【江湖故】《響朵砵籣街》: 第二十二章

待威哥離去後，肯德基留了幾名親信在身體，叫其他人散了。
然後肯德基、華仔等一行人一起步進了碎料良的架步。
肯德基望著其他人說︰「你哋係門口守住，我同華仔有野傾下。」
其他人都是點點頭回應，肯德基就跟華仔進入了妓女休息用的房間，把門關了起了。
房間裡有一個枱及幾張摺椅，肯德基打開了其中一張摺椅，示意華仔坐下，華仔亦聽話的立即坐下來。
 
誰知華仔一坐下，肯德基就走到華仔面前，大力地跪了下來，臉上淚如雨下，像是抑壓了很久，終於得到解放了一樣。
 
華仔立即站了起來去扶肯德基︰「基叔你做咩啊？起返身先啦！」
 




肯德基沒有站起了，接著說︰「我對你老豆唔住啊！我保護唔到佢，阿嫂我又救唔返！我對唔住你哋楊家！」
 
肯德基想給華仔一拜，但華仔自知受不起，立即跟肯德基一齊跪了下來，並阻止肯德基的一拜。
 
「基叔！你無對我哋唔住，對唔住楊家嘅係鬍鬚狗，唔係你啊！你哩幾年做過咩我都有聽聞過，你幫我老豆向鬍鬚狗報仇，你守住砵籣街，你風光大葬咗老豆老母，相反我哩個不孝子……為咗保住條命，連裝支香都畀佢哋都無……」
說到雙親，華仔也忍不住，流下淚來。
 
「華仔，我知你唔係不孝。如果你想苟且偷生嘅，又點會入返哩個戰場。你入行係唔係有咩想做？係唔係諗到點幫你老豆老母報仇喇？你同基叔講，基叔一定幫你！我仲留喺砵籣街嘅原因，就係因為鬍鬚狗仲未死！」
 
「基叔，我係想幫老豆老母報仇，我好想！我好想！我每日都諗緊點做！不過我未諗到點做，加上自己又無咩能力。我入行都係想慢慢做大自己，到我有人有錢有權嘅時候，可能我就會有辦法對付佢。」




 
「基叔老喇，加上我一向都唔係咩聰明人，要對付鬍鬚狗可能要等你哩啲後生仔去做。我嘅人我嘅錢我個名你可以隨便拿去用！反正我所得嘅野都係你老豆俾我嘅！你唔洗客氣！只要可以對付到鬍鬚狗，我洗晒啲錢都無所謂！」
 
「基叔多謝你…」
 
「記住！對付鬍鬚狗唔好硬碰硬，始終鬍鬚狗喺江湖上嘅聲名比我哋高唔少，當年我試過請槍手買起佢，點知鬍鬚狗收到風，叫返我個槍手做低我」肯德基拉開衣物，小腹上一個子彈口清晰可見「如果當時嗰槍打歪啲，我已經去左見大佬喇。」
「我又試過搵親信甚至係自己去做刀手，但係鬍鬚狗出出入入都帶好多人，根本無辦法埋身。對付鬍鬚狗，係要用方法、用計謀。唉，可惜哩樣野我無。後生嗰時跟住大佬，佢做事好有方法，佢叫我做咩我就去做咩，而家大佬唔係到，我就無晒辦法。連幫佢報仇都報唔到……」
 
「基叔，不如你起返身先啦。」
華仔用力扶起肯德基，讓他坐在椅子上，肯德基搖搖手說︰「唔洗坐喇，抹乾啲眼淚出返去啦，今日人多，基叔本來有好多嘢想同你講，有好多嘢想問你，哩幾年你自己一個一生活一定好苦喇……」說著說著，肯德基這個中年大漢又流起淚來。