單身女子隨筆: 回應：是偶遇還是相遇？

人生難得偶遇 字/小YAN

原本都已經不好受，何以要將這份不好受深烙於彼此間？
緣份呢樣野屬神推鬼拱，唔到我地自己決定去到幾時幾時就到此為止，亦唔係你plan好左 就可以一切掌握在手。
既然來到，由它自由發展，這就是人生，這就是我們，生活在千變萬化人間。它要走的時候，就會走。

悲喜都是個美好回憶
愛就愛吧　恨就放下
放開懷抱　賞賞花
幸運我們能相遇　看過星星擋風雨


感謝上天的安排　人生難得偶遇

----------------------------------

回應：是偶遇還是相遇？ 字/紫玉蘭

最近對一種性格測試很有興趣，個測試叫做DISC，同九型人格差唔多，但簡單易理解一啲。了解多左自己之餘，亦開始了解到自己點解總係對某種人或事特別有興趣。

本來呢個測試主要應用係職場上，但我覺得放係愛情或友情上都很適用。



人生裡，可以與很多人偶遇，當中能相遇的似乎總有因由。

我係中S同偏中C既人格，即係性格平穩得黎偏向分析，喜歡做支援型工作。我對呢個結果有啲意外，我以為自己會有啲偏D型即是會喜歡主導或控制，而其實我係喜歡D型既人，因為S型比較無主意，無安全感同唔喜歡爭執，所以如果有個主導型既人係度話哂事，咁就唔洗煩，初戀係高D型偏C型既人。

我估閨蜜係I型偏C，佢好識講野同推銷自己，又喜歡享受，所以佢好識吸引男人同時好識得分析我既內心世界。

S型亦會受I型既人吸引，因為I型好鐘意玩，好喜歡接觸人，S型遇到I型就好似一棵植物照到陽光咁，不其然會向著佢，小初係重I型既人，高度享樂、高度情緒化，我觀察佢偏C型，因為佢有一張愛情清單，娶老婆要講條件。

無憾係高S偏I型，因為我地都係S型人所以好多諗法都好似，佢重要偏I型，所以我有啲明白對佢既情感。



因為上呢個班老師喜歡事後俾筆記同埋希望同學完左課程之後繼續聯絡，所以課程完左之後要大家俾電話加落群組，而老師竟然鐘意用WECHAT，唉… 極度無耐咁裝返WECHAT，一個短短既偶遇發生左…

因為啱啱上完堂有多野想繼續延伸想知，所以要成日開WECHAT睇，有個住附近既人@左我，之所以俾佢@只係因為佢有張相係正我老家附近影，我對街坊特別感興趣，同佢傾傾下感覺到佢性格係D型，或者D型同S型既人都會互相吸引，傾左一段短時間佢約見面，第一次見完其實感覺幾好，之後都有KEEP住傾計，我喜歡佢對一啲小事上既控制，例如最近落大雨，佢特登語音話唔准我渣車，其實我好受。但係我好唔鐘意佢成日話要上黎我屋企，對一個初相識既男人話要黎我屋企，雖然佢話唔會做我唔鐘意既事，但我會諗佢想呃蝦條好正路啫？我表達我想識耐啲先，但原來就算婉拒D型人，都可以反枱，因為佢覺得我唔信任佢會唔掂我，講真…掂同唔掂，我都會唔開心囉。解釋無效，一段關係未開始已落幕。

或者因為我性格太缺陽光，能與人相遇，卻未能相愛。