【特工】《虔誠者》: 完結篇——（４）

同時地，蜘蛛小子的心，也停止跳動──


緩緩地，合上了沉重的眼皮。


「依一戰‧‧‧終於都告一段落。」夏林望住天台上遍地的屍體，每一個都被雨水打在身上，每一個都是無法再站起的戰軀。







「多謝你‧‧‧‧‧‧蜘蛛仔‧‧‧」飲淚的立青已經收乾眼淚，可是雨水落在她眼皮上‧‧‧‧‧‧還是會像條淚痕一般落下。


「傲家‧‧‧傲家‧‧‧‧‧‧收唔收到‧‧‧‧？」直昇機上的無線電傳來訊息。


「特工部，咩事？」不久前，被蜘蛛小子甩開幾呎遠的霏一拐一拐的走過去問。

「突發情況‧‧‧！你哋控制到場面未？！」特工部問。





霏回頭望向我們，我們便把餘下的兩枝VX神經毒素導彈交出，交由特工部接收保管。

「已經完成，成功接收所有生化武器‧‧‧」霏回報。

「咁敵人？捉唔捉拿到？」


「佢哋‧‧‧‧‧‧」霏稍稍轉頭，深遠地望住我們數秒，然後回答：











「走甩咗。」

「明白‧‧‧‧‧‧咁你哋即刻返傲家支援！！！」特工部急道。


「咩‧‧‧咩事‧‧‧」霧問。

「剛才收到來自你哋屋企嘅警報通知，你哋傲家大宅俾一隊不明盜賊潛入，除咗解除哂你哋所有機關之外‧‧‧‧‧‧仲連「六道輪迴」都破解埋‧‧‧」特工部快速地回報。






「對方有幾多人！？」雲用拳打了在機身一下：「趁我哋全部人出哂嚟行動先攻入去‧‧‧‧‧‧好有可能係啱啱逃走咗個班赤兵隊餘黨‧‧‧應該一早殺咗佢哋！」


六道輪迴‧‧‧


「‧‧‧六道」霏愣住了，自言自語：「個間係用嚟困住小一嘅房。」

「咁係邊個通知俾特工部‧‧‧」霧問了一個重要的問題。


正常進入人家屋子裡偷東西的盜賊，又怎會自己報警給警察知，自己正在偷東西？除非‧‧‧‧‧‧


「即刻返去！」雲二話不說，進入了駕駛座。





霏和霧各搬一個導彈上直昇機，直昇機的螺旋便開始旋轉，起飛‧‧‧‧‧‧




「下次再遇‧‧‧」霏盯上我們一眼，說：「唔會再放過你哋。」

曲終人散。


頭號特工見狀，便轉身要離開：「嘉靖，我哋任務仲未完。」


「知道‧‧‧風叔叔。」立青再次倔強地站起，跟隨張靈風身後。






「等陣‧‧‧‧‧‧我想問你一個問題。」我叫住頭號特工。


他停下來。

「你當初不斷暗殺特工部人員，但點解，剛才‧‧‧‧‧‧你對佢哋手下留情。」我親眼看到，頭號特工剛才救了霧的一命。



沉默良久，他只答上一句便徐徐地於風雨中離去：「我哋嘅敵人，唔止係特工部。」


「‧‧‧‧‧‧」






現在，只餘下眼前的歐姆瀧。


「等我收拾佢‧‧‧‧‧‧」忍蛋緊握刀劍，走上前。



