《血變異》:女皇篇 ---- 吸血鬼和狼人是一種病: 第八章

「烏煙瘴氣!」我們走在「吸血鬼紅燈區」的街上，梓駿在抱怨著
「忍下啦!再過一個街口就到．」說完又一隻女吸血鬼在騷擾梓駿，梓駿迅速避開
「點解係要搞我?」梓駿又抱怨
「你身上有陣狼人味。到喇!唔洗再怨!」我們走到一個豪華建築物前，建築物上寫著「吸血鬼夜總會」，門前站著兩隻狼人
「好香!咩味?」其中一隻說
「人類!女人!正呀!好閒過入面嗰啲好多!」另一隻回答，然後兩隻狼人往我這邊走來
「女人?居然有人類女人走入嚟?」他們望實我，梓駿走到我的面前
「我地係『血變異監察組』，想同你地老闆傾下!」梓駿擋住他們
「你係…狼人?好細粒!」他們在恥笑梓駿
「如果唔照做，我可以係度禁鐘。」我說，這句話一向都非常可靠，鐘是拘捕用的，如果按後仍可保持聯絡就派小隊來支援，相反失去聯絡就調動一整隊來鎮壓。




 
他們好像聽懂了，帶我們穿過長長的走廊，不時聽到房內吸血鬼在「工作」的聲音，梓駿的面又黑起來。
 
「對唔住喎狼仔，呢度啲隔音係差啲!哈哈哈!」他們在取笑梓駿，我們沒有理會他們，上了升降機到頂層，門一開就見一個穿著妖豔的女人在倒酒
 
「OH!HI!兩位監察官，請坐請坐!」
「唔坐喇!長話短說，有冇聽過自稱「女皇」嘅吸血鬼?」我問
「好臭…點解會有女人係度…(飲了一啖酒)」她分明討厭我
「答佢啦!」梓駿幫我
「唔洗咁惡~我問下啫…好難會有啲咁臭~嘅人入我間辦公室(她用不滿的眼神望我，然後望回梓駿)叫「女皇」個隻嘢…我見過!佢邀請我加入(我們緊張了一下)，但我拒絕左。(又飲了一啖酒)」




梓駿「知唔知佢想點?」
「唔知!佢冇講…」
梓駿「……多謝合作。」
正當我們要離開時，她才說「或者…你隨街搵一個嚟問都應該問到。(奸笑)路上小心!」
 
這時，我們才驚覺我們正身處危險之中。