《第一次 我說我會記得妳 第二次 我說我會約定妳》: 偶然湊巧初相遇(下)
過了兩天，做蛋糕的心癮又起！不是！是吃蛋糕的心癮又起了！所以我再次找Stephanie！不用付錢，又可吃一生中摯愛，有誰不想？吃蛋糕真可使我喪心病狂，絕對是玉皇大帝，我都不會禮讓！這次還有一些特別的驚喜啊！
小S：你黎拿？
我：係呀！
(她還是穿著未及膝的短裙，笑容可掬的，散發著青春可人的味道！)
小S：我啱啱焗起咗個檸檬批啊！你幫我試下味吖！
我：好啊！好啊！好啊！好啊！
小S：點呀？味道如何？
我：嗯......甜度適中，就算食多都唔會"漏(膩)"！
其實檸檬批是一樣簡單的甜品，但不是人人可以烤得好。蔡瀾：「愈簡單的，愈難做出水準！」絕對可以涵蓋這個意思！
第一，餅底要烤得好，外邊要脆，底部要軟。
第二，蛋白糖霜要輕輕地帶出檸檬香。小S的檸檬批跟坊間的不太一樣，蛋白糖霜較薄，但是餅底之上有少許檸檬果醬，檸檬批略帶黃色。比起坊間的檸檬批，她的檸檬批檸檬味特別香濃，同時又不失甜度，對我來說，是一種極致！
我：你加咗檸檬皮？
小S：你又知既！(她瞪了一眼，側側頭顯得很可愛。)
我：雖然好少，勉強都食得出既！加檸檬皮唔會澀咩？
小S：會嫁！所以我加橙酒同糖一齊煮，澀味應該輕微啲！
我：好聰明啊！
小S：邊係呢！
我：依個係我食過最好既檸檬批！可唔可以比我打包啊？
小S：既然你咁鍾意，好吖！一陣比個紙盒你裝住！反正我一個人都食唔晒！
我：好野！太好啦！
小S：食完之後，我地繼續啦！
我：好既！
如是者，我在這個暑假來來回回做了約十多次蛋糕。經過這段時間的相處，我們漸漸混熟起來，尷尬場面亦開始減少，成為朋友。不過，有些事總是放不下，或許是我太多口......在暑假前的最後一天，就發生小風波。其實不算是風波的，但是場面變得奇怪。
我：依個暑假以黎真係打攪晒！
小S：都唔係好打攪啫！
我：其實我會唔會阻到你啲屋企人啊？
突然靜了一靜......
小S：......唔會啊......我......！如果你返學日子想整蛋糕，都可以搵我嫁！
我：係呀，多謝你！走先啦！遲下再搵你，就黎返學，你要努力啲啊！
小S：嗯！Bye Bye！
轉眼間，中四學期開展了，經過九月份的適應，十月開始上回軌道，回復平靜日子。偷閒的日子，我會找小S做蛋糕，藉此消磨時間、紓緩壓力。直至到二月，因為今年新年假期提早，所以二月大多數是上學日子。恰巧是十四號，「情濃二月」----情人節。對我來說，這些日子完全不太特別，我將重點放在吃巧克力上，可能是因為沒有情人或意中人的關係吧！就算有情人，已經是接近兩年的事了，不太喜歡想起舊時。
Tyler：點呀你？有冇人送野比你啊？
Tyler是排在我後面的同學，心地挺好，異性緣比平常人好，但不是一位「玩家」，與我嗜好大致相同，上討論區、看動漫等。他也受過情傷，打後日子，我倆可憐男人都經常說感情事！
我：冇啊！邊得你咁風情萬種吖！
Tyler：這些機會不是屬於我的！
我：你都唔鍾意食甜野，有既唔好晒，比兄弟我慢慢享用啊！
Tyler：有先算啦！
在這個時侯，有電話打來，小S？難道......哈哈！我想像的東西與大家想像的東西有很大出入，我所想的是難道有新款蛋糕試？我知道大家一定是想情人節情意濃濃的愛情！
Tyler：喂！有電話搵你喎！咦！好似係女黎喎！
我：會唔會係咁啊？
Tyler：(Tyler古惑地向我微笑。)
我：聽個電話先！
我氣定神閑地接聽......
我：喂！
小S：小Den！
我：小S，搵我有事呀？
小S：其實唔算係咩事既！有野比你試下嫁！
我：又有新野食？
小S：都可以咁講既！你放學上黎我屋企Ok嗎？
我：Ok啊！到時見吖！Bye Bye！
小S：Bye Bye！
我裝作甚麼事也沒發生......
Tyler：仲唔係女，嘴角含春，又笑笑口......
我：唔知呢？你估下！(咁都比你發現添......)
Tyler：一定係啦！
我：行啦！咁多嗲！一齊搭地鐵啦！
臨離開前，Tyler說了一句「玩得開心點啦」，我只是一笑置之，心想著：「還是遲些再同你解釋吧！」......
我滿心歡喜地去小S家，究竟有什麼新奇有趣可試呢？
我：Hello！
小S：咁準時既！
其實我是第一次見到小S穿校服，感覺挺有趣。因為她穿很可愛，加上她不經意冷冷的樣子，當兩種元素融為一體，只能說有趣，是一種使人心跳加速的有趣。我心想著：「若果班上有妳的話，是這麼好呢！」
我：Ok啦！
小S：拿！請你食架！情人節，男仔收到朱古力都應該幾開心既！
我：你又知我鍾意食Godiva 既朱古力既？
小S：我打電話問過你表姐嫁！
我：咁細心啊你！朱古力我都好Like啊！
小S：仲有嫁，琴晚我做咗酒心朱古力，試下吖！
我：咁我即係又食又拎！
小S：咁你都諗到！(她伸一伸舌頭，是小妹妹的小動作！)
其實情人節送巧克力未必是有什麼特別意思！我可能太過喜歡吃甜食，小S才會送我喜歡的巧克力，我亦相信她也有同樣想法。一個愛吃，一個愛整，自自然然就會成為一對特別的朋友。如果這是愛情，真的不知是怎樣？
餘下的三個月又要為考試奮鬥，平平穩穩地又渡過了，尚算不錯呢！經過了一年又逐漸步向暑假，在暑假開始的前幾天，我還是去了小S家做蛋糕，可能是一種習慣吧！
我：時候唔早啦！我走先啦！
小S：Dennis......
我：嗯，做咩啊？(我心感不妙！)
小S：可唔可以......(她愈來愈細聲......)
我：聽唔到啊，可唔可以咩啊？
小S：可唔可以暑假黎我屋企陪下我......黎我度住啊.......