【大學故】《上到大學，原來真係會咩都唔同曬》: 十五
(十五)
*小熙視覺
一諗到呀賢同雪琪既關係，我個心就痛到好似裂開咁，眼淚不停湧出。
「不如你洗個臉訓陣先喇，你都攰喇。」呀朗都仲係咁溫柔，咁體貼「你呢排咁chur咁辛苦，就休息下先喇。」
我無出聲咁點左下頭，而當我準備起身行入房之際，呀朗突然間攬住我，仲錫左落我額頭度。
我無避開，但我毫無表情咁望一望佢就行左入房。
「我... 咁我走先喇，你好好休息啊。」
一入到房，我就將個喇叭較到最大聲，係平時YouTube 聽歌list求其點左一首。點知，第一首已經係『自動棄權』。
屌，又會咁合時咁播到呢隻。
『你有找幸福的自由 我未夠她得天獨厚』
陳俊賢，我地第三年既紀念日，真係好撚難忘。
係既，而家雪琪先係同呀賢成日見既人，我又成日咁忙冇時間陪佢地，或者我退出先係更好既選擇呢⋯⋯
腦袋又不自覺咁諗返起當晚呀賢好自然咁抱住雪琪，同埋Yuki既說話。
個晚，當我幫呀賢整好曬啲野之後，呀賢個電話響起，來電係yuki。
『喂？』我首先開聲。
『喂⋯⋯？你係呀賢女朋友？我係頭先個個女仔yuki，係呀賢同學啊』Yuki好友善咁自我介紹。
『喔⋯⋯你叫小熙得喇，我知道啊，呀賢有提起過你』
『係啊... 啊，係呢，呀賢而家點啊？有冇好啲？你自己一個搞唔搞得掂啊？』
『啊？佢冇事啊，佢岩岩訓左喇！』我笑左笑咁講。
『其實... 我打黎想同你道歉架。頭先呢... 我真係冇心令你誤會架，我真係唔知原來你先係呀賢女朋友... 我... 真係對唔住啊... 你冇事啊嘛？』聽到yuki好內疚既聲音，我諗呢個yuki應該無乜野，佢以為呀賢同雪琪一齊，睇佢頭先驚訝既表情又轉登打黎關心我，應該係可以交得過既。
『嗯... 唔緊要喇，我冇事啊。』我知道，冇事姐係有事，我就係咁口不對心。
但yuki就好似睇穿左我咁，『我知你一定有事架，你唔好亂諗喇，我諗佢地係有苦衷架。』
就係咁，個晚我同yuki傾左成個鐘先收線，而且仲係呀賢唔知情下交換左whatsapp。
『其實... 呀賢同雪琪係咪真係無事... 係咪真係我多心左...』我係個一個月避呀賢同雪琪既時間，覆得最多既唔係呀朗就係yuki。
『我當然希望係你諗多左⋯⋯雖然有時候女人直覺好準⋯⋯』Yuki秒回左我。
『你覺得呢？』
『佢地⋯... 好似真係冇否認過⋯⋯同埋佢地成日都一齊坐一齊食野⋯仲好似有情侶鞋。⋯』
情侶鞋。
我諗到雪琪前幾日ig up左張純白波鞋相。
哈哈，陳俊賢你著住我買比你既波鞋同雪琪做情侶鞋... 我真係好撚on9。
諗到呢到，眼淚又再次湧出，一滴一滴咁滴落手機上我同呀賢既合照⋯。
突然間，我房門被人好大力咁推開，一個身影快速咁衝埋黎攬住我。
我未回得切神望清對方既樣，但熟悉既氣味令我已經一早確信佢既身分。
我強忍住眼淚，顫抖咁抬起頭望一望佢。「陳俊賢... 我地... 分手喇...」
三年黎，我第一次提出分手。
*呀賢視覺
我望一望手錶，大概四點左右，距離小熙屋企人返屋企既時間仲有三個鐘左右。
我一定要盡快氹返小熙，呢個傻妹到底呢三個月亂諗啲乜，頭先見到佢黑眼圈就算再點用粉底遮都見到好大好重。
一落的士，我急急腳咁入lift然後去到小熙屋企門外。
因為太急速趕過黎既關係，我冇拎到小熙大門既鎖鑰，但我知小熙而家一定聽唔到我禁鐘聲。
