【夢幻】《我從來冇諗過我會有咁正既女朋友》: 私家車車主

點解會咁既...我個頭好痛啊…. 


  呢道邊到黎架....周圍都白色一片既...我再望一望周圍既環境... 


 有一種好似曾相識既感覺.... 


 呢到咪就係起我撞車之後昏迷期間發果一個夢... 






 同一個場景.... 


 無錯....呢到係一間醫院... 


 當我行前兩步既時候...我見到一個病人訓左起張床上面... 






 而呢一個病人...正正就係...敏兒 


 ….點解會咁架...我明明起迪士尼架.. 


 我行前去...摸一摸敏兒塊面... 






 點解個感覺會咁真實既...  

 點解又會發返呢個夢架...  


李仲成，你同我起身啊…唔係真架...  


你快啲同我醒啊…呢道唔係一個屬於你既地方黎架...  


敏兒唔會訓左起醫院架...佢明明幾秒之前先同我一齊玩緊飛越太空山....  


唔會架...一定係幻覺....  






我好努力咁逃走...我好想離開呢一間醫院....  


我一路喊一路跑出醫院... 


 我見到前面有一架車..我諗都冇諗就上左車，之後就開車走。 


 起呢一刻既我，只係好想盡快離開呢一個恐怖既夢境...  
 我一路喊，一路揸車，流下既眼淚愈來愈多亦開始導致我情緒激動，視線亦開始濛朦。 






 我控制唔到自己既情緒，最後撞左落對面既一架私家車到！ 


 好大既一下碰撞聲，因為冇帶安全帶，我成個頭撞左落前面個軚盤到... 


 我個頭好痛好痛，啲血開始起我個頭慢慢滴落黎...我聽唔到任何既聲音 … 


 最後一秒見到既野就係我個身有好多血.... 

 同埋... 

 我見到.... 






 同我對撞既私家車車主.... 

. . . . . .  

而呢個人....    正正就係漫淇。