【江湖故】《響朵砵籣街》: 第二十一章

到達碎料良的架步樓下，那裡本來已經站滿了人，威哥的兄弟站在樓梯底看見這麼多人走過來，立即上去向威哥報告。
 
一行幾十人站在樓下，先出聲的是肯德基︰「叫你哋大佬落嚟！」
對面的小弟一聽到這句呼喝，立即跑了上樓叫人。
 
隨後見到威哥與幾十名小弟施施然地行落樓梯，威哥一見到肯德基立即說︰「嘩嘩嘩！我仲以為邊個，原來係基哥你啊？細路，你都幾威喎，基哥佢老人家都俾你請到過嚟。」
 
「嗱，威仔，廢話我就唔同你講喇，而家立即放人，大家當無事發生。」
 
「基哥，你係威架，成條砵籣街有邊個唔識你基哥，成條砵籣街有邊個唔係跟你套規矩嚟行？人哋又要跟你規矩，你基哥又唔洗跟江湖規矩啊？打完人，一句基哥要放人我就放，咁講唔過去喎基哥。」




 
「咁你想點吖？」
 
「我想啊？諗諗先……哩個細路咁威，就斬返佢幾刀當無數啦。」威哥指著華仔說。
 
「係唔係玩野啊！」
 
「哦！你地打撚到人入廠又得，我斬返你幾刀又唔撚得，你真係威撚晒喎。」
 
「我而家就係保哩條靚仔！你夠膽嘅未嚟囉！」




 
「你又估我敢唔敢？基哥你係威啫，但我哋鬍鬚狗支水都唔係流架！」
 
雙方的大佬講數不成，小弟們開始叫囂。
「咩啊！」
「講乜撚嘢啊！」
「講乜撚嘢唔好啊！」
「屌你老母！」
「行埋嚟我就打撚死你！」
「隻抽吖屌你老母！」




「食屎啦！」
 
叫囂聲此起彼落，直至肯德基再說話︰「威仔，打傷人係我哋唔啱，咁啦，潮州昌嗰邊嘅醫藥費我就一定會負責返，我再搵多件靚女私人護士服侍佢。個潮州佬咁撚咸濕一定滿意嘎啦。至於你喎，哩到有五蚊（五萬），你拿去同啲兄弟沖下涼啦，拿咗佢，放人然後就咁算喇。如果咁都唔威（唔接受）嘅，我之後成個格屎乜撚都唔做淨係掃鳩你！」
 
肯德基拿著五萬元遞向威哥。
威哥臉色一沉，雖然表面上肯德基的說話是給他一個下台階，但實際上這是個威脅。
拿了錢，代表輸了面子，反面卻又會腥風血雨。
 
而肯德基的狠威哥也見識過，當年不賺錢也要對付鬍鬚狗，成個格屎乜都唔做淨係掃鳩你，這話對於肯德基，必定是說到做到的。
                        
思前想後，威哥還是拿了肯徳基那五萬︰「多謝晒喎基哥，我都好耐無同成班兄弟一齊去屌閪喇！走，過大海屌返隻靚閪！」
威哥轉身就走了，兄弟們跟在後面，一轉了身威哥就變了臉色，華仔？我會記撚住你！威哥心想著。