心急如焚既我只好係門前來回踱步咁諗計，突然間小熙既大門開左。
我一轉頭，企係我面前既唔係小熙，係一個韓仔打扮既男仔，睇到佢臉上既妝容同身上係同小熙個套表演衫差唔多既衣服，都估到佢就係小熙口中既學校好朋友，呀朗。
但對於佢點解會出現係小熙屋企，我仲未反應得切黎，呀朗已經講「佢頭先喊到崩潰咁濟，而家係房休息緊。你快啲去氹返佢喇。」
我呆左一呆，然後點左下頭走左入屋，「唔該曬你。」
點知呀朗捉住左我手臂，我另轉頭好不解咁望住佢。
「佢由一個月之前就覺得你同佢好朋友有野。」
我聽到呢句，即刻明白曬點解小熙呢一個月既古怪行徑。我對住呀朗報以微笑，就即刻走左入小熙間房。
一入到房見到小熙呆左咁坐係床到，我立刻衝過去抱住佢。
我feel到懷中既小熙震左下，然後緩慢咁抬起頭，滿眼淚水咁望住我講「我地⋯... 不如分手喇...」
三年，三年黎就算我地點嘈，都未試過講分手⋯。
我當下心痛如絞咁望返佢，好驚慌咁即刻收緊力度再抱實佢「唔好，一切都係誤會黎架。你聽我解釋喇...」
「我唔聽啊... 我唔想聽... 你同雪琪...」望住小熙梨花帶雨咁喊，我好心痛。於是，我直接錫左落去。
以前，只要我地一鬧交，我唔想再嘈落去都會直接錫落去小熙度。
一方面係令佢收聲唔好再嘈落去，一方面係滿足我其實覺得佢嬲個樣好可愛。
呢招對小熙係萬試萬靈，每次我錫完佢，佢都會好快無事然後同我冷靜咁傾曬成件事。
但係今次，小熙佢避開左我。佢dup低頭冇望我，繼而推開左我。
獅子座性格既我非常之大男人，呢個都係我最大既缺點。我望住小熙推開我，我唔知點解覺得好嬲好炆。
於是我好大力咁捉實佢雙手舉高再次錫落佢到。
小熙唔同雪琪，無練咩泰拳跆拳道，所以我好輕易咁用一隻手就可以控制住佢。
「我... 唔要... 痛... 好痛...！」豆大既眼淚又再次係小熙眼角湧出。
我知我捉到佢痛，但佢愈反抗我就愈嬲，捉住小熙既力度就更大。
直到佢好大力咁咬左落我度，我先放開佢。
因為小熙既反抗，我開始失去理性，滿腔怒火咁問「點解？點解要逼開我？」
「...」小熙無答我咁另轉面，而我因為佢既無視變得更惱怒，我二話不說咁拉佢過黎，捉實佢個頭咁又錫落去。
我明顯感受到佢不停咁顫抖，但唔知係太耐冇掂小熙既關係定佢而家著得好少布咁係我懷中喘氣。
望住咁既小熙，我不自覺地有左反應。
我知小熙都感受到我身體既變化，於是反抗得愈來愈大。而呢刻既我已經失去理智，我一手扯開小熙既沙灘褲同內衣，再除左自己條褲，係毫無先兆下就入左去。
「好... 好痛...！」我無視小熙既叫喊，不停加快速度，每下都好用力好深。
無幾耐我已經完事，然後我離開左小熙。
小熙毫無表情咁著返啲衫，眼淚繼續不斷流出黎。而我冷靜返落黎先意識到自己到底做得有幾錯。
我知我而家抱佢都冇用，於是我緩緩地講「對唔住... 頭先我... 真係冇心...」
我望住小熙受傷既眼神，心如刀割既感覺令我連呼吸都覺得困難。
「真係誤會... 我同雪琪真係冇野... 我地頭先唔知你會黎hall... 我地真係整緊你份禮物... 我搵雪琪幫手炸⋯」
「咁點解要講個啲野？點解你冇著衫？」小熙問。
「我唔小心整濕左件衫，所以咪放係冷氣機位到吹乾...」
小熙聽住我既解釋，並無任何表情。
「夠喇，陳俊賢，不如我地分開冷靜下。」