原來……由始至終我都只係一隻 觀.音.兵: 3
到左10月9號，我一早就去左POLY度拎我預訂左既電腦
講起我就扯火喇，我排左兩個鐘籌，忍唔住走埋去問佢
佢先同我講搞錯左號碼
三點左右，M突然SMS我
：做緊咩呀？ 
：拎電腦呀，排左我兩個鐘呀
：哈哈，鬧佢丫嘛，哎呀前日我咪同B出街既，佢真係好污糟呀 ：點樣污糟呀？你地果日做咩黎呀？ ：果陣佢試完衫一開門，即刻聞到好大陣腳臭味，我同個Sales即刻退後一步，佢成個人都好污糟架，個口又臭，我同佢講佢好熱氣個口好臭，佢話佢父母都係咁話佢，佢果次一打開個書包，有隻烏英飛出黎添呀！ ：哈哈咁得人驚 (梗係開心啦女神咁憎自己情敵) ：佢仲約我今晚上山頂喎，但係佢話等佢九點半同屋企人食完飯先呀，佢真係半D時間觀念都冇架 ：咁你今晚去唔去呀？ ：唔去！我決定漸漸地唔再理佢！以後我食飯可唔可以搵你呀，同你食飯開心好多好多架 ：梗係得啦，咁我以後搵得你好密架喇，你真係唔好嫌我煩先至好呀 ：得啦，以後有咩玩記住搵埋我 果晚七點左右佢又打黎，結果我地傾左兩個鐘電話
傾傾下我話
：既然佢同你上唔成山頂，咁不如我同你上丫 其實呢句我係開玩笑咁問，因為我地真正認識,熟既時間只有四日，邊有可能會同我上山頂，但係佢竟然話
：好呀 呢下我真係好愕然，完全冇預過佢會應承，但係既然有咁好既機會，梗係去馬啦
約左兩日之後去
第二日我成個腦都係想星期一快D黎
終於到左我地約定既日子喇
我同佢一齊坐巴士既時候傾左好多計
佢同我講左好多佢以前既事，佢既朋友佢既家人
雖然佢個人好開朗好多朋友
但係原來佢都有過一段好淒涼既故事
傾到咁上下有個Deadair，跟住佢話
：個肚有D唔舒服，抖下先 坐坐下，佢話
：我可唔可以挨住你膊頭訓呀？ ：可以 呢刻我諗：我地第一次出街你就挨住我膊頭訓，唔通你有D野？定係我諗多左？
結果後半程車我就郁都唔敢郁咁坐定定同佢依偎住
終於到達了！
果晚係山頂我地真係玩得好開心
一來可以同女神去街
二來上一次上山頂已經係十年前
三來果日係星期一，成個山頂都冇乜人，好似我地包左場咁
食飯既時候，可能太開心，佢有一下好失儀態既動作，但係其實我唔介意的
跟住佢掩住塊面話笑住咁話
：點解我對住你可以咁真咁自然架
食完之後，佢竟然爭住要比錢
翠華對我呢D學生黎講，真係話平唔平話貴唔貴
但係點都唔可以比個女仔請我食飯卦
但係我唔夠佢爭，埋單既時候佢衝出收銀度比左兩舊水
D侍應都陰陰咀咁笑我
飯後，我地行到去山頂果個遊樂場
我突然有股衝動想同佢表白
我搭住佢膊頭
：M，我有D野想同你講 但係M不斷縮
我果時諗，可能我咁突然，嚇親佢，所以我最後話
：都係冇野喇 臨走時我地經過山頂個商場
：真係冇野講拿？冇野講我地走架喇喎 ：嗯 搭地鐵既走時候
佢話佢好鍾意RubberBand
Send左首「一早地下鐵」比我聽
呢首歌同佢既故事真係好Match
果輪我每日都起碼聽一次，而且次次都喊
到左今時今日聽番我都有種莫名既感動
當我番到屋企，收到M既訊息
「我今日真係好開心喔」
講真我真係好興奮，我由細到大都咁撚毒
從來都冇諗過會識到一個咁活潑既女仔
跟住落黎果個星期既星期二三四我都放我朋友飛機去左陪M食
星期三果日佢唔舒服
食完飯就話要番屋企
佢番到屋企既時候Send左個訊息比我
：大鋼砲，我已經番到屋企喇，唔洗擔心我，雖然我知你唔會擔心，唔好搵第二個女仔呀！ ：邊個話我唔擔心你呀，你好快D去睇醫生添呀 星期四食飯果日佢同我講
：我識左幾個新朋友呀，佢地初初識我就叫我去哈佬喂喇，我地買埋飛添喇 ：咦你識果幾個我都識架喎，Between，玩得開心D
：不如你陪我去吖 ：(其實不知幾想陪佢去) 唔好啦，果幾個人我又唔熟 ：你去啦，我驚既時候有個人比我攬下都好呀 嘩講到咁我唔去都唔得啦
：好啦好啦，咁陣間我去買飛啦 傾左冇耐我又講左個笑話
：講個笑話你聽丫，從前小明踢踢下波，踢爆左鄰居塊玻璃，鄰居即刻走出黎鬧佢：「喂細路你叫咩名，我要話比你老豆老母知！小明話：「唔需要喇，我老豆老母都知道我叫咩名」好唔好笑 ：哈哈哈 食完飯去買哈佬喂飛
好好彩地，7仔最後一張飛，係真係最後最後一張都比我買到
番到屋企後，佢MSN同我講
：你今日好似心情唔太好喎 ：哈哈咁你都睇得出？我有講笑話你聽喎 ：真心睇得出，你唔好迫自己啦 ：咁唔通我對住你黑口黑面咩 ：你可以架，點解唔開心呀？ ：聽完首一早地下鐵，又諗起你既故事好奇妙，比起你，我既過去就好似Pat屎咁 ：點解要自卑喎，未必個個人既故事都要童話咁夢幻，只要自己覺得深刻就得，我地1x歲咋，仲有大把時間我地織夢呀 ：好多謝你呀