單身女子隨筆: 回覆：氣泵(二)

回覆 字/豬肉佬

真係加甜，但那是苦澀的甜。帶著無奈的甜，帶著迷惘的甜，帶著無助的甜。
即使無憾會看到也要說，見步行步只是拖延對你倆並沒好處。日後你只會更依賴無憾，今日他的屋企未發覺仍能安好，到發現異樣時你同他又可以點?到有桃花出現時你又可以全心全意地投入嗎？這些問題都是你地要解決的至少諗諗是否真的可以這樣一起走下去

-------------------------

回覆 字/紫玉蘭

呢啲只係我單方面既感覺，神推鬼哄咁開始。



講得好聽係亦行亦珍惜，而我真正既想法係慢慢枯萎，激情慢慢轉為友情，親蜜慢慢轉為陌生。

無憾同我無咩好隱瞞，爛桃花同小初事件，佢知我想走出呢個困局，我知咁做會傷害我地既感情同關係，呢種咁矛盾既行為我解釋唔到，就好似心同身體分開行動，我個心係向著佢，然而對大家最好既結局係我搵到個好歸宿。怪就怪我無鬼用，遇親都係渣男。

無憾同我依家無以前咁成日計傾，佢是個顧家既男人，生活重心在妻兒是對的。我亦唔可能當佢係正常伴侶事事向佢傾訴。

各自生活，偶爾在沈重的生活中抽離半晚，抽離現實，讓靈魂休息再重新上路。

慢慢枯萎，慢慢轉化