天使原來是男生（舊名：魯莽天使）[小甜][變身][男變女][籃球]: 83
~「...吖.....。」我而家訓左喺地下度典離典去咁...。
「…子欣...。」
「....阿嫂....。」
「…表姐.....。」
而家佢地全部人圍哂埋離，好緊張咁企左喺我側邊叫我...，
於是卜sir即刻叫左個暫停，檸檬同kimmy一齊扶左我埋去。
「…子欣你...見點呀?」返到埋去卜sir好緊張咁問我...，
而一軍就企左喺隔離唔敢出聲咁望住我...。
「...我...我冇咩事架....吖...。」我強忍痛楚...因為我真係好唔甘心呀。
「...小欣...唔好勉強呀。」一軍好擔心咁講。
「...卜sir...我得架...比我繼續啦，幫我紮住隻腳...我想繼續打呀!!!」
我繼續堅持...用堅定嘅眼神望住卜sir，而家連一軍都唔出聲啦，
因為佢知我心意已決...。
「…好啦...但係唔好勉強，真係唔得就要停啦。」卜sir終於都肯比我上場啦，
而家一軍幫我紮返實隻腳佢...繼續頂硬上...。
「...小欣...小心啲呀!」紮完之後...一軍望住我講。
「...嗯....。」我點一點頭。
~…咇…。~
球證雞聲再次響起，於是我帶住沉重嘅心情再次返到球場入面啦。
而家我地全隊人都帶住必勝嘅決心繼續戰鬥，協思繼續猛烈進攻，
但係我地每個人都發揮百分之二百嘅毅力...個個都肯走多兩步加強防守...
協思攻唔入啦...而我地亦都攻唔爆協思嘅防線...雙相拉鋸到最係三十秒。
協思繼續以四十八比四十七領先我地一分嘅優勢，
而且球權落喺協思手上，情況似乎對我地相當不利呀。
協思控衛帶住個波過到半場之後就將腳步停左落離，
似乎想將時間拖延到最後嘅幾秒先發動進攻。
而家我地隊每一個人都打醒十二分精神...，
絕對...絕對唔會比你入到...。
時間一分一秒咁過...，話咁快已經去到最後嘅十五秒，
而協思嘅進攻時間只係淨返九秒。
協思控衛比左個手勢示意開始發動攻擊啦...。
協思控衛將波帶到葫蘆頂位置，小田隨即逼近...，對方球員即刻做左幾個pick，
但係小美同kimmy幫小田互相保位成功破解協思嘅單擋戰術...，
進攻時間淨低最後嘅兩秒鐘，協思控衛被迫射出一個高難度嘅三分波。
~…發.....。~
個波成功射出，但係實在太格硬，而且準備動作亦都未完成，
大家都覺得依球波必定唔入，而家檸檬同對方中鋒喺籃底爭持激烈，
互相咩位...大家都各不相讓呀...。
~...嘭...。~
無估錯...個波中前框彈出，檸檬同對方中鋒已經準備就緒啦...
同時跳起...到底...邊個會搶到呢???
~…啪...。~
說時遲那時快...，喺佢地互相牽制大家都唔可以跳到最高嘅情況下，
我成功突圍...喺佢地兩個嘅後面啪走左個波，個波直飛去已經跑緊上前場嘅kimmy方向。
「...kimmy...上呀...!!!」喺空中我大叫。
不負所望...個波成功交到kimmy手上，kimmy以驚人嘅速度放甩哂所有人...，
已經跑到對方陣地準備上籃啦....加油呀...kimmy....你得架!!!
~...插....。~
入左啦...時間啱啱夠鐘，kimmy一個右手上籃成功為我地以一分之微...
反敗為勝，終於...打敗左神之隊啦...。
~...wu....啪啪....呼....。~
全場歡呼起鬨....，個個都大力拍掌....，
我地隊所有球員都衝哂出去攬住kimmy...唯獨一軍一個，
因為一軍而家跑左埋離訓左喺籃底嘅我身邊。
冇錯...其實頭先我拍走個波之後落地觸及腳腕傷患...之後就一直訓左喺度...
