【夢幻】《我從來冇諗過我會有咁正既女朋友》: 【結局篇】 最後一次再度記起
漫淇...
點解會係漫淇架...
究竟發生緊咩事....
「仲成，你做咩事啊！唔好嚇我啊….」我感覺到有人不停好大力咁拍我膊頭...同隱約聽到係敏兒既把聲....
我個頭亦都冇再痛...我慢慢咁打開雙眼...
「仲成…你終於醒喇..岩岩真係嚇死我...」敏兒好激動咁攬住我
我發覺我自己訓左起個地下到...再望一望周圍既環境...
我應該係訓左起「飛越太空山」果條排隊位到....
當我搞清楚我而家身處起邊既時候....我捉實左敏兒問佢...
「漫淇起邊...漫淇起邊啊…」我不自覺地好大力咁捉實左敏兒
「仲成..你放開我先啦..你捉到我好痛啊…」敏兒佢露出一個好痛苦既表情
「漫淇佢而家起邊啊…你同我講啊…」我冇再捉實敏兒..而係好激動咁不停問佢同一個問題..
「仲成...你做咩冇啦啦變到咁激動咁問我漫淇起邊啊…究竟發生咩事啊..」敏兒應該見到我而家既行為而感到震驚
「我問你漫淇而家起邊啊！你答我啊！」我從來都冇試過咁大聲同敏兒講野...
再加上我而家極之惡劣既態度..
令到敏兒雙眼通紅，眼淚一滴一滴咁響佢眼眶裡面流左出黎，我感受到佢既委屈...
但我並冇因為咁而平靜落黎... 「先生..你冷靜少少先！」企起隔離既職員見到我咁大聲問敏兒問題，佢地都即刻出聲叫停我
「唔關你事！你同我收聲！」呢一刻既我只係想知道漫淇起邊，我肯定佢一定知道我而家發生緊咩事...我相信佢會解答到我
點解會出現起「夢中」既情節！
「漫淇佢今日要開OT...佢應該起公司...」敏兒一邊喊一邊用「冷冷」既聲線講出呢句說話...
當我聽到敏兒話漫淇起公司既時候，我就立即起左身向住大門既方向跑出去。
「先生，你岩岩暈低左我地已經幫你call左白車架喇...你而家暫時唔可以離開架！」旁邊既職員用佢雙手攔住我唔比我離開
「死撚開啦！」我好自然咁一手推開左佢，之後就直接沖左出去門口。
我一路跑一路搵緊的士站起邊，之前約漫淇去買敏兒份禮物，傾計期間佢都有提起自己起邊到返工。
我見到一架冇人既的士停左起道之後就即刻沖左上車。
「九龍塘！快啊！」我用好焦急既語氣同的士司機講去邊道之後，諗都冇諗就起銀包拎左張五舊水出黎，佢見到我張五舊水，都冇屌我態度差重好快咁開車離開。
之後我就打左個電話比志威...
志威佢好快就聽左我電話，我知道佢接聽左之後再用一個好急燥既聲線同佢講呢番說話....
「志威，我發現到成件事有新進展喇！你而定快啲過黎九龍塘啦！」
「好！收到！而家過黎！」志威完全冇問我發生咩事就好快咁收左線，我諗佢係打算趕到過黎先再詳談。
我相信司機大佬聽到我咁同志威講，應該係以為我趕住去九龍塘「捉奸」，所以佢開車既速度比之前明顯有所增快。
起搭的士既期間，我不斷回想返之前同漫淇第一次見面既場面....
漫淇第一次見到我既時候係有少少驚訝，重發呆左幾秒...
果時我只係覺得漫淇既反應好奇怪....
我以為因為佢覺得我真人同相好大分別，所以先至會有咁既反應。
而我對佢既感覺都有少少熟悉，好似唔知起邊到見過咁....
當時既我認為漫淇個樣都算大眾女仔樣，可能真係見過都唔出奇..
而第二次既見面就係我主動約漫淇出黎叫佢幫手陪我買份紀念日禮物送比敏兒。
但果一次見面佢比上次自然左好多，冇再好似上次咁望實我....
當我問漫淇...敏兒腦入面個腫瘤復發機會係咪好微既時候...
佢聽到我既問題之後表現出有少少嚇親跟住就開始回避我既眼神...
當時我見到佢咁既反應亦都表現出好緊張，所以一直追問落去。
因為我好想知道敏兒會唔會對我有所隱瞞佢既病情...
漫淇見到我不斷追問佢，只好停下腳步回答我既問題。
佢果時叫我唔洗咁緊張同擔心，重同我講話你睇下敏兒佢幾健康先得架....亦都提起敏兒有同佢講過話...切除左個腫瘤所以復發既機會係好微...
所以佢話敏兒唔會有事...
但我都睇得出漫淇講呢一返說話既時候，佢係刻意唔望住我黎講。
重有...當我多謝佢出黎陪我揀禮物既時候...
