《血變異》:女皇篇 ---- 吸血鬼和狼人是一種病: 第九章

我們踏出夜總會後，立即感覺到有人跟蹤我們。要離開紅燈區至少要走過二條街，我們急步離開。開始有人在背後狂追，樓上有人在拋雜物，更有人大叫「捉住佢地!」到了第一個路口，有一群人擋住我們
 
「鐘!禁鐘!」梓駿叫我
「禁左喇!冇反應!」我不斷按鐘
「向左走!」我們跑到小巷去，小巷只有一個人身位，我跟在梓駿後面，吸血鬼追在我後面。一出小巷就見有吸血鬼跑過來
「向前跑!過埋前面個小巷就走到!」梓駿大叫，我們一直衝，梓駿在後面打或踢開那些吸血鬼，好不容易我們才離開到，我們離開小巷回頭望還見到他們在盯實我們
梓駿「我諗我地要搵一搵組長!」我認同
 
回到組長室，叩一叩門就開門進去，只見組長在休閒的整理文件
組長「咦?乜咁夜?我就放工…」




梓駿「我地需要支援，但個鐘壞左!」
組長「係咩?我睇睇(他接過鐘看了一眼)冇壞呀!話說…你前日唔係話搞得掂咩?」
梓駿「但…但我而家需要支援!佢地可能認到我，佢地嘅人數已經唔係B級，根本有S，我地冇可能應付到!」
組長「殊…殊…亞駿呀!亞駿!資料…係唔會錯!你地絕對有能力…」
梓駿「事實係錯!成條街…成個紅燈區都係!佢地可能認得我地，可能會追殺我地!」
組長「殊…殊…亞駿呀!亞駿!你地…絕對…有能力…(望著我)」
 
我們終於明白發生什麼事，根本一開始就是為了讓梓駿使用「正確」嘅輸血方式。
 
梓駿「我…唔會!」




組長「咁…你唯有自救!」
 
我們失望的離開
 
我「點解佢咁在意你?」
梓駿「唔知。」
 
我們各自回家去，吸血鬼應該不會那麼快有行動