因為妳,令我有了愛: 告白

係每一日放學之後,我都會到學校嘅音樂室,享受我嘅時間。
 
點解禁講呢?
 
因為我識拉小提琴。
 
我從好細個開始就開始學,因為我呀媽好希望我有一個比人唔同嘅技能,所以就比我學小提琴。而我唔知係咪因為我有天份定點,我由學個一刻開始就比其他朋友學得好。一學就學到而家,考過埋「聖三一」(演奏級)。有空閒嘅時候仲會去教小朋友,打下工。
 
但之後去到學生想識新朋友個時,小提琴反而顯得格格不入。個個同學都在唱流行歌,跳hip-pop,而我呢?係到拉小提琴。所以到後來我決定做自己,唔強求同身邊嘅同學一樣興趣。
 




而點解去學校音樂室?係因為冇人用。個個MK仔放學之後都去打波溝女,音樂空呢啲禁文藝嘅地方根本唔會去。所以一來就算係到放我自己嘅小提琴都冇人會理,二來我可以好安靜禁拉小提琴,唔洗比人嘈。
 
今日都唔例外,一入到去,開冷氣,set好譜架,調好小提琴嘅音,就開始拉。
 
如果有學音樂嘅人都知,一但開始了演奏,就等於進入了自己的世界,而且一開始就係幾個鐘。
 
時間一下子就到左5點左右,雖然我沒那麼快離開,但係中間都會休息一下。
 
「咚咚…」就係我想出去買個野食個時,我突然聽到門口發出咚咚的聲音。
 我心諗,邊個仲會係學校呢?除左Jason之外,冇人知道我每人都會落來音樂室,而Jason一早就走左,唔通係老師?




 
結果我一打開門,係我面前出現嘅,係芷晴。
 
「芷晴?」我有點吃驚。
 
「啊…嗯,我…我冇阻住你呀嗎?」
 
「冇…你點解係到嘅?你有野要做?」
 
「嗯……呀…其實…我係來搵你咖…」




 
「搵我?點解你知道我係到嘅?」
 
「Jason同我講…呢個唔重要。係呢,我可唔可以入來啊?」
 
「可以,當然可以。」
 
我真係諗唔到咩理由芷晴會係呢個時候來搵我,如果係公事嘅話,係班同講就得,點解會係放學之後,仲要專登來音樂室來搵我?
 
芷晴入左來之後,行左去窗口旁,加上黃昏嘅襯托,我第一次禁令嘅芷晴。
 
「係呢…你睇左我比你嘅字條,你有咩感覺?」
 
「字條…?唔通你就係…」
 




「嗯。」
 
估唔到抽中我嘅人係芷晴。
 
「你話抽中我好開心,嗯…我都一樣。但係…點解禁快就同我講?」
 
「禁係因為…有啲野唔方便用字條用你講……」這個時候芷晴走到我面前。
 
「我…仲意左你。」
 
「哦…吓?」
 
咩話?!芷晴,仲意左我?!
 
「你…可唔可以做我男朋友?」




 
我成個人呆左係到,今日先有Tina嘅出現,再來芷晴對我告白,今日到底發生咩事?