《血變異》:女皇篇 ---- 吸血鬼和狼人是一種病: 第七章

「呂雯!」走到醫院輸血一把熟識的聲音在叫我
「米米!」我抱著她，她是我們的專屬輸血員，也是我中學同學
她「你地好耐冇嚟，我以為你地已經…(梓駿黑面)呀…」
我「當然唔係啦!而且我地一個月前先嚟過!嗰日你冇返工。」
她「係…係呀…咁…咁入去喇我地…」她偷望一下梓駿就帶我們進私人輸血室
我「塊面唔好咁黑啦!嚇親人呀!」梓駿沒有理會我
 
輸血只需半小時就完成，然後休息半小時。
 
米米「嗱!呢兩包血要存好，你知點做啦!我諗你今日輸完血加上呢兩包血，你應該可以支撐到下個月。」




我「唔該曬!」
米米「其實…我覺得你地最好就用返正常方式會方便啲!」
我「咪玩啦!我唔想變得欲求不滿。」
米米「有佢嘛!佢一定會負責任喎!何況…你又唔係冇意思…(奸笑)」
我「癡線!」如果需要一個「不可分離」的關係，我相信我們已經有，不需更進一步
 
梓駿「喂!走得未呀?」
我「走得喇!」我和米米道別
梓駿「你地講咩?」
我「冇呀…」




梓駿「冇?一定係發姣啦!你睇下你…笑到幾噁心…」
我「食屎啦你!」
 
短短兩年時間，我們的感情變得很好，他是我的恩人，是我的好拍擋，永遠都是。