原來……由始至終我都只係一隻 觀.音.兵: 4
第二日星期五佢Day Off，我就要番學，我地又要分別一日喇
點知上上下堂既時候佢SMS我…
：做緊咩呀？ 
：上緊堂呀 跟住成堂就掛住同佢SMS
：不如我放左學之後你出黎我地一齊食飯丫 ：媽咪已經買左餸，洗左米，我不能出門了 ：咁算啦 ：唔好咁啦，明晚也可以呀親愛的 ：(開心到彈起) 好呀等我今晚諗下聽日去邊啦 最終約左第二日即星期六，4:00點係紅磡等
到左星期六，我滿心期待約定時間
點知係我就快出門口既時候
M來電…
：喂喂，唔好意思呀，我今日有D唔舒服呀，你可唔可以比我抖一日先，最多聽日去哈佬喂之前我一早就同你出定黎先丫 ：哦你唔舒服就唔緊要啦 ：真係好對唔住呀，你唔好嬲我呀 ：傻啦，你抖下啦 收線後，我諗左一陣，不如索性陪佢去睇醫生啦
於是打番比佢
：喂你唔舒服，洗唔洗我陪你去睇醫生呀？ ：唔洗，不如我地而家出去啦 ：而家又出去？你唔係話唔舒服既咩？ ：唔緊要啦我地照出去啦 ：你傻架咩你病就抖下啦 ：我想見你呀，見到你我就冇事架喇 (開心到飛起
) ：你真係冇事至好呀 ：嗯 於是我地即刻出左去紅磡火車站
再行過去尖東再再沿海傍慢慢行過去尖咀
：其實呢，你有咁多男仔追，我成日都覺得好大壓力，我怕同佢地相比之下，我唔可以令你開心 ：傻啦，同佢地出街佢地都會按排好哂又比哂錢咁，但係只係Fing錢既開心，但係同你出街就唔同喇，我係真係由個心入面開心架 行到文化中心附近，見到一個幫人畫畫既阿叔
我地又比左$120畫左一幅
我諗，呢張算係我地第一張「合照」吧
果晚我地去左金水壽司食晚餐
叫左10碟蟹棒壽司同兩碟牛油帶子
如果有巴打絲打見過一對男女係加連威老道間金水用一隻超大碟裝住20件蟹棒壽司黎食既話
果兩個人應該就係我地，因為我地去過好多次，次次都係叫10碟蟹棒
呢個都算係屬於我地既回憶……
食完之後，我地係海港城行左個轉
：同你玩個遊戲丫，我講乜你都要跟住我講 ：好呀 ：開始喇，士多啤梨蘋果橙 ：士多啤梨蘋果橙 ：你有冇玩過呀？ ：冇呀 ：你輸左喇哈哈 ：喂呀唔算，再黎多次 ：好呀，士多啤梨蘋果橙 ：士多啤梨蘋果橙 ：你有冇玩過呀 ：你有冇玩過呀 ：你贏左喇 ：你贏左喇 ：玩完喇大佬 ：玩完喇大佬 ：我好鍾意你 ：我好鍾意你………唔玩喇唔玩喇 跟住大家都冇乜野咁繼續行
：陣間不如我送你番屋企啦 ：唔洗啦，我DADDY陣間渣車黎接我去遊車河食宵夜睇星星呀 ：哦咁你玩得開心D啦 再行多一陣，我鼓起勇起
拖佢隻手
佢笑住咁縮
我再拖，佢再縮
：喂呀！唔准咁奸茅呀！ ：
乜野奸茅呀 番到屋企後，我SMS問佢
：頭先晏晝你話唔舒服，你而家有冇好D呀？ ：我有D作嘔，我好想見到你呀 我咁大個仔都未試過幾日內咁開心咁多次