如果收兵是一種選擇: 入伍

Gathering 的一天到了，今天沒再穿上校服，我挑了一條裙子，把長直黑髮放下，戴上隱形眼鏡就出發去旺角的一間cafe。

「sorry 遲左。」
踏入cafe，眼見眾人都到了。看看手錶，原來我遲了差不多半小時。
「睇下想飲咩？」issac 將menu遞給我。
「袁柏楓條仆街仔仲未到既。」我也差點遺忘了他的存在。
「Jessica 你打俾佢啦！」我故意大聲說出。Jessica 雖一臉微紅，但已經低下頭來要給袁柏楓。
「唔撚洗打啦，條仆街仔到啦。」龍看看手機。

袁柏楓怱忙地推開了門。




「衰仔，坐過黎啦！」呀樂用眼神示意他坐在身邊。
「使但啦。」說罷他就坐在我身邊坐下來。

大家開始談起自己當初轉校的原因，有的因為會考分數不夠，有的因為操行不佳，有的想轉轉環境。大家說得興高采烈時，只有Jessica 和袁柏楓在一味注視手機。
我突然想起，那天跟Jessica 的對話。

「你今晚真係唔得閒？」呀樂傳來了訊息。
我抬頭看他，見他一臉笑容，我稍稍搖頭，想他應該明白我的意思。
 
「喂，穎！」主席大聲叫我。我愕了一下。




「人地問你點解咁多年都無拍拖呀。」呀龍吸著那珍珠奶茶。
「下⋯⋯無鍾意既人咪無囉⋯⋯」其實我還真的不懂原因。
「你肯定係鍾意收兵啦！」呀龍破口而出。

甚麼？收兵？在過往五年的中學生涯，還真的有不少男生追求過我，對我無微不至，但我真的沒有收兵！

「你地做咩咁話人呀？」
「點呀你又想填form ？」
「你都on9!」
「屌，係人都知你冧呀穎啦！」





氣氛陷入一片死寂，眾人都不敢發聲，而呀樂面耳赤，似是十分不滿呀龍。

「佢講下笑姐。」Isaac 果然是耶撚，又在緩和氣氛。
「⋯⋯Jessica ，不如你又分享下情史。」主席嘗試轉換話題。
「我⋯⋯我都有鍾意人既。」大家當時不其然在猜想是誰。幸好Jessica 引來了大家興趣，不然真的難以找個下台階。