到左第二日,即係十月六日
同女神食飯喇嗚哇
好興奮
開始食飯前,佢將D刀叉筷子清潔好抹好哂然後雙手遞比我
佢呢下舉動真係令我震驚,連忙講唔該
![](http://archive.hkgolden.com/faces/clown.gif)
:我就咁睇落以為你好多人追既添,點知原來你平時係自己一個食飯架咋?
![](http://archive.hkgolden.com/faces/wink.gif)
:我係呢間學校冇朋友架
![](http://archive.hkgolden.com/faces/clown.gif)
:咁上次同你一齊上堂果個男仔呢?佢…唔係你男朋友咩?
![](http://archive.hkgolden.com/faces/wink.gif)
:佢唔係呀,佢都冇讀果科既,佢淨係果堂入黎陪我坐架咋,我諗佢係呢間學校唯一一個追我既,但我唔鍾意佢
![](http://archive.hkgolden.com/faces/clown.gif)
:(心裡暗爽)點解呀,佢唔好咩?
![](http://archive.hkgolden.com/faces/wink.gif)
:佢好煩架,佢第一日番學就識我,一路到而家晚晚都係電話纏到我半夜三四點先訓
![](http://archive.hkgolden.com/faces/clown.gif)
:
![](http://archive.hkgolden.com/faces/oh.gif)
咁得人驚?!
![](http://archive.hkgolden.com/faces/wink.gif)
:而且佢好軟弱,成日係度喊,好似琴晚咁,佢同我講分唔到組,呢D咁小事佢都可以喊一兩個鐘先收聲
跟住又係一輪閒談
![](http://archive.hkgolden.com/faces/clown.gif)
:係呢,你幾時生日架?
![](http://archive.hkgolden.com/faces/wink.gif)
:X月X日
![](http://archive.hkgolden.com/faces/clown.gif)
:咦,處女座喎
![](http://archive.hkgolden.com/faces/wink.gif)
:係呀,我係處女黎添架
![](http://archive.hkgolden.com/faces/clown.gif)
:哦,得喇得喇
![](http://archive.hkgolden.com/faces/donno.gif)
(真係估唔到佢會咁講)
…
![](http://archive.hkgolden.com/faces/clown.gif)
:我講個笑話比你聽丫,從前有隻烏龜行行下路見到隻蝸牛,就話:「不如我揹你啦」,蝸牛話好丫,烏龜又繼續行,見到螞蟻,又話揹埋佢,螞蟻上到烏龜背脊,見到蝸牛就同佢打招呼,蝸牛就同螞蟻講:「扶穩D,隻烏龜好快」好唔好笑
![](http://archive.hkgolden.com/faces/wink.gif)
:(
![](http://archive.hkgolden.com/faces/sosad.gif)
笑到掩住塊面震哂),真係好好笑
一路傾計我都有講下笑,佢又真係笑唔停,成個氣氛好輕鬆
有一下我諗住同佢玩咁,將我舊雞夾到佢個咀前面
點知佢真係含落對筷子度食左
![](http://archive.hkgolden.com/faces/wink.gif)
:同你傾計真係好開心呀,你好可愛呀,份人又搞笑,一定有好多女仔暗戀你
![](http://archive.hkgolden.com/faces/clown.gif)
:冇可能啦,我只係一個毒撚,男仔朋友我都好少,莫講話女仔朋友
![](http://archive.hkgolden.com/faces/wink.gif)
:一定有架,你信我啦
食完呢餐飯,我興奮到成晚訓唔著
![](http://archive.hkgolden.com/faces/clown.gif)
又到左第二日同佢一齊上堂了
其實兩日前M發燒冇番果堂,阿Sir堂上播左一條片比跟住要我地番屋企做功課
由於M缺席,所以佢要問阿Sir借隻碟即日放學睇番
而由於M緊接有堂要上,我就主動話幫佢上教員室借碟
到佢放左學之後我就比隻碟佢,仲同佢講陪佢一齊睇完先走
![](http://archive.hkgolden.com/faces/wink.gif)
:會唔會阻住你呀,條片成個鐘喎
![](http://archive.hkgolden.com/faces/clown.gif)
:唔緊要啦,還掂隻碟要我親身還架 (其實係搵個籍口想陪佢)
結果佢係度睇片,我就係佢隔離部電腦上高登
有時睇到D戇鳩POST,佢仲會同我一齊笑添
完左之後
![](http://archive.hkgolden.com/faces/wink.gif)
:琴日同你講,追我果個男仔呢 (以下稱果個男仔做B),佢約左我陣間放學行街呀,但係仲有半個鐘佢先放學,我地而家傾陣計先走丫
![](http://archive.hkgolden.com/faces/clown.gif)
:好呀,又話佢好變態,點解又肯應佢約既
![](http://archive.hkgolden.com/faces/wink.gif)
:因為我本身好鍾意睇男裝架,而且佢話帶埋佢表妹出黎,佢話佢表妹好鍾意佢架,我八卦想睇下佢表妹係咩樣
跟住又傾左一輪,但係今次我冇講笑話
![](http://archive.hkgolden.com/faces/clown.gif)
:係呢……你…冇男朋友咩?
![](http://archive.hkgolden.com/faces/wink.gif)
:冇呀
![](http://archive.hkgolden.com/faces/clown.gif)
:其實你份人咁開朗,你應該好多人追先岩架
![](http://archive.hkgolden.com/faces/wink.gif)
:係呢間學校真係冇呀,但係出面就有既
![](http://archive.hkgolden.com/faces/clown.gif)
:咁冇個睇得上眼咩?
![](http://archive.hkgolden.com/faces/wink.gif)
:冇呀,同佢地相處既時候都唔可以自然既,你知我啦,鍾意搞爛GAG架嘛,又表情多多,D男仔個個都嚴嚴肅肅咁,通常同佢地出一次街後,佢地再約我我都唔會再出架喇。 加上我覺得對人冇意思就唔好制造咁多回憶比人啦…
又傾左一陣,呢個時候B都已經放學,我就目送佢地離開了,但係我一D呷醋都冇,可能我知M點都唔會揀一個變態佬
半個鐘後,電話響起,竟然係M,佢唔係行緊街既咩?……
![](http://archive.hkgolden.com/faces/clown.gif)
:喂,你唔係行緊街既咩
![](http://archive.hkgolden.com/faces/wink.gif)
:係呀,佢而家試緊衫呀
佢講野好細聲,應該係唔想B聽到
![](http://archive.hkgolden.com/faces/clown.gif)
:咁你打比我做乜呀?佢表妹呢?
![](http://archive.hkgolden.com/faces/wink.gif)
:原來佢Fake我架,借表妹之名想同我單獨出街咋
![](http://archive.hkgolden.com/faces/clown.gif)
:咁賤格?!
![](http://archive.hkgolden.com/faces/wink.gif)
:你係邊呀?
![](http://archive.hkgolden.com/faces/clown.gif)
:我番緊屋企喇
![](http://archive.hkgolden.com/faces/wink.gif)
:喂佢出黎喇,Bye Bye
呢個時候,我淨係覺得點解B可以咁賤格