1月31日
到學校,M突然攞左隻公仔出黎俾我睇
![](http://archive.hkgolden.com/faces/wink.gif)
:你睇下,係B送比我架
我一望
![](http://archive.hkgolden.com/faces/yipes.gif)
,知道呢隻係M一向好鍾意既系列,我本來諗住情人節送比M…點知比B快一步,所以我有些少唔開心
我又因為呢D少事搞到鬱鬱不歡了…
放學既時候
![](http://archive.hkgolden.com/faces/wink.gif)
:你唔開心呀?
![](http://archive.hkgolden.com/faces/clown.gif)
:唔係呀
![](http://archive.hkgolden.com/faces/wink.gif)
:你係咪唔鍾意我喇?
![](http://archive.hkgolden.com/faces/clown.gif)
:…
![](http://archive.hkgolden.com/faces/wink.gif)
:你係咪唔鍾意我喇大鋼砲?
![](http://archive.hkgolden.com/faces/clown.gif)
:
![](http://archive.hkgolden.com/faces/donno.gif)
你UP乜呀,我點會唔鍾意你呀
![](http://archive.hkgolden.com/faces/wink.gif)
:好彩姐,唔可以我鍾意你既時候你唔鍾意我架嘛
![](http://archive.hkgolden.com/faces/clown.gif)
:咩話你講多次?!
![](http://archive.hkgolden.com/faces/wink.gif)
:冇野喇…
佢話鍾意我?!佢係咪話鍾意我?!
我伸手搭住佢膊頭,佢亦都冇抗拒
行到去巴士站等車既時候
佢將塊面哄埋黎然後
![](http://archive.hkgolden.com/faces/kiss.gif)
左一下,但係冇掂到我個嘴
![](http://archive.hkgolden.com/faces/wink.gif)
:
![](http://archive.hkgolden.com/faces/clown.gif)
:你咁即係咩意思先
![](http://archive.hkgolden.com/faces/wink.gif)
:唔知呢
年三十晚,M無端端係MSN震我
同我講佢諗番起以前既事所以好唔開心
跟住佢同我傾心事傾到凌晨四點幾
佢同我講
![](http://archive.hkgolden.com/faces/wink.gif)
:大鋼砲我真係好需要你,雖然我好怕我阻住你,但係我知你一定會聽我講
![](http://archive.hkgolden.com/faces/clown.gif)
:我知道你過去有一段好唔開心既回憶,所以以後既日子我希望可以令你過得開心D
![](http://archive.hkgolden.com/faces/wink.gif)
:大鋼砲你係我最信任既人
![](http://archive.hkgolden.com/faces/clown.gif)
:多謝你
![](http://archive.hkgolden.com/faces/wink.gif)
:你會唔會疏遠我?
![](http://archive.hkgolden.com/faces/clown.gif)
:一定唔會
![](http://archive.hkgolden.com/faces/wink.gif)
:真係好多謝你聽我講,我訓喇
![](http://archive.hkgolden.com/faces/biggrin.gif)
到左年初二,我地係度諗年初三去邊度好
![](http://archive.hkgolden.com/faces/clown.gif)
:你想唔想去我屋企拜年呀?
![](http://archive.hkgolden.com/faces/wink.gif)
:唔係咁好啦,我一個女仔上你屋企拜年,你估你阿媽會點諗?
![](http://archive.hkgolden.com/faces/clown.gif)
:…哦…咁算啦
之後決定左初三去CAFE做功課溫書
溫書期間佢又不斷係度同人MSN,我個心真係好UP
我唔知做乜佢仲要係咁叫我去搵女朋友
今次我真係火
![](http://archive.hkgolden.com/faces/clown.gif)
:點解你硬係要講埋D咁既野既,你明知我鍾意你架
![](http://archive.hkgolden.com/faces/wink.gif)
:我唔知喎
我一路慶到走去搭地鐵
本身我地同一個站落車,但係到站果時佢又係度講笑
![](http://archive.hkgolden.com/faces/wink.gif)
:不如你唔好落車啦
![](http://archive.hkgolden.com/faces/clown.gif)
:好呀
結果佢走果時我真係冇落,跟住佢打電話黎
![](http://archive.hkgolden.com/faces/wink.gif)
:喂你去左邊呀
![](http://archive.hkgolden.com/faces/clown.gif)
:係你叫我唔好落車既
![](http://archive.hkgolden.com/faces/wink.gif)
:你係咪痴線架!我……唉算啦冇野喇
收線
呢個時候我都好後悔,我鬧自己
「屌大鋼砲你係咪男人黎架,洗唔洗咁小氣呀,你話而家點算!?」
點知好好彩,我係巴士度撞番M
M見到我即刻笑番
![](http://archive.hkgolden.com/faces/wink.gif)
:你唔係走左既咩
![](http://archive.hkgolden.com/faces/clown.gif)
:對唔住呀,我應承過你話唔會疏遠你架嘛
![](http://archive.hkgolden.com/faces/wink.gif)
:去死啦你!
