原來……由始至終我都只係一隻 觀.音.兵: 11
呢日我地如常溫書，到左三點左右
：喂真情大結局，快D開電視！ 於是我地就坐左係沙發度
突然間M攬住我個頭，將我個頭埋落去佢個
度 我即刻坐直番個身將佢成個人摟入懷中
而佢亦都成個軟哂咁挨哂落我度，而同時佢隻手不斷搓我大脾內側
我錫左佢塊面一啖，但佢話
：錫一啖夠喇 我伸手想摸佢，但又有D猶豫，因為我地始終唔係男女朋友
佢見我猶豫，講左一句
：摸啦，而家比你摸你又唔摸 我大膽地拉開佢件外套既拉鍊
原來佢件外套入面冇著面衫，只係著戴左個黑Bra
我伸手入去開始摸，當我差唔多掂到乳頭既時候佢話…
：差唔多時候溫書喇 於是我唯有扮冇事地睇完真情就溫書
仲有兩日就聖誕節喇
我諗住整份禮物送比佢
於是21號晚同22號晚連續兩晚通宵我都係度趕份禮物
咩禮物就唔講啦，總之就勁揪啦
23號朝早，終於整完！
醒起佢話約左朋友23/24都會出去玩，應該好夜先番啦
頂唔順，訓個晏教，今晚係佢樓下等佢比個驚喜佢先
夜晚八點去到佢樓下，打去佢屋企確定佢唔係屋企，跟住我就搵個靚位望實佢番屋企條必經之路
一路等…
11:00PM都未見人？好正常姐我平時同佢都玩到一兩點啦
1:00AM都未見人？應該差唔多啦喎等我打醒十二分精神望實D先
3:00AM都未見人？聖誕節丫嘛玩夜D有咩咁出奇姐
5:00AM都未見人？會唔會係頭先走漏眼呀？
6:00AM都未見人，番去我屋企既頭班車準備開喇，睇黎琴晚佢冇番屋企訓，算啦番屋企先今晚再等過
24號朝早，我照舊訓個晏教，夜晚八點出到去佢樓下
依舊等呀等
可能因為聖誕節，個個都有節目，平時幽靜既樓下顯得比平時更幽靜
淨係聽到風聲呼呼，我就拎住份禮物係度等女神既出現
好大風，好凍…
我個身開始震
但係要頂住！等左幾粒鐘先放棄？可能M係我走左之後果一刻番黎呢！
又等到6:00，又係果位司機車我番屋企
12月25日朝早
番到屋企，訓左個教，訓醒後，打比M
一路都冇人聽
高登入面冇一個Icon可以表達到我果時既心情
下晝四點左右，電話響起，竟然係M
：喂你係咪搵左我幾日喇？對唔住呀 
：係呀，你呢兩日冇番屋企訓咩？ ：冇呀你點知架，呢幾日我地成班去左果個澳州番黎既朋友屋企訓，又去左海洋園玩，而家先係尖咀果邊番屋企，好開心呀
：哦~咁咪好囉，呀！係呀，我有份聖誕禮物想送比你呀，我而家去你屋企樓下等你丫 ：唔好啦，又要你特登出一出黎，會好麻煩你架，而且我陣間番屋企沖個涼又要再出去喇 ：唔緊要啦，今日25號，我唔想過左個聖誕節呀，過黎比完你我就走架喇 ：好啦好啦 即刻衝出佢屋企樓下等佢，見到佢同佢阿媽一齊番黎，睇黎佢阿媽去接佢番屋企
話我犯賤都係咁話，見到佢既一刻，之前兩日既唔開心都一掃而空
：聖誕快樂呀，送比你架 ：多謝你呀 我好滿足咁坐上小巴番屋企，途中，M來電
：好多謝你呀，份禮物好靚呀 ：最緊要你鐘意姐 ：真係好多謝你呀，你咁樣會搞到我好唔好意思架，我又冇買野回禮比你 ：唔需要啦，你快D沖涼快D出去啦，你遲到喇 ：比起你份誠意，果D約會唔重要，做咩姐你好想收我線咩？ ：唔係，但係你再唔沖涼就真係遲到架喇 ：好啦好啦我地MSN傾啦 呢一刻，我好開心
到左第二日，即係12月26號
同M講電話
：點呀？呢幾日你玩得好開心呀？ ：係呀我地係海洋公園贏左隻好大既公仔呀 ：我覺得我地聖誕節唔可以出黎玩好可惜呀，你今日得唔得閒出黎玩呀？ ：我都唔知呀 ：咁聽日呢？ ：我真係唔知呀 ：咁後日呢？大後日呢？ ：… ：Er…唔緊要啦，如果你想出黎玩就叫我啦 過左幾日後，M都係冇搵我
之後我MSN同佢講
：其實我覺得有D唔習慣，識你呢幾個月黎都未試過超過一個星期唔見面 ：25號果日我地咪見左一面囉 ：哦 ：你唔好咁啦
：你唔好咁啦我冇事喎直至去到除夕，我都係約唔到M
所以我就跟左班兄弟出去尖東倒數
一月一號我上左佢屋企玩同埋打邊爐
傾傾下知道佢同左佢個女仔朋友去倒數
：本來我都想諗住同你去倒數架，但係我個朋友失戀呀，我唯有陪佢啦 ：哦，咁比著係你會唔會一定要同男朋友去倒數呀？ ：嘩呢D大時大節梗係要同重要既人一齊過啦！ ：不如你聽日都黎我屋企吖 ：唔得呀我約左我D中學同學呀 ：有女仔架？ ：冇呀我讀男校架 成班麻甩仔咋嘛 ：好啦批准啦！呢個Sem Break，自考試之後我地既聯絡好似越黎越少 直至1月4號先再次去迪士尼
但係果朝佢又因為姐妹P既事搞到佢心情唔好
全日係迪士尼個樣都好唔開心咁
但係有一下係地鐵站既時候，佢用緊生活態度同人MSN緊
傾傾下既時候佢無端端好冧咁笑左一下
見到咁樣，我心諗：
「我氹極都氹佢唔掂，唔知係邊個有能力令佢笑到咁冧呢？
」 但係笑左下之後佢又繼續情緒低落咁款
：你唔好咁啦 ，我知你同其他人玩既時候，就算你唔開心都會扮個開心樣架，我地而且去玩嘛，開心D啦 ：我知你唔會介意我黑口黑面既 ：點解咁講呢？ ：因為我知道你好錫我 第二日本來我地約好左去同埋其他朋友打邊爐
但係點知佢臨時話唔去
：我唔係好想去呀，何況我又冇錢 但係…之後我發現左佢果日係去左同B既成班朋友食飯
：你平時又講到佢咁乞人憎，點解你又要同佢食飯既？ ：我就係見佢咁衰，我呢排冇錢我就洗下佢D錢，要佢請我都唔會唔好意思嘛