單身女子隨筆: 回覆：氣泵(一)

回覆 字/小YAN

見一步走一步 (見步行步) 個陣佢都曾經講過，然而到了事發的一天，我心裡頭問：係唔係真係一步都行唔到落去？
不知道是不甘心還是不捨得，既然彼此能夠這樣地走在一起，緣份會是這麼淺嗎？

--------------------------

回覆 字/紫玉蘭

我同初戀就咁樣見步行步咁捱左咁多年，每年都有問題，唔可以諗分手。我病，佢照顧我。到佢失業，我支持佢。我想讀書，佢幫我。到佢病，我照顧返佢。我由想結婚，到妥協放棄。總有啲時候想同佢講不如我地分開下，我睇唔到將來，但係每年都有事發生，感情上，情理上都諗住等件正事過左再處理，但到最後又因為一齊太多年，太習慣對方，當時我既諗法都係，走到呢步，一齊經歷左咁多，緣分還會淺嗎？



但係男人唔係咁諗，佢只會選擇用佢自己既方式離開，突然間，毫無徵兆，徹底消失。好似一刀劃開大動脈，乾脆利落。好似緣分忽然間燒乾燒淨，無左一齊既理由。