【大學故】《上到大學，原來真係會咩都唔同曬》: 七
(十三)
*小熙視覺
係我迷迷糊糊之際，我立眼見到ceci係咁挨落嘉浩度，又係咁想攬嘉浩咁，但嘉浩就無理佢，淨係合埋眼挨住張梳化坐左係度。
雖然我好想去阻止條姣婆，但係酒精既作用之下我成個人都好暈，連講句野既力都用唔到咁。
「小熙」朦朧間我聽到有把好溫柔既男聲叫我「小熙你點啊」佢係我隔離跪低左，然後將我抱上梳化。
我一心以為啊賢黎到，於是就攬實佢「我好掛住你啊bb，我想番去...」我依然無擘大眼咁攬住佢講。
個個人無出聲，佢只係將我放左上梳化之後摸左我塊面一下，之後就行開左。
過左唔知幾耐，有一個人將我咩起左，我下意識攬住佢，然後勉強擘開眼，見到眼前既係呀賢。
「我地走先啦」嘉浩對住佢地班人講左聲再見之後就同呀賢一齊行出party room。
「作死你呀叫你睇住小熙你同我係度飲...」呀賢一路講一路扶住嘉浩。
「我已經盡幫小熙頂啦，係班粉腸逼小熙飲...」嘉浩一路行一路講
「好彩我黎得切姐，喂岩岩中分個條女邊位啊，係咁痴住曬，我睇佢個款無醉到架喎」呀賢放慢左腳步。
「無阿同組新識既」嘉浩簡單咁講
「你小心啲啦，條女睇落想嗒你咁。」
「唔會啦，佢知我有女朋友，何況佢中學係讀國際學校，性格熱情啲姐」嘉浩係度幫ceci講說話。
「係係係，總之雪琪好擔心你，你唔好亂黎就得啦。」呀賢一路講，同時個腦諗起鄺曉輝。
我送左嘉浩上的士之後，就帶左小熙番屋企。
「傻妹，知唔知我好擔心妳」我輕撫挨係我隔離既小熙個頭然後輕聲咁講「你叫我點樣放心俾妳自己一個出去玩」
「叮」我拎左部電話出黎
「聽日一唔一齊去呀(笑喊)(笑喊)」係yuki
「地鐵站等？我約左雪琪」
「喔... 咁一係個度見啦(笑喊)」
我將部電話收番埋
無錯，聽日就到我入camp啦。
我一起身個頭痛到痴線，我一望發現我係呀賢間房。
「好痛呀...」我一路用手掌按壓個額頭，一路諗番琴晚既事
我記得我同佢地係度飲酒，之後同嘉浩都飲大左... 跟住呀賢黎接我... 嗯？唔係，呀賢黎接我之前有個人抱左我上梳化架，個個係邊個黎？
我諗極都諗唔起... 算啦。
我拎起電話，見到呀賢已經sd左個wtsapp黎「bb我去ocamp喇，妳啊快啲飲左杯解酒茶先啦，我臨出去之前沖左係枱俾妳，有咩打俾我啦，我隨時聽電話(心心)」
我由心笑左出黎，然後我係鍵盤輸入「早晨bb，我起左身喇(心心)」然後就行左出廳。
唔記得同大家講，呀賢既呀爸呀媽離左婚，而佢係跟呀媽既。佢呀爸係大陸有幾間廠所以幾有錢，聽講係因為老豆出去滾所以離左婚，但係每個月都會俾生活費佢地，所以佢地生活都唔錯。
雖然係咁，但佢媽媽成日都會去男朋友到訓，所以呀賢屋企長期都冇人。
*呀賢視覺
由琴晚去到party room見到小熙醉曬咁訓係沙發到，我就好唔放心，即使嘉浩係度都總會有走漏眼既時候。
一邊擔心住小熙，一邊又要睇住雪琪，仲要留意呀k既行動，未開始玩我已經feel到頭有啲痛，應該係琴晚照顧小熙所以訓得三個鐘都無加精神壓力既關係。
望一望手機，已經朝早十一點幾，我地既第一個活動毫無疑問都係City Hunt。
全程呀k都表現得好平常，只係刻意同我同雪琪零接觸。而我都費事同佢講咁多，同雪琪一齊都無視佢既存在。
只係每次我明明同雪琪行緊之時，個mk妹Yuki係咁搵位痴埋黎。
有好幾次，當雪琪行開左或者同其他組員傾緊計之時，仲一手翹住我手臂，係咁搵個胸頂埋黎。
但我真係唔知點解對住呢條女一啲反應都冇，比著我以前做player個陣可能都會執返佢一劑。
可惜而家係現實世界（唔計日本既愛情動作片）既話，可以話真係會淨係想比小熙。
於是我一個箭步行前，希望條女明白我對佢冇feel，費時hurt親佢。
我以為，係，我低估左呢條女既厚臉皮能力。
一直去到返營地、食飯、沖涼，都冇乜特別。而聽嘉浩講最爆既多數係房game，深知我係有女既人，加上我好頭痛好想訓既關係，我拒絕左組爸既邀請過大房玩game，都同時叫雪琪唔好去玩。
但雪琪貪玩既性格又點阻止到，所以叫佢小心啲同交代要留係一大班人既環境下就目送埋佢地出我地房門。
因為我唔過大房玩game，理所當然最後一個沖涼，讓曬比其他人沖先。所以當我沖完涼行出大廳個陣，都同平時係屋企一樣淨係著波褲冇著上身衫。
然而，本來應該冇人既大廳就正正出現左個條女，yuki。
望住佢緊身到爆既背心同短到郁一郁都會露底既沙灘褲，我腦袋中出現既係，小熙到底去ocamp個陣係咪咁著？
諗到呢到，我隨即拎出褲袋既電話，諗住打比小熙之時，Yuki突然行近我，而我都隨住佢既腳步向後退一步。
「你唔鍾意我咩？」Yuki故意夾左兩下，露出乳溝望向我。
我唔好意思咁轉頭唔望佢「你唔好咁，我有女朋友」
「乜個雪琪真係咁好咩？」Yuki見我唔出聲，又行前一步，已經係我想行開既之前貼近冇著上身衫既我。
「我唔介意啊，我真係中意你！我做你SP都冇所謂架！」
可能呢個時候，你會話，有得食唔食，罪大惡極。何況條女都已經送到上門，唔係唔食啊？
但抱歉，我真係完全唔想食。可能以前玩得多，一睇就知呢個Yuki冇波，同佢隻腳好瘦，瘦到火柴人一樣。試問我對呢條女又點會有反應？
「唔該你自重。」講完呢句，我就轉身想入房拎返件tee著。點知條女係我後面突然抱住我，喊住口話「我... 我中意你⋯」
而咁岩呢個時候，房門打開左。我一望過去，係呆左既雪琪。
我心諗，屌，今次仆街了。