繼續「愛」你: 第三章 中五的開學日(二)

        午膳的時候，雯雯找了我去吃飯。其實中四那個學期，有一半日數都會被雯雯找了去一起午膳，所以有好多東西我們都會在午飯的時候說，今天是上學的第一天，當然也會被她找去一起吃飯。
        「一個A餐，凍檸茶。」
        「咁我都要一個A餐，凍檸荼少甜。」其實我都留意了她很長時間，她有很多東西都不食，例如她討厭芝士，所以我買食物給她時都會比較細心。
        「你知唔知呀，你今朝同我講個個陳SIR呢，佢做左我地班主任呀。」我要立刻將這一個「好消息」說給雯雯知道。
        「吓！認真呢﹖」佢半信半疑的樣子。
        「真係架，我都估唔到係佢做架，咁你呢﹖」
        「唔是呀！我地就慘慘豬啦，我地搵左吳主任做我地既班主任呀，一定又成日罰留堂啦！有排捱啦依一年。」
        「慘慘豬囉，全校都知吳主任係最惡，你今年要乖乖地啦，乖既話老師咪唔會罰你囉。」
        「講就容易啦！上堂咁悶唔做下其他野真係會悶死架。」
        「咁…唔留心聽書既話，你下年點樣同我同班呀﹖今年係最後機會架啦。」似乎我這一番說話擊中了她的弱點，她沒有反駁我。




        「唔…」佢唯有「唔」我一聲。
        「A飯到，兩杯凍檸茶一杯少甜。」茶餐廳的服務員把飲品和食物放下。
        「好啦！開餐啦。」我說。
        「好啦，為我地中五開學而飲杯。」雯雯說道。
        「你知唔知呀！今日係課室到家明又搞我啦，佢頭先……」雯雯又再展開新的話題，我與她就好像有著說不完的話題，說不完的內容。
        「等我過去搵佢報復先，竟然夠膽蝦我女朋友，真係大膽！」我膽大地說了她是我的女朋友。
        「邊個係你女朋友喎！唔好以為咁樣講兩句就認左我係你女朋友呀！」她很不爽地回應了我。
        「你係女仔，你係我朋友，你仲唔係我女朋友﹖」
        「你留左個字呀，係女性朋友呀！無人想做你女朋友囉！」雯雯說「性」字時是特別重聲的。
        「好囉好囉，係女性朋友啦！」其實我相信並沒有特別意的，其實我相信只是想跟她玩下。




        「咁你諗住點對付家明呀﹖」我將話題轉回原本的內容。
        「唔知呀，等你保護我架啦！總之以後係學校有邊個蝦我，我都即刻搵你去幫我出頭。」
        「我好廢架咋，打架個啲千其唔好預我。」
        「總之你就無得拒絕我，因為你係我既男性朋友。」雯雯很得意地說，我不知雯雯的意思，而我亦都沒有去想她的意思。
        我們的話題多得說不完，就是這樣，這一頓午餐我們說了很多話題。因為開學日下午不需要上課，所以我們吃完午餐後便一起回家