原來……由始至終我都只係一隻 觀.音.兵: 10
星期五呢日我又應承上M屋企教佢功課
教完之後番到屋企，M又係MSN震我
：大鋼砲你真係好好呀 
：傻啦我應該既 ：你以前女朋友點叫你架？ ：我地次次見面都係1 ON 1，唔會叫對方個名架喎 ：咁我就叫你BB啦
呢個時候我都好開心地去左沖涼
番黎之後見到個MSN寫住
：哎呀大鋼砲BB你真係好好呀 ：我好鍾意你 ：唔應我？ ：算啦我收番 呢個時候我唔理三七廿一即刻撲埋部電腦度
：對唔住呀我岩岩去左沖涼咋 ：哼！ ：呢排咁多野煩，不如等一切安定D先，可唔可以等學期完左，你比我正正式式同你表白一次？ ：唔洗啦，頭先都冇人理我 ：對唔住呀，我應承你以後唔沖涼丫 就咁睇落去，我覺得我真係會得米
：好想同你去玩呀 ：下星期五Sem1完啦，果時我陪你去迪士尼玩好唔好？ ：好到不得了啦 到左幾日後我地感情有進一步發展…
十二月八號星期三
M又震我
：你溫左書未呀？聽日測驗喎 ：溫哂啦好易咋嘛 ：我覺得好難呀，我驚我頂唔順呀 ：你點會頂唔住呀，係我印象中你好堅強架喎 ：我一D都唔堅強 ：起碼你感情事同公事分得好開丫，就算唔開心，係人面前都會扮冇野，唔似我咁，情緒影響做野，我先冇鬼用 ：但係我好依賴你架，如果有一日冇同你聯絡，我會冇心機做野 ：多謝你呀，係你令我覺得呢個世界仲有人需要我架 我地就係成日咁樣講埋D咁既野，但係又唔可以一齊，我相信，可能佢真係對男仔有陰影，需要時間吧…
到了星期五，亦即係我地相約去迪士尼之日，佢亦都講明左佢既諗法十二月十日星期五
我同M去迪士尼之日，亦都係我第一次去迪士尼
呢日真係玩得好開心，不斷影相，D相而家仲擺左係我電話入面做紀念…
晏晝去左巴斯光年果度食炸雞
佢食雞食得好粗魯，但係其實我係唔介意女仔粗魯的
佢就不斷大口大口咁砌
：我係咪好粗魯呀？ ：唔係呀
：我都知你唔介意架，你諗下，如果我同左你一齊，但係我都唔可以做番我自己，咁我同你一齊我都唔會舒服啦 ：你真係會同我一齊？ ：係呀，你比D時間我啦 ：咁你仲要我等幾耐呀 ：應該就唔會好耐既姐
食完野之後我地繼續玩，再講多次我地果日真係玩得好開心
好老實講，M真係改變左我，係另我由對迪士尼真係一D興趣都冇變到而家好鍾意
影左好多好多合照，期間佢指住其中一幅話
：呢張影到我地好似樣呀，夫妻相 到六點半左右我地就霸定靚位睇煙花
：其實你係幾時開始鍾意我架？ ：我都唔知呀 ：你咁得意既
：其實我以前都有鍾意女仔，但係我唔敢表白，我驚失敗之後面阻阻連朋友都做唔成呀 ：咁如果我拒絕你你會唔會唔同我做朋友呀？ ：唔知架 ：… ：又到聖誕節喇，你估我聖誕節可唔可以同自己鍾意既人過丫喇？ ：我諗唔得喇，我有個朋友(唔係B)係英國番黎，我地成班人已經約好左23-25號都出去玩喇 ：哦，咁算啦 ：你唔好咁啦，除夕我應該得架 夜晚睇完煙花後我地行到去小鎮大街
果時迪士尼已經開始緊聖誕既Event
係小鎮大街會有人造飄雪，個氣氛真係好浪漫
有一下我用兩隻手摸住佢塊面望住佢，佢又望住我，持續左好耐
果下我真係有衝動想咀落去，但我始終冇咁做
可能我怕佢會迴避，我怕佢既反應會令我受傷害
睇完煙花，我地都係時候離開喇，於是搭機場線係九龍落然後行過去尖咀金水
途中佢又一路聊我講感情問題
：其實我份人好奄尖架，我到而家都未拍過拖都係因為呢個原因咋嘛，因為我有潔癖，所以通常D男仔追我我都會有一D好濕碎既原因拒絕佢地 ：咁我呢，會唔會果D騎呢缺點架 ：你冇呀，半樣都搵唔到 ：… ：其實有時候D女仔唔接受佢鍾意既男仔，未必係唔鍾意佢，只係覺得未係時候姐，我覺得我未夠了解你，所以你比D時間我啦 食完飯，我同佢一齊搭巴士送埋佢番屋企
：我今日真係好開心好開心呀，我可唔可以錫你一啖呀 ：可以 M錫左落我右邊面
：我呢世都唔會洗面架喇 ：哈哈 送到佢屋企樓下，M拉住我要我送到去佢屋企門口
一開門見到佢阿媽
M媽：嘩咁夜你都送佢番黎呀！真係好多謝你呀！
就係咁，我地過左好滿足既一個晚上
由於已經Sem Break，我地聯絡少左D
但係因為要考試
佢連續十二月十五至十八呢4日都約我上佢屋企一齊溫書
最後果日我又毒撚格現型，傾傾下我又問佢其實係咪拒絕我
佢拍枱咁話
：你唔好成日少少野就話拒絕你啦，時間可以証明好多野架嘛，唉呀你真係成個小朋友咁 ：
但係佢嬲左幾分鐘就已經冇事
繼續同我有講有笑
本來M約左我兩日後上佢屋企幫佢溫書
點知到左果日
：唔好意思呀我媽咪病左，不如我地延遲一日吖 ：哦好呀 ：大鋼砲你做緊咩呀 ：我備緊課聽日教你呀 ：大鋼砲你真係好好呀 ：我一D都唔好 ：你好好！你好錫我！ ：嗯 ：我愛你的 ：=] ：我真係好鍾意你架 老實講我都唔知點應佢
：你呢？ ：我都係 ：冷淡到你丫 …
到左十二月二十一日，我上佢屋企教佢，黎料了…