但係其他人嘅目光當然係kimmy啦...所以暫時都冇人留意到我。
「...小欣...你見點呀?」一軍好緊張咁扶起左我...。
「...吖...嘻嘻...小...小事姐...最緊要贏左。」我仲係傻笑住咁忍痛回應。
「...傻妹...咁博命做咩喎...。」一軍眼發唳光咁對住我講...。
「...唔緊要架...你睇吓檸檬佢地幾開心...。」我望一望慶祝緊嘅檸檬講，
依個時候檸檬佢地終於都留意到我同一軍啦。
「...子欣...!!!」檸檬帶頭衝埋離，kimmy佢地亦都緊隨其後...。
「…阿嫂...你有冇事呀???」kimmy問我。
「...冇事喎...唔洗理我架。」我揮一揮手講。
「...點...點可以唔理你姐...我地係一team人離架...，而且...冇你我地跟本就贏唔到...嗚嗚...!!!」
檸檬好激動咁講...，佢已經忍唔住喊左出離啦...唔知係因為我定係因為終於都贏左...。
之後一軍扶左我坐返埋球員席，其他人同卜sir就繼續慶祝呀...做訪問呀咁。
而協思嘅球員呢...，而家都仲係接受唔到咁...個個企哂喺度...死老豆咁款...，
而上年mvp張華倩更加係跪左喺地下度不停咁喊添...。
一次過睇到哂人生嘅喜怒哀樂，今次真係值回票價呀。
大會隨即舉行頒獎典禮，表妹扶住我出去，
於是我地成team人就企哂埋去領取我地嘅冠軍獎盃啦。
三年啦...終於都得左啦...喺全香港最頂尖嘅學界比賽上...封王，
吖唔係...應承係...封后先啱，我終於都做到啦...，依大半年離...
全靠一班好姊妹...同我一齊上一齊落，一齊開心一齊笑一齊喊，
直到今時今日，我...無憾啦....。
「...跟住落離要頒發最有價值球員獎，得獎球員喺今場比賽攞到二十分...十三個籃板...
四個助攻同六次封阻DoubleDouble嘅驚人數據。」主持人好認真咁讀出。
「...表姐...係你啦。」表妹喺我側邊講。
「...吓...我咩?」我問。
「…我頭先數住得你拎到廿分，唔係你仲有邊個呀。」表妹繼續喺我耳邊講。
「...二零一七年度，全港學界精英賽，女子甲組最有價值球員得主就係...周子欣!!!」
主持人講到好似頒港姐冠軍咁囉...洗唔洗咁浮誇呀...。
「~...wu...啪啪...mvp...mvp...mvp...!!!」在場觀眾再一次起鬨...，
而且仲大叫mvp添...，好尷尬呀...，可唔可以唔好叫呀...。
表妹扶住我趷嚇趷嚇咁...一步步咁上前領獎...，
估唔到頒獎嘉賓會係甲一羅意庭囉....場面比起上一次更加尷尬...。
之後同啲記者做吓訪問呀...同所有人影吓相咁...卜sir仲差啲感動到喊咁濟呀...
嘻嘻...唔知係博上鏡定係有人工加呢?
開心過後...大家就返更衣室沖涼換衫，之後卜sir話要全team人一齊去慶功喎...，
帶左我地去合和中心上面嘅(龍皇酒家)食飯...嘻嘻...一軍緊係都有跟埋離啦...，
卜sir好開心呀...係咁拎住個獎盃影相...影完仲即刻post上facebook呃like添囉...，
最後仲差啲飲醉酒添呀...要程sir扶住佢先搭到的士走...。
而我呢...就諗住同一軍一齊返去啦。
「…小欣牙...，我想去一個地方先呀。」行到出皇后大道東...
一軍忽然話想去一個地方喎...嘻嘻...唔通有驚喜比我。
於是我就跟住一軍走左去坐巴士啦。
巴士好快由皇后大道東轉左出堅拿道天橋，
之後仲直入紅隧添，...咦...過海....???
一出紅隧...一軍就拖住我落車，然後我就翹住一軍慢慢沿住天橋行左上去火車站上面，
之後再沿住另一條天橋行左落紅墈市中心入面。
依度死寂一片，人煙稀少再加上而家時間都差唔多夜晚九點幾啦...
到底一軍想帶我去邊喎...。