。
「...吓...哦...。」是但啦...一軍叫咪跟佢去囉。
於是我就跟住一軍行到上房嘅前面。
「...賓客...請留步，一鞠躬...再鞠躬...三鞠躬，家屬謝禮。」我跟住一軍一齊鞠躬...，
但係當我鞠完躬抬頭一望嘅時候...見到嘅...係完全唔敢相信嘅野。
「...一軍...佢係咪?」我望住左幅相好疑惑咁問一軍。
「…嗯...係呀小欣...係alice。」一軍好認真...吞一吞口水咁講...。
「......吓....點解會咁架...唔通係我...嗚嗚?」我好緊張咁捉實一軍隻手問...
好驚喺因為我上次同佢打交...眼淚已經開始流啦。
「...唔關你事呀...小欣，坐埋一邊先啦，我慢慢解釋你聽。」
「…嗚嗚...嗚嗚。」我不斷喊，一軍就繼續扶住我行埋去側邊啲櫈度坐低。
「...嗚嗚...點解會咁架???」坐低之後我繼續攬住一軍不停痛哭。
「...其實...我都係早幾日先知架咋，之前alice係咪比人捉左入精神病院嘅，
但係之後又唔知點解放返出離，其實係...因為...當時alice被診斷到腦裡面有一個惡性腫瘤，
亦即係Cancer，而且仲已經係末期嘅腦癌啦。因為人道嘅問題，
咁所以醫生批准佢出院返屋企過埋佢人生最後嘅路程囉。」一軍憶述完畢。
「...嗚....。」我情緒比起頭先已經冷靜返唔小，但係仍然係忍唔住唳水。
「...早兩日啲空手道師兄通知我 ，我先知道依個消息，師兄仲講左一啲關於alice嘅野我知...，
其實alice身世真係幾可憐架，一出世就比父母遺棄喺保良局門口，
細細個就無父無母咁喺保良局度生活，到大小小嘅時候就入住(兒童之家)...，
之後好彩遇到我師父，師父出錢助養佢，而且仲租左間屋比佢住...仲照顧埋alice嘅讀書需要...，
但係alice條命真係苦...先係遇到我啲咁嘅衰人...之後仲生埋....。」
一軍講到依度終於都忍唔住喊左出離啦...估唔到一軍都係性情中人...。
「…一軍...。」我對住一軍都唔知講咩好啦...，
唯有攬住佢靜靜地咁由佢喊啦。
過左一陣，我地大家嘅心情都平復返唔小啦，
之後有個著住白衫好似主人家嘅男人走左埋離。
「…軍...人死不能復生...唔洗咁傷心喎，有好多野都係整定嘅...。」
男人搭住一軍膊頭講...，心情似乎相當平和咁。
「...嗚...師父...。」一軍繼續喊住咁望一望個男人...。
「...係呢...你係咪子欣呀?」男人而家望住左我。
「…吓...係...係呀...師父你好。」我好緊張咁答。
「…拿...攞住啦，依封信係alice臨走前托我交比你架。」師父遞左封信埋離，
於是我就收起左...，之後我行左去廁所，走左入其中一格廁格度小便先打開離睇。
「…周子欣...正衰人...衰人衰人衰人，我真係好憎你，因為你嘅出現...搶走左我嘅幸福...，
我曾經有諗過要殺死你...，因為你...我咩都冇哂。不過點都好啦...我認命...，我知道係你嘅就係你嘅...
唔係嘅...強求都冇用。當你睇到依一封信嘅時候，我諗我已經離開左人世啦，所有嘅野都解脫...我終於可以放開...。
我覺得自己好幸福，有個咁錫我嘅養父同一班咁好嘅師兄弟...，今世我還唔到比uncle...希望下世我可以做佢嘅親生女啦。
最後...我想講嘅係...雖然我真係好憎你，但係我都希望...一軍佢可以得到幸福...我會喺天堂度...睇住你地...
希望你可以帶到歡樂同幸福比一軍...。我而家就正式...放棄...一軍...離成全你地...哈哈....仲唔多謝我...，
點都好啦.....來生再見啦...。.......给我最憎的周子欣。」一路睇住alice嘅依一封信...我嘅唳水再一次氾濫啦...。
「…嗚嗚....。」唳水不斷流出，差唔多成封信都沾濕哂我嘅眼淚....。
謝霆鋒 蒸發
https://youtu.be/wpYNSY5yfCs
~…滴…。~
~...滴嗒...。~
咦...點解...出面個洗手盤會有開水聲架???
「...吖....。」我驚到叫左出離...，褲都未著好就衝左出廁所出面啦。
一出到去...就見到一軍已經企左喺度等我，於是我即刻撲左埋去攬實左一軍。
「…小欣...你冇野吖嘛?」比我攬住嘅一軍好迷惘咁唔知發生咩事。
「…好驚呀...廁所個水龍頭...頭先自己開左呀!!!」我繼續攬到一軍實一實講。
「...er...小欣牙，不如你著返好條褲先慢慢講啦，條底褲突哂出離比人睇哂啦。」
一軍好尷尬咁細細聲喺我耳邊講...。
「 ...吓...。」於是我即刻伸手整返好條褲，
之後再慢慢講多次比一軍聽。
「...唔係掛...小欣你係親眼睇住個水龍頭自己開?」一軍聽完之後好疑惑咁問我。
「…咁...咁又唔係...我只係喺廁格入面聽到姐。」我答。
「…會唔會係其他人呢?」一軍繼續問我。
「...但...但係我一直都聽唔到有聲喎。」我答。
「…係咪你睇信睇得入神左咋，頭先的確係有個女仔行過出離架。」一軍好冷靜咁講我知。
「...吓...有咩???」我繼續疑惑。
「…係呀...而且我仲聽到佢同個朋友講話聽到廁格入面有女仔喊聲...
又係嚇到急急腳咁行出離，我諗喊聲應該係小欣你啦。」一軍問。
「…吓...係...係掛。」我口窒窒咁答。
「…小欣...其實依個世界邊有咁多鬼架，好多時都係我地自己嚇自己架咋，
正所謂平生不做虧心事，夜半不怕鬼敲門，知唔知呀...傻妹。」
雖然一軍係解釋得幾好...但係叫我唔驚就即刻唔驚咩...邊有可能架...。
我地喺果度坐多一陣，之後一軍就送左我返屋企啦。
「...小欣牙...，對唔住呀...今日情人節我都冇準備到同你慶祝。」
去到屋企門口果陣...一軍忽然攬住我條腰同我講。
「...傻啦...有你陪住我就得架啦，你等我一陣先我有啲野比你。」
講完之後我就走左入屋拎左啲野出離啦。