「侯裕文系列」（1）《向港女說不》----------口語文: 第十七章：遣返

雖然場波輸緊，但哨子一日仲未響，比賽都仍然要繼續，不過都唔駛點估，有睇場波的人都已經知道結果。「等陣，電話響！」
此時我跟她行出花園外，她的談話內容大概也是跟我一起等，但大約五分鐘後他卻說：「唔好意思丫，裕文，個男仔話唔想見到你喎！不如你send返你account number俾我，我過兩日入返俾你。」
早知佢唔還架喇，不過做戲都要做全套，我照樣send個account俾佢，我就等佢兩日時間，如果佢唔還錢我唸以後都唔駛同佢見面。
雖然我已經同佢各自散，但我仍然離遠跟住她，始終自己也有興趣知道隻狗公係咩樣？大約十五分鐘後，家欣終於同隻狗公見面，我離遠望就已經知道隻狗公其實個子不高，英唔英俊見仁見智，感覺上如果我有心爭應該唔會輸蝕，但可惜我已經「放手」。場波已經踢完，巴塞返到主場輸多三球，拜仁以總比數七比零勝出。就是這樣，我正式被她「遣返」。過左一陣，家欣還send了一個表情圖案給我，我只是send了句「玩得開心D」就算。當我上左車的時候，我決定send返個whatsapp知會返海蓉：「我走左。」
三分鐘後，她終於回應我，以下是我和她的對話內容：
「下！」
『我俾你老友遣返。』
「？？？」
『你自己問佢．．．』
『我無野好講．．．』




「咩料？」
『你問佢！』
「你係邊？」
『我上左車！』
「我今晚上七樓。」
『我知，你老友講左．．．』
『我唔想講咁多．．．』
『我都想去，但現實唔容許我咁做。』
「？？？」
「想見下你！」




『我都好想見下你，但我只係從現實角度唸．．．』
『我無錯．．．』
『如無意外未來呢兩個月都見我唔到。』
「咩事呀？」
『你當我休息一下．．．』
「唔好咁．．．」
『我好攰！』
當我下逐客令後，她果然沒有再回覆。對話當中雖然我叫佢問家欣，但我相信家欣都唔會知道自己衰咩？顯然，我講餐飯係咪由我請客抑或幾多錢都只係藉口，真正令我不滿的原因還是她向我借錢。其實佢開口問我借錢果刻已經衰左，佢仲要唔還即是意味著她即時被我推上斷頭台。之前也說過，如果兄弟有難我係唔介意借錢幫忙，但她一來唔算相熟，相熟的定義起碼都識左三五七年先，她只是朋友的朋友更甚。二來她跟我談及她會去旅行，即是代表她的經濟不是出現困難，我沒有必要幫佢，如果佢因為去旅行而導致經濟困難，咁就唔值得可憐。說到底只要她肯還錢，其實呢餐飯我都唔會請得不情願的。但現在我卻是憤怒，我反而揣測她問我「攞」三百蚊的意思是否連車錢都唔想自己出？又或是把自己當作援交妹？我寧願她跟我說自己做援交，至少我仍然會尊重佢，因為她也是靠自己付出賺錢而且沒有傷害別人，並不像職場上的卑鄙小人，但她現在卻跟偷呃拐騙別無兩樣，至少我不會容許身邊有此等行為的朋友出現。（續）