原來……由始至終我都只係一隻 觀.音.兵: 9
又到左第二日，我拎左部電腦番學校做功課
M一見到我就即刻開電腦開FB
：等我睇下你有冇同其他女仔傾計先，陣間我驚你好似P個男朋友咁，瞞住我走去搵第二個女仔
：
然後過左冇耐，我錫左佢塊面一啖
佢笑咪咪咁望住我，冇講野
果個星期六晚我地去行海旁
我忍唔住將佢攬住
：你做咩呀
(我冇放手) ：海風大，凍呀 ：唔准咁奸茅架 然後去到第二日朝早，M喊哂口咁打黎…
：
我好辛苦呀，琴晚B又係電話煩住我煩到我六點先訓，我今朝由要七點起身，到而家十一點幾都未食野，我又要準備聽日果個英文Presentation，我地果科個組長又要我今日交個1000字既Written Report比佢，我坐係部電腦面前幾個鐘，一個字都寫唔出呀 ：你唔好喊住，冷靜D，你聽我講，你而家去食左野先，跟住訓個教，訓醒再做英文，至於個Written Report，你交比我，我幫你做啦好唔好？ ：嗯 ：乖啦，快D去食野，跟住訓教先 ：多謝你呀，同你講完，而家我舒服好多喇 結果果日我埋首做Double份量，做完我自已果份再做佢果份
全日都冇聯絡過
做到夜晚十一點幾先搞掂
：搞掂喇，你睇下 ：真係唔該哂你呀，做你女朋友一定會好幸褔 ：如果我鍾意既女仔肯接受我，我仲幸褔呀，夜喇，快D訓啦， ：早抖又過左兩日，呢日我特登走堂，陪M做功課
一路做就一路傾
：其實呢，我成日要求你陪住我，你會唔會覺得我會哂你時間呀？ ：點會呀 ：我唔想你覺得我當你係觀音兵囉 ：我唔會咁諗既，就算係…我都心甘情願啦
：唔會啦，你平時咁照顧我，所以我阿媽好鍾意你架 ：你阿媽鍾意我冇用架，最緊要係…你鍾唔鍾意我至得架…？ ：(細細聲) 邊個話唔鍾意你姐… 佢呢句說話開心左我幾日
直至去到星期五…
呢日本來M係Day Off
但係佢要番黎做功課
但我地唔同課室，本身又冇約到，所以我冇諗過去搵佢
到我放學既時候，經過M個課室，發覺佢已經走左，我都冇放係心上面，諗住番屋企
正當我等緊LIFT既時候，我無端端心血來潮想望下玻璃窗外面既野，我平時係絕對唔會咁做
呢個窗口望出係係望到學校出入既必經之路
一望，咦！果個咪M？！
我見到佢行得好慢好慢，講緊電話，頭耷耷
我諗：佢會唔會係有D咩事發生？
順帶一提，呢一兩個星期M個姐妹P有D大件事要M幫手，咩事就唔講了，唔係重點，但係M就要成日出去陪P
見到M咁既樣，雖然我身處九樓，但係我都即刻用九秒九既速度跑落地下，再用快過小明既速繼續沿路跑，終於見到M喇
雖然我係佢隔離，但係佢仲未見到我
呢個時候我見到佢個樣好憔悴好煩惱，對住電話入面果個又好唔耐煩咁
我伸手搭住佢膊頭，冇操開體能既毒撚，已經扯哂蝦
：M，你冇事丫嘛 M擰轉頭見到我，即刻同電話入面果個人講：「我遲D打比你啦」
：點解你會係度既？ ：我頭先係樓上見到你行得咁慢，覺得你有事發生，所以追黎囉 ：見到你真係好喇 ：你慢慢講比我知發生咩事 呢個時候我遞左包紙巾比佢
：P件事已經搞到我琴晚成晚冇訓喇，頭先做功課果班組員又恰我，成班走哂得我自己一個做，岩岩電話入面果個係B黎架，佢一打黎聽到我唔開心就猛咁問我咩事，我都唔想同佢講野，我陣間番到屋企又要出去陪P喇 ：而家冇事喇，番屋企啦 ：我本來都冇喊架，但係係我咁唔開心既時候你突然出現，我真係覺得好感動呀呢個時候送到佢去車站
：你可唔可以陪埋我番屋企呀 ：梗係可以啦 上到車後佢又好似冇乜事咁
：你睇下，你話過你鍾意女仔札髻架嘛，我轉登因為你而紮架，靚唔靚呀？ ：真係因為我？ ：真係架 ：但係本來我地今日唔會見面架喎 ：唔知點解我今日硬係凝住會見到你架 終於番到去佢屋企，佢媽咪又好熱情咁招呼我…
佢媽咪並唔知道P發生咁大件事要M幫手
而呢次亦都唔例外
M媽：又出去？去邊呀
：去…去做功課呀，大鋼砲陪我呀 M媽：做功課呢度做咪得囉
：ER…出去有人教丫嘛 M媽：哦~
冇幾耐之後我地就一齊走左
：嘩頭先嚇死我呀！阿媽問起我又要講大話呃佢，我頭先口疾疾咁呀你聽唔聽到呀？ ：哈哈係呀 ：係囉，我都唔識得講大話既 呢一刻，我係真心覺得佢係誠實唔講大話既女仔
：你唔覺得我無端端叫你上黎我屋企好奇怪咩？ ：唔會呀有咩奇怪？ ：就係因為我唔開心，我想見你耐D所以叫你上黎陪我囉 ：哈哈，有車喇，你有咩事要幫手就打比我啦 分別後，佢果兩日都去左陪P，仲不時同我報告情況
十一月二十七日星期六
：P情況好似好D喇喎，你有咩事就打比我啦我今日會係旺角 ：出旺角！？點解既 ：同班朋友去睇戲呀 ：有冇女仔架？ ：冇呀成班都係麻甩仔咋嘛 ：係咪真架，咁你快D番呀跟住果幾日都係圍繞P既煩事我就唔提了
直到星期三
我上緊電腦堂，M就震我MSN
傾左一陣
：係咪我阻住你呀？你應得好簡潔 ：唔係呀，我寧願你煩我都好過唔再搵我啦 ：我成日搵你架但我驚你嫌我煩丫嘛，而且…你會唔鍾意我 ：我幾時有嫌你煩，我幾時有唔鍾意你？ ：可能到左第2個SEM，你識左第二個女仔，你就係佢面前話我當你係觀音兵 ：唔會囉，你同其他女仔邊有得比呀 ：我有咁特別？ ：對我黎講係，定係你覺得我係一個見異思遷既人？ ：你唔係見異思遷，你係冇乜耐性姐… 呢個時候，我覺得我同佢既關係已經有所進展
直到星期五…