[找數][外傳]「空白的五年」: 約會
係同家姐傾完之後,我plan左幾日,諗應該同lulu做咩好。
其實我唔係度呢五年我真係有好多野想同佢做,好似係去赤柱呀長州呀呢D地方玩咁。
但我最先需要考慮既係點樣同佢開口。
點樣可以係唔引起佢懷疑既情況下令佢肯跟我去玩?
我好快就得出一個解決方案,答案就係要強硬D,令佢唔敢問,就好似以前咁。
所以,第二日我又走左上佢屋企,當時佢係度睇緊高達。
我:「喂傻佬。」
lulu:「唷,做乜咁早就走上黎?搵美星?佢仲未醒喎。」
白癡,我點會係黎搵家姐,我梗係黎搵你架啦。
好啦,係而家喇,我要開始扮嬲。
到最後你會原諒我架可?魯路修。
我:「喂…」
我只係講左一個字,佢就無啦啦企起身,攬住我撻落張梳化。
Lulu:「黎啦陪我睇高達啦,有咩一陣先講。
![](http://forum8.hkgolden.com/faces/biggrin.gif)
我:「喂吖…」
lulu:「睇下!FA Unicorn幾型呀!好想買佢盒模型呀。
![](http://forum8.hkgolden.com/faces/bomb.gif)
我:「大細路,你23歲架啦。
![](http://forum8.hkgolden.com/faces/donno.gif)
lulu:「無所謂啦。」
佢無望我,繼續將所有專注力放係電視度。
唉,無辦法啦,而家同佢講咩佢都聽唔入耳架啦。
就陪佢睇完先啦…
佢睇得異常地投入,異常地興奮,係一部綠色成隻青椒咁既渣古爆炸個陣佢甚至叫左出黎。
「瑪莉坦!!
![](http://forum8.hkgolden.com/faces/cry.gif)
![](http://forum8.hkgolden.com/faces/cry.gif)
我:「洗唔洗呀你。
![](http://forum8.hkgolden.com/faces/sosad.gif)
lulu:「你唔明架啦,呢個角色有個好悲慘既過去架!
![](http://forum8.hkgolden.com/faces/cry.gif)
![](http://forum8.hkgolden.com/faces/frown.gif)
悲慘既過去?我地之前既五年其實都幾慘架,見都無得見,聯絡都唔可以。
但我地都可以堅持到今日吖係咪?
至於好結局?我覺得我地會有,我希望我地會有。
我一直係度諗我地既未來,我地既結局,無乜點留意套戲,只係知最後男主角好似番左生。
我:「完嗱?個結局好似..
![](http://forum8.hkgolden.com/faces/smile.gif)
lulu:「你都覺?
![](http://forum8.hkgolden.com/faces/oh.gif)
![](http://forum8.hkgolden.com/faces/chicken.gif)
我:「係囉。」
咦唔係喎我做乜係度同佢討論劇情?
![](http://forum8.hkgolden.com/faces/banghead.gif)
![](http://forum8.hkgolden.com/faces/kill2.gif)
我:「喂魯路修我有野想同你講。」
lulu:「嗯,我記得你話有想講,講啦我聽緊。
![](http://forum8.hkgolden.com/faces/agree.gif)
佢一路玩電話一路講,好似完全唔在乎我之後會講乜咁。
唉,算啦佢係咁架啦。
我:「魯路修,老實答我,你係咪仲未記番起哂所有野。」
我一直望住佢對眼黎講,見到佢一聽到我咁講之後馬上將視綫移離電話。
但佢既視綫並未馬上移向我,而係望向前方一下之後先移向我。
Lulu:「邊個話你知。
![](http://forum8.hkgolden.com/faces/smile.gif)
佢用一把好平靜,但聽落非常認真既聲音同我講,好有晨哥認真既時候既感覺。
頭先佢望向前方一下應該就係諗緊邊個洩密啦我諗。
好,食住道勢去啦。
我:「邊個講唔重要,重要既係呢個係咪事實?」
要係氣勢上壓制佢,等佢無辦法無時間質疑。
lulu:「係…係事實…我的確係未記番起哂所有野…不過…」
我:「咁你果日係公園即係呃我?」
差唔多喇我諗。
Lulu:「我唔係有心想呃你架…我只係見你當時咁開心我先唔講咋,而且,其實記唔記得都唔重要啦。」
唔重要?佢咩意思?
我見佢用d做錯事既小朋友望住父母既眼神望住我,好似仲有野想講咁。
我:「繼續講落去啦你。」
lulu:「有人同我講過去已經唔重要,重要既係未來,我只要知道你愛我同呢五年黎你都係我身邊就夠喇。」
!?
邊個同佢講呢五年黎我係佢身邊??
有人向佢講大話?
Lulu:「所以,原諒我講大話啦,唔會有下次架啦。」
弊,我有少少動搖添。
要趁我意志尚算堅定時了結呢件事。
我:「好,原諒你都可以,有條件。」
lulu:「咩條件我都會應承。」
「同我一齊重新經歷返呢五年,之後結婚。」
咦?講多左少少野添!
![](http://forum8.hkgolden.com/faces/shocking.gif)
![](http://forum8.hkgolden.com/faces/shocking.gif)
但佢無秒回,而係靜左一靜,deadair左一陣。
lulu:「你咁樣係咪即係曲線約我去街同求婚啊哈哈。
![](http://forum8.hkgolden.com/faces/biggrin.gif)
俾個衰人執左個尾彩添。
![](http://forum8.hkgolden.com/faces/frown.gif)
![](http://forum8.hkgolden.com/faces/banghead.gif)