「侯裕文系列」（1）《向港女說不》----------口語文: 第十八章：聲援

第二日，我條氣仍然未順返，所以我send了個whatsapp給海蓉：「即係咁，我請食飯唔係問題，但佢犯左一個死罪，就係問我借錢。」
接著不知多久，她終於回應我說：「明白。」
但是她明白又有何用？好明顯呢個回覆唔係我想見到囉。她接著回應：「佢仲細，原諒佢！」
於是我再whatsapp問：「假如一個沒有誠意，沒有誠信，沒有理會別人感受的人，你會點樣睇佢？」
「你指家欣？」她問。
「佢係港女！」
「佢有咩得罪你？」
「沒有誠意係指佢明知同我食飯都唔帶錢出街，剩係借錢唔還就已經係一種沒有誠信的表現，明知唔係自己埋單都要盡叫，佢好明顯沒有理會別人感受囉。」
接著她沒有回應，我續說：「得出結論就係：佢擺明想cap水，早走早著！」
接著我再說：「唔爭在話埋你知，佢除左係第一次問我借錢之外，以上行為佢唔只一次．．．」




接著她才回應：「我今日病左．．．」
我睇到呢個回應之後實在唔知俾咩反應好？我同佢講緊家欣單野，佢竟然話自己病。但我又不想對她窮追猛打，始終唔關佢事，所以我回應她說：「咁你休息下先！」不久後，聰明仔致電給我，我們談了一會後他向我問及昨晚的事，原本我唔係咁想提，不過佢問到我即管講：「咪提喇，總之就一肚火！」
「尋晚餐飯好甘咩？」
「餐飯一千六百二十四，呢個數字我到死果日都唔會忘記！」
「嘩！咁甘？你俾晒呀？」
「佢肯俾先得架！不過呢餐飯都唔係重點，最大問題佢借我錢唔還。」
「佢借你幾多先？」
「好少姐，三百蚊，不過唔係借幾多問題，而係我一向好憎人問我借錢。」
「無錯丫，你估叫雞咩？」
「叫雞起碼都有得屌西先喇，佢邊有？」




「咁其實可以用新修訂的『商品說明條例』告佢喎，收左人錢唔提供性服務。」
此時我真的笑了起來，不過我都懶正經咁講左句：「咁佢又無話出黎做，咁好難告得佢入喎。不過都可以試下告海蓉，佢剩係同我講家欣有公主病，無同我講話佢係港女，一樣違反『商品說明條例』囉！」
「挑！講呢D！不過餐飯真係貴左D喎，你地食咩黎丫！」
「刺身加火蝸，刺身有三文魚同象拔蚌。」
「唔怪得喇！象拔蚌真係好貴嫁，都係我衰，我累左你！」
「傻喇，一場兄弟，況且呢D野邊怪得你！」
「如果我係度至少都唔會俾你地叫象拔蚌先。」
「咁事實上我又食得比較多，但我覺得呢個絕對唔係佢唔肯夾返錢的理由囉！就算佢唔肯夾一半，稍為識做既都酌量俾返自己果份先喇！」
「我撐你！咁又係丫，佢又唔係我邊個？我點解要請佢？如果佢要我請我一定唔會再約佢下次囉。」
「我通常第一次都算，因為我都會搏佢請返我下一次，始終一人一次係好正常。但當佢第二次都無意識夾返錢之後，我係已經唔會考慮佢。」




「你已經好大量，我佩服你就真！」
「又唔好咁講，每個人底線唔同姐。不過今次我係嬲在佢真係老撚奉咁，我問你一句，你出街同人食飯前你會帶幾多錢係身？」
「幾百蚊無走雞卦！」
「咪係囉！佢尋晚成個銀包加埋都唔知有無一百蚊？」
「咁離譜，好在我無去馬。」
「呢D人以後避之則吉喇，我唸過架喇，如果佢唔還錢我地以後唔搵佢。」
「無錯，兄弟，我撐你！」
「呢兩千蚊睇穿一個人算係咁。」
「兩千蚊又甘左D，夠我叫幾次雞。」
我笑說：「平平地都得架！」
之後，我們談笑風生，差不多已談了超過兩小時。接著，我在whatsapp打了這些句子給海蓉：「剛剛同我老死傾完電話，俾著係佢已經無下次．．．」
「幾十蚊我請無問題，幾百蚊我請無問題，但當去到千幾二千蚊都要我請果陣，佢會好意思嗎？」
「而家我唔係要求佢夾返錢俾我，而係做人最基本的誠信呢？去左邊？」
「我無乜野，其實當時我可以一走了之，但我知道如果我行得呢一步，呢壇野唔會有彎轉！」
她果然沒有回應我，所有回應也只是一個剔號，可能她真的病了，需要休息。始終都盤算過，其實我都唔會旨意她幫我些甚麼，始終自古忠義兩難存，我做咁多野無非只係想呻一下，亦希望佢地知道問題所在，錢果方面真係好閒。（續）