【夢幻】《我從來冇諗過我會有咁正既女朋友》: 試用期？
呢一段時間我同敏兒拍拖都相處得幾愉快，我地亦都好少鬧交，我好珍惜我地呢一段感情！
我有好直接咁問過敏兒點解第一次表白佢就肯接受我...
敏兒佢話覺得我係一個好男仔，加上之前起佢病左既時候我仆心仆命咁照顧佢，令到敏兒好感動同對我有左一種安全感。
我地又日日都一齊食lunch同放工，慢慢開始都對我產生左好感，所以想比個機會大家發展下！
呢一刻我有諗過敏兒佢只係想「試下」同我拍拖...
我唔知點解會咁樣諗敏兒...可能係我自己本身都缺乏自信啦....
其實我而家都未敢相信我地兩個真係拍緊拖！！
第一個知道我地拍拖既人就緊係志威架啦！
「屌！我得左啦！」我勁興奮咁打比志威同佢講呢個好消息
「仆街仔，我都話你無得輸架啦！」志威都用好開心既語氣回答我
「聽晚出黎飲野啦屌！你兄弟我第一次拍拖，緊係要賀一賀佢架啦！」我承認當時既態度係十分之囂張
「呢啲唔撚洗講都識做架啦！唔講住啦！聽晚見啦死仔！做緊野啊！拜。」我冇聽錯，志威而家竟然學人寄情工作，而再唔係同我講佢睇中左邊條女...
「好啦！拜拜！聽晚隊撚爆你！」第一次打電話比志威佢係工作緊，睇黎佢真係下定決心唔好衰比佢老豆睇！
第二日放工我就出左去尖沙嘴搵志威飲野。 「做咩笑到含春咁既衰格樣啊！」志威永遠一見到面都係講埋哂啲好抵死既說話。
「邊有啊屌你！做咩今日又遲到啊！唔洗講咁撚多，自隊一枝先啦！」我的承認我的確係有笑得好鬼風騷，但都係隊左志威飲酒先啦緊係！ 「喂！講下你點溝女神既表白過程啦！等我學下野都好啊！」明顯志威係玩野啦！佢又點會洗黎請教我呢…
「咪玩啦屌！咪就係起日落既時候表白囉！」
「嘩！你真係好鬼死老士啊屌！」志威用恥笑既眼神笑緊我
「不過可能佢就係鍾意你夠老士簡單先會接受你呢！死仔好波！呢杯我敬你既！」志威話口未完又再自隊多一枝！
「不過一場兄弟唔好話我唔提點下你啊！你條女個樣咁正，小心比帽你帶啊！」我唔知志威係飲大兩杯亂講野定真心提醒下我啦...
「痴撚線啦你！敏兒一定唔係呢啲咁既女仔黎！我岩岩拍拖你個仆街就咁樣黎咒我！」我用隻手拍一拍志威個嘴，等佢唔好亂鳩咁噏。
「喂！提下你叫你好好珍惜下佢姐！飲啦你！今日你先係主角啊！」我諗志威都係醉醉地架啦..
「冇錯！今晚一於不醉無歸！」我同志威唔知點解每次見面都係係咁屌對方再瘋狂自隊，不過我地兩個都係樂在其中！ 起公司方面，好快所有同事都知我地兩個一齊左，佢地起我地面前都好似登我地好開心咁！
其實自從我識左敏兒之後，我成個人已經冇再好似以前咁毒！同公司同事關係都變得唔錯，所以我真係改變左好多！
同敏兒一齊既時間過得好快，聽日就係我同敏兒拍拖三個月啦！
頭一兩個月都冇話咩點特別慶祝，可能因為大家都覺得冇必要每個月都要慶祝一次，之後又話咩一個月二個月快樂果啲煩膠野！
其實開頭我都以為敏兒會鍾意咁樣！但點知原來又唔係喎！佢主動提議話一百日先慶祝！咁我當然就冇咩所謂架啦！
起呢三個月入面，我地都好似普通情侶一樣，放假同佢行下街食戲同佢食餐飯已經好開心！因為其實我地起公司已經日見夜見，有時大家都想要返啲私人時間。
不過....琴日敏兒同左我講佢想轉工。
「仲成啊！我有野想同你商量下！」敏兒一面認真既態度
「做咩啊？好啊！講黎聽下」我見敏兒冇啦啦用咁認真既態度同我講，咁我就諗住聽下究竟咩事啦！
「我想轉換下工作環境！加上其實對呢份工本身興趣都唔太大，只不過係因為表姐介紹先試下入黎做。仲成，你點睇啊？」下...我點睇...我心入面緊係唔想架啦！但佢又好似好想聽我意見咁....
「如果你想轉，我都會尊重你既決定既....始終你都有權選擇你既將來係點！」不過敏兒佢都講到咁...其實我都只可以話尊重佢既決定。
我係有少少頹既...因為咁樣我就唔可以日日都見到敏兒，同佢一齊食lunch一齊放工。
「我都知！但如果我轉左工我地咪冇得日日見囉！」起呢一刻我真係感到好窩心，原來敏兒都有照顧過我感受！同埋起碼比我知道佢都會唔捨得我！
「其實我都有諗過呢個問題...不過都唔會既...我地住得咁近，所以一定會好似以前咁成日都見架！」我睇得出敏兒佢真係好想轉工，佢唯一既顧慮就係我！我當然唔可以咁自私啦！
「加上我地起唔同公司做野都幾好啊！咁樣你咪會更加珍惜我地見面既時間囉！而家我地由朝見到晚，其實我都有擔心過好快就變成理所當然既事唔識得珍惜。」
其實我咁樣講都係想敏兒安心轉新工...雖然口就話想要私人時間姐！但當真係冇得日見夜見既時候我又唔係好想... 係…我承認我係犯賤...
「你都講得好岩！咁我聽日一於就去遞辭職信啦！但你要應承我大家要成日見啊！重有啊！冇左我同你食lunch你一定又日日都去食埋啲勁唔健康既野！你要改下啊！」敏兒一路講個語氣就好似啊媽同個仔訓話咁！
但又真係幾sweet同幾窩心既，有個咁關心自己既女朋友喎！
得啦！得啦！長氣鬼！我洗唔洗日日都影比你睇我食咩啊！」
「又好喎！哈哈！拿！你自己講架！」敏兒鬼馬咁回應再加一個奸笑樣
「係喇！係喇！無你咁好氣！」唉...好快就唔可以日日見到敏兒喇...
不過其實佢想轉換工作環境，我都應該支持下佢既！
不過我都有擔心佢起新公司會識到其他男仔....
但作為佢男朋友，我緊係要信任敏兒架啦！
其實我唔係信唔過敏兒..我信唔過啲男人姐...
不過講到尾都係我冇乜自信心，呢個真係唔係一朝一夕改到既事黎...
我而家既重點應該要放起點樣慶祝我同敏兒之間既第一個紀念日，我真係好想比個好難忘既一日佢！ 話哂都係我地第一個一百日喎！真係要用呢幾日好好去諗下。