《台灣個表妹嚟咗我屋企住》【完】: (四十六)詫異

*這個壞壞的表哥！正當在我想去睡覺的時候，才說要帶我去吃甚麼東西，要是平時，我早早就能去呼呼大睡了！不過老實說，表哥這個人蠻好的，帶我去喝糖水，那一碗叫西米露的糖水，味道又真是不錯，甜甜的。然後聽着他說起和女朋友的一段往事，我的心裏無緣無故有點酸酸的，可是他突然問我有沒有男朋友，令我多尷尬啊⋯⋯但不緊要了，能夠嘗過糖水這種特別的東西，我就很滿足了，還有可以回來這張軟軟的床睡覺，簡直是十倍的滿足，我真不想回去家裏睡那張很硬的床啊！

***

睇完之後，我實在覺得好莫名其妙，明明係小南自己話肚餓，要我帶佢去食嘢，又要埋怨我唔畀佢瞓覺⋯睇嚟瞓覺對佢嚟講都幾重要，我估小南呢一世都習慣唔到都市人夜瞓又瞓得少嘅生活方式。

但係呢一頁紙最詫異嘅地方⋯⋯係小南所寫嘅下款。

寫日記都要寫埋下款咁奇怪嘅？又唔寫埋上款⋯⋯但都唔夠佢寫咗田川小南作下款咁奇怪。





田川？點解嘅⋯小南唔係姓程㗎咩？

跟住我就想睇返小南之前寫嘅日子，睇下係咪都係咁寫。

但咁樣做又好似唔係幾好喎⋯⋯

我心諗：「我認識嘅表妹唔鍾意人侵犯佢嘅私穩㗎。」

所以猶豫咗陣之後，我就合上返本日記，擺返好喺度就帶住咗個疑問行返出去。





廢事一陣又畀佢發現咗，然後又嬲我。