「侯裕文系列」（1）《向港女說不》----------口語文: 第十六章：死亡約會（三）

接著，侍應把帳單拿過來後，剛才的自信驟然頓失，帳單顯示的銀碼為一千六百二十四元，這也表示我身上的現金不足以應付這頓飯。我對侍應說：「你轉頭先黎。」
接著，她已經行開，但另一個「她」已經出現了，我問她：「你銀包真係無錢？」
「爭幾多丫？」
接著，她從銀包內向我顯示數張二十元及十元的紙幣，感覺上對我說：「我沒有騙你的！」
見到呢個情況其實我好想爆粗，但我仍然保持克制。我問：「咁你有無信用卡？」
她卻想也不想便說：「無！」
她這個字一出，感覺上就似本能反應一樣，究竟真係無抑或有都話無就只有她才知道。我只是冷冷地說：「咁即係要我落去禁錢喇！」說罷我已經站起來。當我行到落樓下的時候，心裡卻泛起一陣邪念，就是一走了之。反正有件狗公媾緊佢，佢有本事咪叫佢件狗公上黎埋單囉。但我唔係「佩斯寶」，加上如果我就這樣離開，這件事根本沒有轉圜餘地，因為她是海蓉的朋友，我也需要向海蓉交代。如果我堅持，至少我仲可以理直氣壯，否則就只有自己理虧。種種原因下才驅使我到銀行把三百元提出來。返回餐廳後，家欣仍然做「低頭族」，而我卻把一千六百元放在桌上，接著再掏出一張二十元及一個五元硬幣，可惜只是沒有散銀，否則我係唔願意俾果一蚊小費，接著便離開。落到樓，我第一句便跟她說：「俾返三百蚊我先。」
「得喇，我轉頭去到匯豐銀行禁返俾你。不過我想返公司先，擺低把遮。」
接著，她把那個紙袋交給我，好明顯已經知佢係咩企圖，不過都算，我極其量都係幫佢拎埋呢次，要是她不還錢，我也沒有必要再應酬她。為什麼我會這麼肯定她不會還錢？要是她有心還，她在吃飯前已經還給我，用不著諸多推搪？當我們沿著加拿芬道慢慢步行到她工作的地方，沿途她大部份時間也是談電話，大概也是跟海蓉或是那頭狗公談話吧！而我也沒有心思理會她的談話內容，我腦裡只是想著：「快D還錢！」
我們到達她工作的地方後，她還打趣地問我飲唔飲返兩杯，我答她：「一陣都飲喇！」




「海蓉都唔知出唔出黎，不如你打俾佢。」
「佢頭先點講？」
「佢話仲未走，佢阿頭一陣到。」
「咁我去廁所先。」十五分鐘後，我離開洗手間，接著她跟我說：「不如去行陣先。」
「好丫，橫掂你都要禁錢俾我。」
「咁行喇！」
接著，我們步行到附近的K11，由於時間尚早，我們在大堂內待了一會，接著她就是談電話，我已經好肯定是那頭狗公，從對話當中佢好似話想join埋一齊，但我已沒有心思再理會，此刻我只想她快些還錢。
當她掛線後，我問她：「咁你幾時禁返三百蚊俾我？」
「一陣都經過銀行架喇，轉頭先。」
接著，我已經懶得回應她。我只知道如果佢唔還錢我一定唔會再見佢．．．（續）