繼續「愛」你: 第二章 中五的開學日(一)

        七時十五分，一向準時的我已經在住所地下的公園等待雯雯一起上學。二零一六年九月一日，對於學生來說這天是一個新的開始。
        「咁耐架﹖」我看見雯雯行過來，已經很不耐煩地說。
        「Sorry呀，放左咁耐假，第一日番學都仲未識應。」雯雯都不好意思地跟我道歉。
        「唔緊要，我講下架姐！」
        「咁仲唔快啲行！再唔行就遲到架啦！」
        由我們的住所三武村行到學校需要大約15分鐘時間，現在只是七時半，還有半小時可以行，不用害怕遲到。
        「啊！你估下今年係邊個做班主任呢﹖」我嘗試打開話題。
        「唔…我希望係陳SIR啦，希望係佢啦，佢又唔惡又唔會點罰我地留堂。不過最袞今年又要同家明一班囉，佢上年已經成日蝦我，今年又係同佢同班唔通又要比佢蝦一年，點算呀！」雯雯愈說愈起勁，似乎對於中五的校園生活充滿著期望。
 
        突然有種聲音打斷了我跟雯雯的對話︰「哈囉！咁岩既，開學第一日第一個就係見到你地啦！」在我面前的，就是同一間小學升上中學後，每一年都是同班的「死黨」蕭逸豐。




        「蕭豐，你今日又會咁準時既。」雯雯笑笑地說。
        「咩意思呀﹖我不嬲都係咁準時架啦。」蕭豐生氣地說。
        「講下笑姐，洗唔洗咁認真呀！」雯雯說完便「篤」了蕭豐的腰數下。
        「哈哈哈…唔好篤啦！停呀停呀！」
        「鬼叫你咁認真呀，咁咪搞到你笑下囉。」雯雯亦都停了篤蕭豐。
        「不如我地去麵包店買早餐啦！」蕭豐叫我們一起買早餐。
        「咪係囉，原本我地夠時間去麥當勞食早餐架，一日都係你囉。」我一臉生氣的樣子指著雯雯。
        「咁…咁…咁第一日係咁架啦！」雯雯想認真地解釋，但又解釋不到。
        「咁…咁…咁其實我都係講下笑姐，你又咁認真，係咪要我…」
        「得啦得啦，我地去買麵包啦。」雯雯嘗試打斷我的行動，但係我雙手已經出動，向著雯雯的腰進發。




        「喂呀！唔好咁啦，救命呀，唔好吱我啦！」我隻手已經在她的腰「吱」了數下，這個時候雯雯已經被我弄到哭笑不得，不過在旁邊的蕭豐作為一個旁觀者，似乎他比「受害人」更笑得不停。
        「嗱！你都咁認真喎，都係用番依個方法對付你架。」雯雯比不到反應，只見她已經比我弄到「紅都臉晒」。
        「喂你地呀，再唔去買麵包就會遲到架啦。」蕭豐突然提醒我們。
        買完麵包之後，我地就回到學校。今天開學日，我地不需要去操場集合。我們行到五樓的走廊，然後各自回課室。
        「拜拜啦！」
        「拜拜。」
 
        上課的鐘聲響起，每年最期待的一刻又出現了，因為一會兒第一個進來的老師就會是我們的班主任。其實誰做班主任也好，都希望這一年校園生活可以過得開開心心，畢竟只剩下兩年的中學光陰。
        老師終於都到了︰「各位同學早晨！」
        「老師早晨！」




        「各位同學，你地好。我係陳SIR係你地今年既班主任，大家入得黎甲班都係學校既精英，黎緊剩番兩年時間就要考公開試，大家都要好好把握依兩年時間呀！」聽到老師這番說話，雖然陳SIR不是這樣惡，但其實他對我們都是有要求的，都希望我們有一番成就。
        想起今天早上，雯雯跟我說過希望陳SIR做她的班主任，現在陳SIR做了我的班主任，不知她的班是誰當班主任呢。