因為妳,令我有了愛: 相處

『我意思係你好特別。我想了解你多啲。』
 
呢句話到底是係咩意思呢?
 
我好特別,有咩?我上身有特別的地方,連我自己都唔知。Tina想係我身上了解啲野?
 
「同你講呀~」Tina說「我好擅長『睇人』。」
 
「『睇人』?」
 




「我可以從一個人嘅行為同外表睇得到一個人嘅性格同特點。」
 
「哦?那你係我身上睇到啲咩?」
 
「嗯……同你相處左半日,我覺得你好紳士,好有禮貌。但你係緊張,係到怕,好似係到防範緊其他人。點解嘅?」
 
Tina一講完,我就呆左一呆。佢果然好眼光。冇錯,我一向有一個習慣,就係好怕同人相處,一定熟到某一個地步,先開始會現在真正嘅自己。
 
「係你身上係咪發生過啲唔開心嘅事?」Tina繼續問。
 




「係…不過呢個係一個好蠢嘅故事,你想聽?」
 
「嗯~當然」
 
每個人都有唔想面對嘅過去。當然,我都唔例外,我冇咩點同人講過係我以前發生過咩事。不過既然Tina問到,我講都無妨。
 
「OK…其實係禁嘅,仲記得我小學3年級個時,有個讀D班嘅男仔轉左過來我讀嘅B班,佢係一個出左名霸王仔。由佢轉過來開始個一日,我就記得之後嘅日子,冇一日係開心嘅。」
 
「欺凌呀?我好討厭禁嘅人。」Tina說。
 




「係呀….冇錯,我都係。嗯…之後我每日嘅日子,唔係比人玩,就係比人老屈…係一段好黑暗嘅日子。」
 
「嗯…禁之後呢?」
 
「直到我升中個一刻,我以為終於可以擺脫佢。但好死唔死,同我升左間中學,仲要同一班。真係…唉,所以我中一嘅生活可以話係全毀。」
 
「呀…原來係禁。」
 
「之後仲有。到左中二我終於忍唔住,我想轉校,但係要留級,雖然我屋企唔想我留,但到最後都係轉左。自此之後,我就好似唔識同人相處禁…嗯,件事就係禁。」
 
「嗯……」Tina對住我微笑。
 
「哈…你係咪覺得我好傻。為左逃避一個人搞禁多野,仲要搞到自己四不像?」
 
「嗯…我覺得就,可能你經歷左啲唔好嘅事,但係…」




 
「但係咩?」
 
「就係因為你經歷過嘅事,令你變成一個更加好嘅人,唔似其他一般嘅男仔。你好有禮貌,好溫柔,而且仲識啲唔係一般人識嘅野。比啲自信啦~其實你自己仲有好多優點,你自己唔知…」
 
Tina突然捉住我隻手,雙眼望實我,同我講:
 
「你,好特別~」
 
Tina捉住我隻手,雙眼望到我實一實,仲要越靠越前,搞到我完全不知所措。我身同雙手開始比汗,雙眼不時左右望,完全冇辦法望住Tina。
 
我完全被Tina牽著鼻子走。
 
「呀…嗯……你…你唔好禁近…嗯…我會唔知點算…」
 




「好啦~」Tina笑住同我講。
 
之後我帶左Tina去食一間西餐廳。因為佢係混血兒,所以我諗佢應該仲意食外國野食比較多。
 
就係禁,一個令人難忘嘅中午。我心諗,如果每日都可以禁,你話幾好。
 
一返到去班房,Jason就衝過來同我講:「喂,你嘅信。」
 
一張對摺左嘅粉紅色小字條,應該係天使遊戲用嘅字條。
 
「拿…講明先啊唔係我啊。仲有攞到張野嘅時間佢話已經交左幾手,所以我都唔知係邊個想比你。」
 
「OK,唔該」
 
講起天使遊戲,我仲未諗到用咩方法同Tina玩,但係既然我地開始熟起上來,之後嘅野之後先諗。我宜家最想睇下張野寫啲野。




 
『Hello,今個學期我就係你的小天使啦~~~終於都比我抽中你,哈哈哈~XD
之前都冇咩機會同你講到野,我一直都想咖。我係邊個?我唔會禁快話你知住~但係,我抽中你我真係好開心。』
 
到底係邊個呢?睇啲字就似女仔字,但係邊個會因為抽到我會開心?我唔知。
好過點都好啦,我都要回信。我隨便寫左啲野之後就交返比Jason,等佢幫我比「佢」。天使遊戲一定會有人知道你個天使係邊個,之不過大家都會墨守成規,唔會爆出去。
 
一轉眼間又到放學時間,唔知點解今日過得特別快,唔想禁快完。
 
但係,我今日仲未會離開學校,因為放學之後,先至係我嘅時間。