因為妳,令我有了愛: 暗戀

「你…可唔可以做我男朋友?」
 
這句話令我無言以對。
我沒想到她會這樣問我, 而我更沒有想到的是,我沒有立刻答應。
 
「吓…嗯,點解,禁突然嘅?」
 
「對你來講可能係,但係對我來講,我等左好耐。」
 
「嗯…係咩意思?」




 
「我…暗戀左你2年啦。」
 
「吓…我......」
 
我真係唔知講咩好,太突然,真係太突然。
 
芷晴見我唔講野呆左係到,佢同我講:
 
「嗯…禁又係嘅,突然禁同你講,對唔住。」




 
「唔好對唔住,我只係…有啲反應唔來。」
 
「嗯…係啦,你出唔出去食野呀?」
 
「嗯?哦…好呀。」
 
一落到樓下比班同學見到我同芷晴一齊行,又係一陣議論聲。
「芷晴開始收兵啦咩?」
「條傻仔邊個來咖?」




「條友咪同個鬼妹一齊食飯個個?」
睇來大家因為我同芷晴行埋一齊,所以唔太仲意我。
 
芷晴同我去左一間茶餐廳食下午茶。雖然一齊食野,但係我地都唔出聲,氣氛非常尷尬。
 
我決定先開口。
 
「係呢…」
「係啦…」
 
點知一開口就一齊講野,氣氛尷尬到不得了。
 
「你講先啦。」
 
「嗯~~都係你講先啦。」




 
芷晴塊面紅到好似發燒禁。
 
「嗯…我只係想問,你仲意我嘅事…」
 
一問到芷晴就低下頭來笑著。天呀,芷晴有禁令咖咩?
 
「你仲記唔記得我地幾時同班咖?」
 
「記得,中三個時。」
 
「就係個時開始,我就開始仲意你。直到而家。」芷晴繼續講「一直到今日,我見到你同新同學有傾有笑,令我好不安。原本抽中左你想比你慢慢知,但係諗諗下都係想快啲講...」
 
「嗯…你仲意我啲咩?我冇咩特別,比我好嘅人你都拒絕,點解偏偏係我?」
 




「仲意一個人,須要理由咩?我就係知我嘅目光一直係你身上。你嘅所有野,我都仲意。」
 
聽完芷晴禁講,到我塊面紅到發燒。
 
「哈哈,你面紅個樣好得意。」
 
「唔好禁啦芷晴…我…」
 
結果反而比芷晴搞到唔好意思。
 
食完野,我地出去行左一陣,個感覺,就好似一般情侶禁。
 
行到差唔多,我送芷晴到火車站。
 
「芷晴。」




 
「嗯~?」
 
「你比啲時間我好無?我想了解你多啲。」
 
「嗯~。我等你。」
 
「好啦,聽日見。」
 
「聽日見啦~88」
 
望住芷晴個背影,我感到高興嘅同時,我心也有不安。
 
就係Tina。
 




我諗都冇諗過,有一日我會有禁嘅煩惱。
 
到底我要點做?