原來……由始至終我都只係一隻 觀.音.兵: 14
直至2月13日
前一晚我又通頂整一份好勁秋既情人節禮物
成個人已經好疲累，但係因為我誓要整好份禮物
於是我出左去尖沙咀買材料
行行下既時候，竟然比我撞到M！
再望一望佢隔離果個，竟然係B！？
我個心即時有種酸溜溜既感覺
M見到我了，佢個樣即刻好開心好興奮咁衝埋黎我度
：點解你係度既？！我今晚打比你丫！ 果晚我等佢電話…
夜晚1點，電話終於響了！係M
：你知唔知呀，我頭先見到你真係好開心呀！你都知我幾憎B架啦，我費事佢又電話轟炸我先同佢出街咋，見到你之前我對住佢全程黑面，見到你之後我即刻成個人開心番哂呀！ (佢咁講我真係好開心)
：哈哈咁咪幾好，原來我地真係幾有緣份，咁都可以撞到 ：每次見到你我都會好開心架，可能我真係鍾意左你！ ！！！
：你係咪講真既先？！
：唉呀唔得唔得！我收番！ ：哈哈 ：我頭先幾驚你以為我同B拍拖呀！ ：點會呢，你話唔係架嘛，我信你 之後既對話都係圍繞住M見到我之後有幾開心
收線之後，我繼續埋首我份情人節禮物
5:00AM，份禮物終於完成了！連我自己都覺得好鬼靚
到左情人節正日了，今日係星期一，要番學
我同佢食Lunch既時候送左份禮物比佢
：哇！好靚呀！你好勁呀！ 見到佢咁開心既樣子，我打從心裡覺得滿足了
：我想情人節同自己鍾意既人過呀，你可唔可以從今天起成為我女朋友呀？ ：我唔係唔鍾意你，而係我仲未探究到你對愛情既心理 ：你又話已經好了解我既？ ：係呢方面仲未了解囉 ：嗯…咁我地今晚出唔出去食飯呀？ ：我諗唔得啦，我隻腳傷左呀，你睇。我陣間約左我阿媽去睇醫生呀，我今晚打比你吖 ：哦…睇醫生緊要呀，冇所謂啦於是情人節晚，我就係訓係張床度等M既電話
夜晚十一點幾，電話終於響起…
：喂喂大鋼砲 ：等左你好耐喇 ：係呀岩岩先食完飯番屋企 因為佢話同媽咪睇醫生，所以我就諗住佢一定係順道同媽咪食埋飯，但係我故意講笑咁問左一句
：頭先你同B食飯呀？ 其實呢句只係開玩笑，但係佢竟然話
：你點知架
佢呢個反應真係令我完完全全啞哂
：…………………… ：你點知架？ ：你……你講真架？ ：你點知架？ (冇錯，佢真係同一句話問左三次)
：…………………… ：我同B真係冇野架，佢今日竟臨時同我講訂左枱，你都知佢幾煩架啦，佢咁樣做，如果我唔出去既話佢又會打電話轟炸我，又會去我屋企樓下伏擊我，我真係怕左佢我去同佢食飯，佢邊似得你咁易話為呀，佢送比我果份情人節禮物我又唔鍾意，搞到我收又唔係唔收又唔係… 然後佢一路講一路講，越講個語氣就越唔開心，我歉意就越來越大，竟然比我一句說話搞到大家咁唔開心，呢一刻我真係覺得M比B煩完仲要比我誤會，我好衰仔…
：唉算啦還掂我點解釋你都唔會信我，因為比著我…我都唔會信 ：我信呀，我真係信你！ 我真係、真心咁信佢。
第二日我都扮冇野咁繼續番學
果時咁岩佢搵緊一隻公仔搵極都搵唔到
YAHOO拍賣又搵過淘寶又搵過都搵唔到
於是我就話
：講真，你叫B幫你搵咪得囉，佢一定有方法搵到比你 ：你又做乜野呀！成日叫我搵B，你係咪好想我搵佢呀！ ：但係我知佢一定有辦法幫你搵到隻公仔 講到呢度，佢望住我，講左一句
：我唔准你搞我唔掂就將我推比B 聽到呢句，我突然間有股喊既衝動，我唔知點解，可能我覺得感動掛…
跟住竟然見到有人拍賣M想要果隻公仔
傾好時間地點之後M同我講
：我好累呀聽晚可唔可以你幫我去收貨呀？ 其實我有少少猶豫
因為交易地點離我好企非常遠
專登出去收貨好似有點無謂
M見到我猶豫就話