佢同我講話....
「你對敏兒好就得架啦...記得好好珍惜敏兒！」
當時既我聽到呢句說話並唔覺得有咩出奇，想我好好珍惜佢best friend係正常..
我果一刻重起心入面同自己講，就算佢冇咁同我講我都會咁做。
但點解當時佢既眼神會有一種好隱晦既感覺呢....
當時漫淇之所以有一切咁奇怪既反應...
會唔會係因為佢一直起道隱瞞緊一啲我唔知道既事情....
亦都係佢唔想比我知道既事情....
當我一直起腦裡面思考緊成件事既時候....
「喂！靚仔！到左喇喎！」的士大佬既聲線將我拉返黎現實中...
我落左車之後就即刻打比志威問佢到左未..
「轉個灣就到！係咁！」我隱約聽到志威既呼吸聲，我相信佢同我一樣都好想知道成件事究竟係點..中間又發生左啲咩事...
好快我就見到志威出現左起我眼前，我同志威好簡略咁講解發生左咩事之後就一齊入左一間寫字樓到搵漫淇。
當我行到入去見到漫淇既時候，佢已經企左起門口。
就好似係預知我會黎搵佢一樣...
當我打算問漫淇問題既時候，佢已經首先開聲。
「仲成，我知道你而家一定會有好多問題想問我....但可唔可以係我地兩個自己單獨傾。」當漫淇講出呢句說話既時候係望
住我旁邊既志威，佢既眼神示意左叫志威離開呢一個範圍。
志威聽到漫淇既說話之後，就打左個眼色比我示意叫我同佢漫淇兩個單獨傾。
漫淇佢帶左我入一間會議房到坐低.... 坐低左之後我第一樣問漫淇既問題係....
「點解你會知道我會黎搵你？」我用一個好認真既眼神望住漫淇
「因為敏兒佢頭兒喊住咁打比我，佢同我講當你玩完飛越太空山之後，就成個人失哂理智咁不斷問佢我而家起邊...佢岩岩打
比我係既時候係好無助....敏兒佢真係完全唔知發生咩事...」
「不過其實我一早都估到終有一日你會黎搵我...但估唔到呢一日會黎得咁快。」漫淇話估到我會黎搵佢...點解佢會咁講既....我面上亦顯露出一個好困惑既表情。
「到最後你始終都係發現左....」漫淇並冇理會到我一面困惑既表情，只係用一個好懊悔眼神望住我講呢一句說話。
「你係咪想問...點解同你相撞果架私家車車主會係我？」睇黎漫淇一早已經知道哂我今日黎既目的。
「係…點解成件事會係咁...明明我第一次見你係因為敏兒介紹你比我認識...點解起我腦海裡面第一次見到你既時候會變成同你架車相撞架！」
呢一刻既我真係好迷惘...我有好多問題想問...亦都好想知道當中既答案....
「我地之間第一次見面的確係由敏兒介紹而認識...但並唔係而家呢一個敏兒...而係起你「腦海」裡面見到訓左起醫院昏迷不醒既「敏兒」...」 我聽到呢句說話既時候...成個人都變得好呆滯...
起呢一刻，我個腦一片空白，我亦都唔識作出任何既反應。
即係點...咩叫唔係而家呢一個敏兒...
「我同你都係因為果一次撞車既意外而進入左平行時空...」 . . . . 我清清楚楚聽到漫淇同我講話我地兩個因為一次既撞車而進入左「平行時空」….. 「而家呢一個時空既敏兒同你腦海入面果個「敏兒」係身處起唔同既時空....」漫淇冇理會到我既反應繼續講以下落黎既說話
「你意思即係話....我起夢中遇見既「敏兒」，佢唔係我幻想出黎...？而夢中出現既所有事情..都係有發生過...?」我聽到漫淇咁講之後都慢慢地一字一句講出我要講既說話...
呢一刻我不斷控制住自己情緒....要冷靜啲....但我個心依然跳得好快..好快...
「係...你起夢中見到既「敏兒」...佢的確係真實存在...佢係你中學既初戀情人...而你起夢中所夢見既一切事情都係有發生過...係你地兩個之間既記憶...」漫淇用好肯定既語氣回應我剛才所問既問題
「即係話....起夢中發生過既所有事情都係真實....「敏兒」佢而家真係起醫院到昏迷不醒...?點解你一早知道成件事你唔同我講啊…」我聽到之後激動到成個人企左起身不停拍張枱
亦不自覺咁流下眼淚....
但漫淇佢依舊顯得好冷靜並冇因為我瘋狂既行為而感到嚇親...
「因為當「敏兒」佢起醫院同你講果番說話既時候，我都在場。」當漫淇佢講出呢一番說話既時候..我留意到佢雙眼通紅...
我腦海裡自動地浮現出「敏兒」佢起醫院同我講果番說話....