「啍，事到如今，你覺得已經完結？」歐姆瀧橫視住我們眾人，說：「真正嘅戰爭，恐怕啱啱先正式開始。」


「死到臨頭，廢話特別多。」塔主不耐煩地說。



「師傅啊！你快啲啦！」霞的聲音於樓梯間傳著。


我們一同轉身望後，只見霞和真理老師都竟然到場！！！

「老師‧‧‧你嚟做咩‧‧‧‧‧‧你‧‧‧你‧‧‧！你出山‧‧‧？」我驚呆了。


「我嚟扭轉你命運。」有點喘氣的張真理淡然一笑。


「咩意思‧‧‧」



「哈哈哈哈哈哈哈！」歐姆瀧突然大笑著，把我們的注意力都吸過去：「古夏林、鳳凰，你兩個叛徒好快就要向組織跪下！」


「咩意思，垃圾忍者。」鳳凰望向他。


「你都只係一個叛忍！！」忍蛋衝上前用武士刀一揮！


歐姆瀧舉起鋼爪格擋：「攻入傲家嘅‧‧‧‧‧‧正正係「死靈飛盜團」。」


「咩話‧‧‧！？」夏林呆住，但也大概猜得到，因為之前「死靈飛盜團」憑住數人之力也能夠，輕易進入古家。


「喺全港班特工圍住依橦大樓個陣，我已經暗地通知組織佢哋。」歐姆瀧惡獰一笑，轉身猛出鋼爪擊：「雖然我唔知佢哋攻入傲家用意如何‧‧‧‧‧‧但好快，你哋全部就會死喺我哋之下！」

一小時前。

─────────────────────────────────
Whatapps群組：「死靈飛盜團大聯盟～！>3」



古家第一神槍手（古夏林）已被踢出群組內

一戰狂熱者（鳳凰）已被踢出群組內


火影（歐姆瀧）：「全港特工包括傲家‧‧‧全部聚集哂喺中環國際金融中心」──２：４５


燴飯一級棒（火會食反）：「的確，我都收到情報‧‧‧個邊發生大事，趁依個機會，喺香港嘅成員，半小時之內到傲家大宅外集合。」──２：４７


燴飯一級棒（火會食反）：「全部已讀不回？」──２：５９

燴飯一級棒（火會食反）：「傲家入面有大量戰利品、寶石、珍藏武器、書寶、錢、美金。」──３：０５



亢奮的虐待狂（Ruka）：「去緊。」──３：０５

變臉人妖（蛇皇）：「等埋我」──３：０５

爆破王（嫩B）：「okok.」──３：０５

E神（張憶白）：「Coming～」──３：０５

───────────────────────────────────

凌晨三時三十分。


「火會，差邊個。」剛到來的張憶白，望一望集合的人。

「差個Ruka，算‧‧‧有嫩B喺到，要爆破入傲家應該唔難。」火會食反望著大閘。


‧　‧　‧


‧　‧


‧

=x-large「砰砰──！！！！！！！！！！！」



傲家大閘被輕易地炸開。

四人緩緩地步入傲家的前園之內，外表和身高都猶如小孩的嫩B問：「燴飯～好歹我哋都係國際知名犯罪集團，可唔可以唔好再用whatapps交流～？我可以發明一個多重加密嘅交流軟件啊！」


