如果收兵是一種選擇: 三人行

「走啦byebye」
三個小時飛快過去，主席先行離開。
「不如去唱K」呀龍提出。
「好喎！」issac 和議。
「跟大隊。」袁柏楓說道。
「穎、Jessica 一齊去啦！」呀樂又再次「出招」邀請我們。
「穎，一齊去啦」JESSICA在我的耳邊細語。
「唔好啦，我地兩個去行下街好過啦……」JESSICA或許從我的臉容上看出了甚麼，跟我打了個眼色。

「啊，呀穎你咪話今日BOOK左剪頭髮既？」




「係喎係喎……」JESSICA拉著我的手，離開了大隊。

「呀樂唔好咩？」她問到。
「唔係……不過……」
「我明，無FEEL呀嘛。」JESSICA一臉自信。
「係喎，你唔係話你想約袁柏楓一齊行街咩？」
她沒理會我，只要低頭在手機一直回應訊息。我們倆就這樣一直走，到了新之城底層的遊戲機中心。
令我意外的是，袁柏楓這時候竟然出現在我們的面前。

「你咁快既。」JESSICA跟他說。





甚麼？他們是約好了的嗎？

「佢唔係話跟大隊咩？」我又跟JESSICA細語。
「佢話悶，問我去邊，我咪約佢黎囉。」

原來，我做了「電燈膽」。我們仨像小孩子般玩個痛快，想不到，袁柏楓平日雖然說話不多，但還頗風趣。

這次，是第一次的三人行。





「七點幾啦，我返屋企食飯啦。」JESSICA說。
「頭先主席話下個禮拜去踩單車，你地去唔去呀？」
袁柏楓跟我對望了一眼，然後異口同聲說：「去囉。」
「咁一齊去啦喎，就咁話！」JESSICA表現得十分興奮。
「喂，你地搭咩車呀？我去個邊搭巴士呀。」JESSICA說。
「地鐵。」說罷，我與袁柏楓與JESSICA道別，一同走進地鐵站。

一路上，我們也沒有說話。那時候，手機上網還未普及，我倆只是互望著車廂中的不同方向。
「下一站黃大仙。The Next Station……」
「我到了。」我終於開口，打破了彼此間的沉默

。突然間，列車急剎了一下，我沒站穩住，身子向前傾。袁柏楓拉著我的手，把我捉實。

「唔該哂…」我一臉尷尬，不知怎樣反應，與他同步走出車廂。





他一路上沒有說話，只是隨著我一直走。

「我行呢邊，你呢？」我打算跟他道別。
「我都去個邊轉車。」他終於開口跟我說話。
我倆走了一段斜路，而過程中，依然沒有對話。
「我行呢邊。」他示意他要右轉。
「哦，咁byebye啦。」