：你睇下你呀大鋼砲，叫你做少少野就咁樣，比著係B既話佢諗都唔諗就幫我啦！唉唔洗你啦，我叫B幫我算啦 佢又鬧得我岩，做少少野都婆婆媽媽咁，唉我真係唔配做一個男人
：我去啦 ：唔洗麻煩你喇，就算B唔幫我我都自己去跟住果兩日我都鬱鬱不樂，M見到咁樣就問我
：大鋼砲你呢兩日變左好多，你究竟搞乜，我認識果個大鋼砲究竟去左邊 ：雖然我明知你好唔鍾意B好憎佢，但係始終情人節呢D節日你同佢食飯我點都會有D呷醋 ：你明知我好憎B架 ：我知呀 ：你知我不嬲對情人節呢D節日冇乜感覺架 ：我知呀 ：我唔該你，可唔可以唔好成個腦都係男女愛情呀！可唔可以順其自然，你可唔可以唔好搞到我怕左同你相處，可唔可以唔好成日問我係咪永遠都只可以做朋友 ：我都知你好唔鍾意男男女女呢味野，呢兩日搞到你咁唔開心真係好對唔住呀，我應承你，我會做番果個低低能能嘻嘻哈哈既大鋼砲。
傾下傾下終於和好了
因為呢期我地趕緊個Project，所以我約佢第二日即係2月18日星期四去中央圖書館做野
：我都唔知去唔去好，我仲係有少少怕同你相處，我好驚你覺得我當你係觀音兵，我要小心D ：我從來都冇咁諗過囉，你唔比個機會大家出黎相處下又點知呢，我真係會改架喇 到左第二日同佢出左中央圖書館做野，呢日我有D好重大既發現…
到左圖書館，我地兩個都拎部電腦出黎做野
話就話做野，但其實我低落既情緒仲係影響緊我
成個人都好唔開心，邊有心機做功課丫
做到中途，M去左廁所
我就更加攤係張凳度諗野諗到出哂神
呢個時候，我見到M部on左MSN既Notebook就擺左係我隔離
我諗「既然M咁憎B，但係又成日同佢接觸，咁究竟佢地平時會講乜野既呢？我真係想知平時M會點樣寸B」
…
於是
…
我做左一樣好撚缺德既事
…
我認我係仆街仔
……
我開左M同B既MSN History黎睇
竟然比我見到…
原來M同B其實已經一齊左！！！(MSN記錄又2月8號開始)
佢地講既全部野都係情侶間既甜言蜜語
乜野「我好需要你」、「我好掛住你」呢D同我講過既野其實佢同一時間同緊B，亦即係佢男朋友講緊
見到呢個畫面，我第一個反應當然係
第一個念頭就係「點解會咁樣？！M又話唔係同佢一齊？又話憎佢又話唔鍾意佢？」
呆左五至十秒後，我就由
變左做 ->
因為我呢一刻真正感覺到開心
我開心既原因係原來M一早已經同B一齊左
即係M其實已經有選擇
我亦都唔再係呢個遊戲裡面競爭緊
我可以做番我自己，過番自己既生活
做番一個小毒撚，一個一向都同愛情冇關係既毒男
唔洗再係呢一方面煩惱
而且我多左一個好岩傾好岩玩既朋友
我係呢一刻完完全全的感到釋懷
如果你問我係咪即刻已經放低左M，我唔敢答你係
但係我覺得，兩個男仔追一個女仔，我輸左，我心服口服
我衷心咁祝福佢兩個
跟住落黎果幾日我亦都真係好開心咁專注番我本身做既野
再冇比感情影響到，因為我而經睇開左
但係另一方面，M繼續係我面前話佢幾憎幾憎B，又係度講佢壞話咁
我心諗：「你都幾好戲，好！你要玩，我就扮傻仔，我睇你玩得到幾耐
」 佢仲要係度同我講
：我唔准你背住我同第二個女仔傾電話！ 跟住果個星期六我地甚至去左機場影相、玩
但係我對佢既感覺已經係一個好好好既朋友
夜晚食飯果時，佢依舊係度大數B既不是
以前既我會講番一D說話佢氹番佢
但係今日我就全程
表情，又只係回應佢「吓嘛吓嘛、嗯」呢D 佢好察覺到有D唔對路似的
：你做咩咁既笑容呀？你係咪有D咩想講呀？ 我差D想講「呢D野床頭打交床尾和既姐」
但係我冇講出口，因為我要陪佢玩
：冇呀…冇 到左第二日
呢日發生既事好重要
係成個故事既轉捩點…