原來……由始至終我都只係一隻 觀.音.兵: 15
2月20日 星期日
下午三四點左右M打黎喊哂口咁同我講
：
頭先B話黎我屋企樓下接我去街，但係我等左佢個幾鐘佢先話岩岩出門口，我阿媽終於忍唔住鬧左佢一餐，跟佢發脾氣CUT左線，而家我打極電話佢都唔聽呀 心諗：又黎
：唔聽電話咪唔聽囉，咪唔好出街囉，咁緊張做乜，人地又唔係你男朋友
：我好怕比佢鬧呀！ 佢一定好嬲喇！ 佢一定又鬧我喇！ 嗚哇哇！ ：真係麻鬼煩，咁你而家諗住點呀 ：你可唔可以陪我出黎呀，我好想搵你傾計呀 結果M既爸爸竟然客氣到揸車黎我屋企樓下話接我同佢個女出去
終於我地就去左MEGABOX
行左幾個轉之後夜晚就去左IKEA度食野
：死喇佢一定係嬲左我喇，我打左55次電話比佢都唔聽我電話，我應該點做呀 ：係咪聽唔到咋 ：一定唔會啦，佢係特登CUT我線架 ：咁咪繼續打，打到氹番佢為止囉 ：做咩呀？你好想我氹掂佢咩？你好想我同佢一齊咩？ ：我想唔想唔緊要既，最緊要係你想唔想既姐 ：做咩你咁既笑容架？你究竟係咪知道D野呀？ ：我知D咩？我最蠢，我乜都唔知
：點解你又唔問我「我地係咪呢世都只會係朋友」？ ：唔問啦，以後都唔會再問 ：點解呀
正當我想答佢：「因為我已經知道答案」既時候，佢電話響起
係B打黎，M即刻攞左個電話出去講
我就一個人坐左係IKEA度等佢地打情罵俏
十分鐘後M終於番黎，講左一D好重要既野比我知…
當我見到M歸來既時候
佢雙眼充滿淚水，一見到我就挨落我膊頭度大喊
：佢話要分手呀！… ：咩話？ (我第一下係真係聽唔到所以先咁講) ：冇野…我覺得好委屈呀大鋼砲 ：發生乜野事呀 ：如果開學既第一日同你上完中文堂之後果堂我都同你一齊上就咩事都唔會發生啦 ：係呀我都好後悔，咁其實咩事呀 ：其實你應該都估到啦 ：估到…你同B其實一早已經一齊左啦嘛 ：唔係囉 ：(心諗：仲唔認？) ：大鋼砲，我覺得我有需要報警呀 ：究竟咩事呀 ：我講件事比你知但係你要應承我…唔可以話比任何人知，冇人知架，仲有就係…唔可以唔再理我 ：得啦 ：勾手指尾！跟住我地出左去停車場果邊搵左個冇乜人既位坐低，開始聽佢講 佢第一句就講
：大鋼砲你知我唔鍾意B架，你知我好憎佢架，你同我阿媽都知架 聽見佢咁講我有D猶豫，明明已經係一齊左仲要話唔鍾意人
但係我見佢喊到隻豬咁，我唯有附和佢話
：我知我知，咁究竟發生乜野事呀 ：你仲記唔記得開學第一日第一堂我係同你一齊上？本來跟住果堂我都係同你一齊上架，但係你走左，B就係果堂度識左我，之後佢就一追我，一路煩住我，直到9月2X號，佢叫左我去佢屋企，跟住佢比D甜甜地既野我飲，跟住我就唔知發生乜野事，醒左就發覺我既第一次就咁比左佢 ：唔係呀嘛 ：因為佢係我神智不清既時候影左相，佢成日用呢樣野威脅我，要我既行為要好似佢女朋友咁…識佢到而家我已經食左好多次事後丸喇，我覺得好辛苦好委屈呀 呢個時候佢攬住我，大聲嗌左一句