我唔敢想像如果我撞唔番佢會有咩後果
2月8號,M冇番學,我又搵佢唔到
點知佢無端端喊住打黎話我知佢係樓下叫我去陪佢
![](http://archive.hkgolden.com/faces/wink.gif)
:你可唔可以落黎呀
於是我即刻連同紙巾衝左出去
![](http://archive.hkgolden.com/faces/clown.gif)
:發生咩事呀?
![](http://archive.hkgolden.com/faces/wink.gif)
:又係個B呀,佢話我講大話,話我扮病喎,我覺得好委屈呀
呢一刻我諗:「既然佢咁乞人憎你洗唔洗咁在乎佢點睇呀」
不過我冇再理咁多,只係不斷咁安撫佢
![](http://archive.hkgolden.com/faces/wink.gif)
:大鋼砲你真係好錫我
順帶一提,其實識M一路以來佢都會係咁數臭B點衰點衰點乞人憎,我都問過好多次
![](http://archive.hkgolden.com/faces/clown.gif)
:既然B咁乞人憎點解你仲要同佢聯絡同佢出街,唔理佢咪得囉?
![](http://archive.hkgolden.com/faces/wink.gif)
:我都想呀,但係我一唔理佢,佢就會係咁打比我,又會係我樓下等我,我真係怕左佢先迫於無奈咋
(我見過最高紀錄M個電話係113個未接來電,全部由B打出)
![](http://archive.hkgolden.com/faces/wink.gif)
:佢又會成日鬧我,我真係好怕比人鬧架!我好怕佢架!
2月10號至12號連續三日我地都出左去玩
2月10號食飯既時候,M又係度大數B既不是
![](http://archive.hkgolden.com/faces/wink.gif)
:…(刪一萬字),B真係好乞人憎呀!又大男人又小器,成個女人咁,我呢世都唔會同佢一齊!唔好比我批中吖,佢呢世都唔會娶到老婆!
我見佢真係好鬼勞氣咁
![](http://archive.hkgolden.com/faces/clown.gif)
:咁好咁忟啦,而家我咪同你出黎玩下番度火囉
![](http://archive.hkgolden.com/faces/wink.gif)
:唉呀我真係好忟憎呀
2月11號
我地玩玩下既時候M同B係度MSN,無端端B同我講
![](http://archive.hkgolden.com/faces/wink.gif)
:唉個B又煩住我要我去同佢食飯
![](http://archive.hkgolden.com/faces/clown.gif)
:(苦笑)
佢地又傾左一陣
![](http://archive.hkgolden.com/faces/wink.gif)
:唉我屈服喇,我真係怕左佢,我而家要去搵佢,你睇下
跟住佢遞左部生活態度比我望一望
佢想比我睇既係B點樣纏住M要同佢食飯
但係係佢Roll落去之前比我望到一句由M發出既「你要陪我食飯-3-」,但係佢以為我望唔到,我都冇出聲
呢個時候我諗:
「你唔係話B纏住要搵你咩?點解係你主動搵佢食飯既?」
於是我問左一句
![](http://archive.hkgolden.com/faces/clown.gif)
:係佢死纏爛打話要同你食飯?
![](http://archive.hkgolden.com/faces/wink.gif)
:係呀
雖然我有少少疑惑,但係之後我都選擇左百分百相信M所講既
2月12日,我地都出左去尖沙咀玩
![](http://archive.hkgolden.com/faces/wink.gif)
:B成日都同我講想同你做朋友,我同佢講:「你唔好騷擾人啦」
![](http://archive.hkgolden.com/faces/clown.gif)
:辛苦你喎
![](http://archive.hkgolden.com/faces/wink.gif)
:B同我講呀:「你唔好理大鋼砲啦,係學校聽人講佢係傻仔黎架」,我即刻同佢講:「咩傻仔呀,人地不知幾溫柔幾細心呀」。我成日係佢面前讚到你飛起搞到佢好呷醋
![](http://archive.hkgolden.com/faces/clown.gif)
:其實佢都錯唔哂,你識我耐左都會知道我真係一個傻仔
![](http://archive.hkgolden.com/faces/wink.gif)
:你唔係囉,我覺得我已經好了解你喇