繼續「愛」你: 第一章 二零一六年八月三十一日

        「做曬功課未呀﹖聽日就要番學架啦！」我問。
        「得啦！得啦！有你幫我好快搞掂架啦！」張文雯回答。
        「次次都係咁，唔到最後個刻都唔做。」
        「咩喎！我差啲數學未做完咋！你快啲教我啦，我對住啲數真係搲爆頭呀。」
        「咁你依家出門未呀，我已經係屋企樓下間麥當勞啦！」
        「好好好，依家即刻落黎。」
        掛線之後，我坐在麥當勞裡等待雯雯。
 
        由中一的暑期開始，我都會約雯雯一起做功課、一起溫習，因為我很希望她能夠有更好的成績。
        仲記得認識她的第一天，就在五年前的開學那天。




        我正在乘搭升降機，升降機下了一層之後，便停下開門，門外有一位女孩子進來。
        我留意到她的校服。
        「咦！你又係讀五文中學架﹖」我不知好醜地問了那個女孩子。
        「唔……」女孩細聲地答我。
        「咁岩既，我都係呀，不如我地一齊行番學校啦。」
        「咁……」
        「反正都同路，一齊行啦！」
        就是這樣，我們連對方的名字都不知的情況下，那就作出左我對她的第一次「約會」。不過都不可以說是約會的，但除了母親以外，我從出生到現在都從未試過跟其他女子單獨行路，這次是第一次了。
     不如當時的我為何這麼膽大去叫這個女孩一起行回學校，不過我們那時的整段路程也沒有對話，直至回到學校。
        「請各位中一既新生到操場睇自己的編班。」老師向大家宣佈。




        「等我去睇下我編到咩班先，睇下會唔會同你同班。」說罷我便過去看編班的結果。
        「中一甲班…林志文，紅社」我被編到甲班。
        「你呢！你係咩班呀﹖」我問剛才那個女孩。
        「我編到丙班呀，唔係同你同一班。」她指著自己的名字「中一丙班…張文雯，紅社」
        「各位同學請到操場集隊！」領袖生說。
        「我地依家要出操場排隊啦！我地有機會再見啦，拜拜！」
        「拜拜！」
        就是這樣，我們在上學的第一天便相遇了，或者這個是緣份。
 
        「喂！你係度諗緊咩呀﹖」剛剛來到的雯雯拍一拍我。




        「我咪諗緊你囉！等左你咁耐都仲未到。」
        「係咪等一陣都唔到呀﹖你打電話黎個時我先岩岩起身，我又要……」
        「得啦得啦，明架啦！」我打斷了她的說話。
        「好啦，我地依家快啲攞啲功課出黎做啦！再唔做就趕唔切架啦。」我將話題轉移回今天的目的。
        「係呀！個啲sin cos tan到依家我都仲係未識分呀，對住啲數真係無晒辦法。」
        「坐低啦，等我慢慢同你解釋清楚啦！」
 
這樣，我們由下午2點坐到晚上9點，終於幫她完成了所有功課，仲跟她溫習了，當然過程中我們玩樂才需要這麼多時間。
        「好啦，我地番屋企啦！」我收拾東西準備回家。
        「咁快就番屋企啦﹖」
        「聽日就要番學啦，唔番屋企去邊呀﹖」
        「聽日開始就係中五啦，我地係學校既日子仲有兩年咋，如果我下年成績差入唔到甲班咁點算呀﹖我入唔到同你同一間大學點算呀﹖點算呀﹖」雯雯說得眼泛淚光，好像有很多東西想說出來。
        「傻妹黎既！你黎緊個年努力啲，比心機一定有機會既，唔好亂諗咁多，唔好擔心咁多啦。」看見她這樣，我立刻安慰她。
等她平伏了心情之後，我就與她一起回家。
        「嗱！番到屋企唔好再諗咁多野啦，快啲沖完涼之後訓教，聽日唔準遲到呀，聽日見啦，拜拜！」我怕她回家後會繼續亂想一通，所以我送她到家門前，然後才回到上一層我的家。




        「知道啦，拜拜。」
        不過我仍然擔心她，所以回家後，我找她Whatsapp了一段時間，說的都是無聊的東西，確定她沒亂想後我才睡覺。