《台灣個表妹嚟咗我屋企住》【完】: (八十八)喺屋企

入夜嘅晚餐，小南煮咗蒸水蛋、炒娃娃菜同埋午餐肉炒蛋，仲有一煲青紅蘿蔔湯。

同今日嘅早餐相比真係一個反差，晚餐係好味十倍。

一餐簡單嘅住家飯背後，到底小南落咗幾多心機去鑽研佢嘅廚藝呢？由零變一，由難食變成好食，小南一定係擺放咗好多心機。

呢位賢妻仲要毫無去為我哋呢個有缺陷嘅家庭付出，真係令到我好感動。

食完小南煮嘅飯餸，我哋一家三口就坐喺梳化上一齊睇電視。





睇睇下電視，小南就企起身走到阿爸背後⋯⋯

「姨丈呀⋯你平時返工咁辛苦，我幫你揼下背脊啦。」

「吓⋯哦⋯好呀⋯⋯」阿爸好似對於小南嘅舉動十分意外。

呢個小南，估唔到識實行老爺政策。[yipes]

唔通佢係想氹到阿爸開開心心，然後接受令阿爸自己姪女係自己個仔嘅女朋友？如果真係咁，我就唔可以再話小南係白痴啦⋯⋯





我都好想小南幫我揼下背脊，只可惜礙於我哋嘅關係唔能夠畀阿爸知，只好將呢個想法埋藏係心入面。

小南實行完個政策就繼續坐返低睇電視，但眼見時候唔早而阿爸仍然唔肯返房瞓，我諗今晚應該冇得再同小南一齊瞓啦。:-(

果然，小南意味深長咁向我打咗下眼色，我就知道冇機會了。:~(

「姨丈，我返房瞓覺啦。」

「嗯⋯」





「你都唔好太夜呀，早抖啦。」小南說罷就返咗入房，剩低返我同阿爸喺廳。

「阿爸，我都瞓啦，聽朝早要返學補課。」我話。

「嗯⋯」

正當我行入房諗住閂埋門嗰陣⋯⋯

「喂，星仔。」阿爸叫停咗我。

「做咩呀？」我問。

「都⋯都係冇事啦，你去瞓啦。」阿爸好似有啲嘢想講又唔講，佢嘅性格一向都係咁婆婆媽媽。

「哦⋯」既然佢唔講嘢，我只好閂門上床瞓覺。





唉⋯今晚冇咗小南瞓喺身邊，好空虛呀！好寂寞呀！

曾幾何時我都係咁，會無時無刻都想見到一個人⋯⋯

明明呢一個人就喺我隔離房。

最衰都係個死人老竇喺出面阻住晒！

我有諗過冒住生命危險擒窗過去隔離房搵小南，但諗諗下又瞓着咗而不了了之。