「你可唔可以應承我，如果我真係昏迷左你唔好等我...我唔想見到你咁辛苦，日日照顧住一個垂死既病人。
我唔忍心見住我心愛既人日日咁哀傷落去！生活起痛苦底下...
我知你曾經最愛既人係我就已經足夠....你再去搵自己既幸福...你應承我好冇？我知你心裡面有過我就已經滿足...」
「就係因為咁所以你就一直都唔同我講事實既真相...？」我無辦法平靜到落黎....只係愈來愈大聲同激動...
「係…因為呢個係「敏兒」既心願...佢想你再去搵自己既幸福…所以我幫佢去實現佢既願望。」漫淇講講下亦都忍唔住喊左出黎...
「其實當我一開始知道自己黎到呢個平行時空既時候都好驚好亂...
我根本唔知發生緊咩事...周邊所有既人同事都唔同哂...
就算係遇見返我好熟既朋友，佢地起呢個時空根本都唔認識我。
有一次當我撞返一個由細玩到大既朋友時候，我好開心咁攬實佢...但佢竟然話我痴線要報警拉我...
自從果次之後就算我係見到本身認識既人，我都要扮到好似第一次見面一樣。
因為我知道..就算我講咩都好，都唔會有人相信我。
所以我要慢慢開始適應返呢一個時空既事情，呢一切一切既改變都唔簡單。
我都用左好耐時間去接受呢個事實。」
原來漫淇黎到呢個時空之後係經歷左咁多辛酸事....
「最後因為起一次朋友聚會上面，比我撞返敏兒。
但我知道呢一個時空既敏兒佢都係唔認識我...
所以我慢慢開始接近佢，之後就同佢愈來愈熟落。
起呢一個時空既敏兒，佢地兩個既性格真係好相似。
相似到好似係同一個人一樣...
當敏兒佢比左你張相我睇既時候，果一刻既我都好震驚。
因為我唔知道係本身既「你」定係呢個時空既李仲成。
直到我見到你真人既時候，我好肯定你就係我所認識既「仲成」。
原因好簡單...因為自從上次認錯左人之後，當我每次見到本身認識既人，會感受到有冇果一種「親切」感。
就算黎自兩個唔同時空既敏兒性格有幾相似都好，佢地兩個始終都係唔同既人黎...
所以我對住敏兒並冇任何既親切感....
但當我見到你既時候，有呢份好強烈既感覺...
直覺話比我知...因為果一次既撞車意外我地兩個一齊進入左呢個平行時空...
當我地再次見面既時候，我亦都好肯定你係唔記得哂所有既事情。
所以我就決定扮唔認識你，同時亦都係為左達成「敏兒」既心願。
當你約我去街買禮物送比敏兒既時候，你提起敏兒既病情...果一刻我有一剎那既衝動想同你講出事實既真相...
但最後我都係打消左呢個念頭，只係叫你好好珍惜呢個時空既敏兒。
又或者呢一切都係天意，「敏兒」因為怕死起手術室所以當年冇做腫瘤切除手術..
但今時今日既佢因為當日既決定，而起醫院昏迷緊...
呢個時空既敏兒因為唔想第日結左婚、組織左家庭既時候先日日擔驚受怕個腫瘤幾時會擴大幾時會爆，所以佢選擇左做腫
瘤切除手術，最後復發既機會只得返0.01％。」
漫淇佢同我講清楚哂佢所知既一切....
呢一刻既我...都重未接受到佢所講既「事實」....
就起同一個時間....
我發現左原來志威佢企左起門口外面...
原來當我岩岩好激動成個人企左起身拍緊張枱既時候...佢已經行左過黎....
「你究竟起道講緊咩啊！乜春野平行時空啊…如果你話呢個係平行時空，佢係另一個時空既「李仲成」，咁呢個時空既李仲成去左邊啊…呢個時空既漫淇又去左邊啊….」
志威而家呢刻同我心情一樣，都係好難以接受呢一個事實。
但志威講左一個我一直冇諗過既問題....
如果呢一個真係好似漫淇口中所講既「平行時空」...
咁呢個時空既漫淇同仲成又去左邊呢....
「我唔知道呢個時空既漫淇究竟去左邊...因為我同「仲成」既情況唔一樣...我起呢個時空冇一個人係認識我....有機會係呢一個時空既漫淇根本就唔係出生起香港呢個地方，所以起香港呢個地方冇人會識佢。」
「漫淇」用理性既角度分解佢既見解….
「咁呢個時空既李仲成呢！佢係我由中學識到而家既死黨黎！你條八婆究竟係道鳩噏完未..你咁講即係話而家呢個「李仲成」唔係我由中學識到而家果個李仲成。」志威佢愈講愈激動....
「仲成，呢個女人精神有問題架！咩平行時空喎！你唔好撚信佢啊！我地走啦！」志威佢行緊埋黎我身邊打算拉我走...
「呢個時空既李仲成...佢已經死左…」
漫淇佢用好認真既眼神同語氣望住志威咁講....