：你唔好唔理我呀大鋼砲！我真係好鐘意你架，早幾日你仲話我鍾意B，我果幾日真係好憎你呀大鋼砲！！ 聽見佢咁講，我一邊安撫佢，一邊嬲到上心口
：佢真係一個人渣！不如報警拉鳩佢啦 ：而家冇證冇據告佢唔入架，所以我諗住如果佢下一次再搞我我就報警告佢強姦！ ：好！我一定會盡力幫你！
呢個時候M個電話響起，係B打黎
佢地講乜我唔知，但係聽到M係度嗌
：而家已經唔關你事喇！ ：不如你殺左我啦！ ：你記唔記得你情人節做咩黎呀！你知唔知我可以報警呀！ ：你好成功呀，你係一個星期入面令到我好開心又令到我好唔開心呀！ 呢一刻我好憤怒
覺得點解B呢個賤種可以用D咁卑鄙既手段做D咁既野
我一定要徹底咁幫M令佢脫離魔掌
收左線之後佢就攬住我係度嚎哭稍為平靜左之後，M話
：原來你以為我同B一齊左，我都估到架喇，你呢排笑得咁怪 ：對唔住呀我唔知你發生左D咁既事，誤會左你 ：係我講對唔住先至岩，呃左你咁耐，但係你唔會覺得我搵你黎攝時間咩？ ：梗係唔會啦 ：佢話而家黎搵我，我諗佢十五分鐘之後就會到 我有諗過，你發生D咁既事仲有乜野可以同佢傾？
但係我冇諗咁多，淨係覺得佢好可憐
我而家唯一可以做既野就係陪住佢按撫佢
：我係咪好污糟呀大鋼砲？ ：唔係 ：你會唔會因為咁唔鍾意我呀？ ：梗係唔會啦 ：你真係唔好唔再理我呀，我好需要你呀大鋼砲 ：嗯，我一路都會係你身邊 ：你一定要同我保守秘密 呢個時候B亦已經到
M就叫我喱埋唔好比佢見到
於是我就係二樓個平台度等佢地傾左一粒鐘
電話響起，佢地應該終於傾完
：我地傾完喇，你番屋企啦 ：不如等我送你番屋企啦 ：唔洗啦 就係咁我就番左屋企
番到屋企之後我同M係MSN傾到四點幾
佢就係不斷咁同我講佢好唔開心覺得自己好污糟
：大鋼砲真係好對唔住呀又麻煩到你 ：你唔好咁講啦，發生D咁既事我點會唔幫你呀 ：我真係麻煩到好多人…如果…我消失左既話就唔會咁麻煩喇… ：我唔准你咁講野第二日又番學
好奇怪，今日見到M，佢好似乜事都冇發生過咁
仲好積極咁溫書準備陣間果堂既英文測驗
我都唔知佢真係公私分明定係佢根本已經痴撚左線
放學之後，B又打比M，收線之後
：B又叫我出去喇，佢話好耐都冇同我食過飯所以想食餐飯喎 ：佢真係好麻煩 ：我真係好驚今次又有危險呀 ：如果你感覺到出事既話你就打比我，我一定會第一時間衝出黎幫你，再唔係你就報警 ：嗯，我會打比你話你知我安唔安全架喇 番到屋企之後我收到佢電話
：喂喂我安全喇唔洗擔心 到半夜又收到佢電話
：我終於番到屋企喇 跟住聽到既係佢嗚咽既聲音
：我真係覺得好委屈，又要驚佢對我做D乜野，又要擔驚聽唔到佢電話會比佢鬧 …我已經好耐冇番過屋企食媽咪煮既飯喇，究竟佢幾時先肯停呀 ：你忍耐多一陣啦，呢段時間我會盡我全力幫你、保護你，好快就可以拉左個衰人架喇 你話我戇鳩都係咁話，果時我有一刻諗過殺左B，用我坐監黎換取M既自由