原來……由始至終我都只係一隻 觀.音.兵: 8

兩日後，終於Present完了，但係仲有份Written Report 

今日我地中午就放學 

M頂唔順話要番屋企訓教 

但佢第二日要測驗，所以就同我講佢訓醒之後去佢屋企教佢功課 

可以上女神屋企，嗚哇~ 





我梗係成隻狗咁即刻應承啦 

去到佢屋企見到伯母都係度 

伯母好Nice，係咁話好多謝我成日咁照顧佢個女 



又到第二日，又係星期三，又同佢同班朋友一齊食飯 





當中其中一個朋友係途中同我講 

 ：喂琴日睇你地Present，你同M個款真係好似拍拖喎 

 ：傻啦點會丫 

 ：咁又係既，聽講M都已經有仔啦 

 ：(心裡 )，哈哈，你係邊度聽番黎架 





 ：冇呀都係聽講架咋，我都唔知係邊個 



於是我一路都扮冇野 

到左放學，同M一齊等車既時候 

我扮冇事咁同佢講 

 ：喂 ，頭先有人同我講你有男朋友喎 

 ：我幾時有男朋友呀 

 ：唔出奇丫，你平時同阿邊個邊個(唔係B)都玩得好埋架 





 ：我對佢真係一D野都冇喎，我淨係覺得佢好好玩咋嘛 

 ：睇黎你好怕比人講你D男女問題喎，算啦我地唔好講喇 

 ：我真係好介意架 

送到去佢屋企樓下，我個毒撚格又現哂型，我又忍唔住問佢 

 ：M呀，其實呢…你係咪對我一D好感都冇？ 

 ：唔係囉 

 ：不如你直接D啦，如果係既話，我以後唔煩你喇 





 ：我唔覺得係煩囉，唔係呀…你俾D時間我啦 



番到屋企後，我收到M既訊息…



 ：大鋼砲，我好難過呀，我係咪好姣？ 

 ：我唔覺囉，你係好易同人混熟姐 

 ：岩岩比B鬧，我覺得好委屈，佢話我成個細路女咁唔識分輕重唔顧儀容，我聽聽下就CUT左佢線，所以我真係唔會鍾意佢，而我真係鍾意同你相處，我知你唔會嫌我肥嫌我醜嫌我著衫唔好睇玩得顛笑得大聲，但係B佢通通都會嫌棄！而佢又唔知自己又烏糟又口臭！我好多心事，不過唔知同邊個講，我唔想有咁多是非，我係以前間學校已經比人話我姣，但而家開左學三個月咋，B又追我你又追我，又比人話我鍾意邊個邊個，唔通我真係咁濫？ 







跟住我打左幾百字既訊黎安慰佢 

 ：我好想喊，我覺得好辛苦





我見搞到佢咁，唯有順其自然唔好迫佢住 

而呢一段時間佢對我亦都冷淡左 

大家一直相安無事，一直去到11月14日 





我仲記得果晚睇緊明珠台既變形金剛 

佢無端端MSN震我 

 ：大鋼砲，你MSN張相影得你好得意 

 ：你果幅都唔差丫 

 ：唔係啦，阿邊個邊個話幅相入面我隔離果個靚D呀 

 ：佢D品味係有D問題架啦 

 ：你覺得我靚咪夠囉 

 ：你真係咁諗就好啦 

 ：你覺得我假 

 ：… 

 ：大鋼砲，你知唔知，我覺得我自己真係好幸運能夠認識你，如果你比D時間我，我諗我會同你一齊 

(女神咁同我講我梗係開心啦) 

 ：雖然我好鍾意你，但係你呢排咁多野煩，等一切安定D先啦



到左第二日晚，M同我講起佢姐妹P既事 

 ：頭先P入左佢男朋友個FB，見到右下角有欄對話，原來P既男朋友瞞住P搵番佢個EX呀，我好嬲呀，點解呢個世上會有D咁既男仔架，又要瞞住個女朋友出去搵番個EX，呢D人拎去勞改啦！ 

 ：嘩又唔係發生係你身上你唔洗咁慶呀嘛 

 ：大鋼砲，你會唔會咁樣對你女朋友架？ 

 ：我份人好專一架，就算同EX一齊出街都只會係朋友關係，何況我都唔會特登瞞女友 

(申報：雖然我係毒撚，但係我都曾經拍過一次拖) 

：我都好想有個好似你咁既男朋友，但係我信唔過男仔，呢個就係我既陰影 







但估唔到，之後我先知，M口中既P，其實…