「嫩B，你仲細，唔會明。」火會食反笑了笑，說：「越係危險嘅地方，就越安全。」


「唔‧‧‧噢‧‧‧‧‧‧只係望起上嚟唔係咁型咁囉！」嫩B有點不滿。


「做賊做到你咁型，睇漫畫睇上腦？」火會食反推開傲宅的大門，然後深深吸了一口氣：「好貴氣嘅味道，肯定有好多金銀珠寶‧‧‧‧‧‧」


蛇皇冷然一笑，鼻子好像嗅到了什麼，就徑自離開，上到二樓去。


「正呀！！！」嫩B則高興地準備挖走一筆大財寶。



「不過幾多金銀珠寶‧‧‧‧‧‧」火會食反一步一步走向那傲家的一處盡頭，研究著整橦屋子裡的暗門、機關：「都唔及一個戰鬥天才珍貴。」


「副團長？」張憶白跟在他身後：「你搵緊咩？」

「大概，係一啲可以打開密室嘅拉柄或者機關～？」火會食反隨便地回答，繼續忙自己的。

「傳聞‧‧‧聽講你智商有２００，係唔係真？」張憶白八掛地背靠著牆、抱著手問。

「喔？邊到聽返嚟‧‧‧有２００我一早去咗做愛因斯坦～發明比核彈更厲害嘅武器。」火會食反答。



「張憶白醫師！」蛇皇忽然於二樓大喊，說話中藏著抑壓不住的興奮：「即刻上嚟！幫我睇下佢‧‧‧‧‧‧！」


「我走先。」張憶白說。

「慢慢。」火會食反說。

再過多十分鐘，研究翻找了好一陣的死靈飛盜團副會長──火會食反，終於找到了打開暗門的機關，通往去尋找那個比任何瑰寶都要價高的戰鬥天才。


傲家門下有個十分出名的人，叫作傲小一，他早已在江湖上聽聞。除了聞說過他的戰力高得驚人之外，更長期被家族成員監禁在家中，一直與家族不和。


而這些條件，正附合了加入死靈飛盜團的要求。


所以就趁傲家這次總動員出征，來把那人救出並打算讓他加入組織。



可是一打暗門後，並不是監獄般的室子，而是一個每隔數分鐘就轉動一次的室內房間。此為傲家，霎製作的「六道輪迴」機關，至今未有人能破解得到‧‧‧‧‧‧


是個連製作者自己也無法破解及超越的作品。


「移動機關？」火會食反步入去，先了解一下其規律。


再過三分鐘，他像是熱身地走進了第一道門‧‧‧‧‧‧去挑戰機關！驚人的是，不出數十分鐘，「六道輪迴」的機關卻已經全被破解。


「啱啱個啲中學二年級嘅數‧‧‧？」火會食反不明地打開最後一道門，困住傲小一那房間的門。



「你好。」火會食反打開門。




裡面空無一人。

「無人？」火會食反呆住之際，他望到了自己腳下的影子‧‧‧‧‧‧出奇地被另一團影子包裡住。


他慢慢抬頭望向上方‧‧‧‧‧‧


一個眼神如同修羅般綻放著紅光的少年，正捉緊著天花板上的微小空隙，舉高臨下的凝視住他。




他不是誰，正是傲小一。



‧　‧　‧



「噠格！！！！！！！」


傲小一他以近乎閃光的速度逃離著這裡，想要跑出傲家，正好‧‧‧‧‧‧死靈飛盜團的Ruka趕上，見到他們早已入去，便跟著前來。



一開門，便遇見正要逃出的傲小一了。


「傲小一先生，我冇惡意。」火會食反試圖搏回自己甩骹的右手，邊移邊說：「只係想你加入「死靈飛盜團」

「‧‧‧‧‧‧」傲小橫視八方，警戒地說：「我冇興趣陪你哋又飛又死。」


「其實「死靈」同「飛盜」只不過係一個代號‧‧‧‧‧‧」火會食反正要解釋之時，傲小一又出手了！


他拾起茶几上一枝鋼珠筆，一擲便往Ruka的眼球擲去，Ruka單手接住了鋼珠筆，下體卻隨即傳來隱約的蛋痛感覺‧‧‧‧‧‧


原來傲小一同時地出拳攻擊他的下陰！！！令身體再如何巨大的Ruka也無法承受痛楚，向後一倒！！



傲小一一跳，便跨過了倒在地上的Ruka，然後稍稍轉頭的望住火會食反、淺笑：「多謝你救咗我出嚟喎。」按下了門旁密碼鎖上的「警報通知」。


「嗶嗶嗶嗶嗶嗶嗶嗶嗶嗶──！！！！！！！！！！！」警報聲隨之傳出、大響。


火會食反只得望住他的背影漸遠、離去，心中不是味兒：「呼，今日白費我時間。」



「啊‧‧‧」Ruka還在地上痛按住下陰，問：「我‧‧‧我嚟‧‧‧‧‧‧就係‧‧‧負責‧‧‧俾佢打一下就完‧‧‧‧‧‧？」


火會食反皺一皺眉頭：「似乎就係。」