《男人多情而長情，女人專情而絕情》: 第三十四章
所以我都一路單身左一年到，依家我都就黎畢業啦，見到有身邊既女仔結婚，而自己都仲係係度遊蕩。
我開始會去下夜場，但唔多既，因為我自己都無幾個錢。
好等自己可以沈醉係迷幻既環境，做下D無傷大雅既野。
呢一種生活延續到我畢業，都係keep住。
畢業對我黎講，無咩大感覺，只係提醒你，遲下就要搵工啦。
基本上，我依家讀緊既野都唔係我理想。
曾經我係想讀酒店呀旅遊果D，同依家呢科差成十萬八千里，我都唔知出黎可以搵D咩工。
我只係希望可以求求其其搵份工，長做升職咁樣就算嫁啦。
無聊？咪落下club囉，根本係度浪費緊自己人生，但出黎社會就係咁嫁啦，唔通你想每日都好有意義？好充實？
咪玩啦，只係機械式咁重複又重複炸。
有好幾次落club都差D可以直掃黃龍，但唔知點解我都係無上到佢。
一黎自己無經驗啦，二黎我想將自己第一次同自己條女或者係我鐘意既人做，三黎怕唔知咩病。
但可以食女既機會唔多，而且差唔多個個落親黎都好似餓狗搶屎咁，為啪啪啪黎既。
我只係想high下，等我仲知道原來自己仲生存緊......
畢業啦，四年話咁快就過左去，當初既承諾，我都仲記係心度。
呢四年實在係改變太多，曾經既毒向左走向右走堆，個個都係ive度脫變，雖然係有D mk味係度，但唔係好離譜咁。
佢地算得上係變型左啦，一個二個都有曬女，條條女都係ive女黎，但起碼都係有呀。
依家約佢地出黎食飯呀打機呀，你估咁易呀？約成3個月呀！先打到一場機。
唔係呢個唔得，就係果個唔得。
方子龍佢同佢條女就咁穩定就唔洗講啦。
得返孤孤單單既我，唉......
以前有康僑既時候好似人生贏家咁，依家就風水輪流轉。
就好似中學既心態咁，好憎D mk仔食曬D女，搞到自己無得食。
依家你就唔會再咁，因為D女同你都變左，唔再好似以前咁。
我懷念以前康僑係我身邊既日子，果段日子係我人生最清純既時候。
人既改變真係好快，面對咁樣既事實，我真係咩都做唔到。
畢左業我去左我實習既果間公司度做，因為實習既時候都建立左唔少同事關係。
所以做起野上黎都幾輕鬆既，係一開始既起薪點有D低姐，但我又覺得自己後生怕咩捱姐。
返左工半年，我差唔多都係自己一個，除左自己係屋企會見到老豆老母同家姐之外。
我同家姐都有聯絡既，但都少嫁啦，佢偶然都會問我D感情事，但佢都差唔多知道，就知道無問落去既必要。
自己行街，自己睇戲，自己食飯，無咩野係自己做唔黎既。
係一個禮拜既下就，我自己一個人行街。
點知俾我係街上撞到差唔多成5，6年無見既KaKa。
當時佢係拖住條仔既，好甜蜜咁係旺角街頭行緊，我地就咁樣迎面撞正。
佢見到我既時候係定住咁望我，走過左啦，個線視都無放開過。
我都轉身望下佢，咁熟既？望真D，先醒起係KaKa。
佢同佢男朋友係耳邊講左兩句，就向我呢邊行過黎。
「嗨，好耐無見。」經典式既開場白。
「好耐無見。」經典式既回答。
「最近點呀？」KaKa堆起佢迷人既笑容。
「無呀，咪又係咁。」
「不如搵日約出黎食個飯呀？」
「我依家返緊工，都唔知邊一日得閒喔。」
其實我唔係幾時同佢食，可能我都慣左自己一個，突然間有人約係有D唔自然。
「唔緊要啦，我地可以慢慢約嫁嘛。」佢拎左部電話出黎，「我換左電話，你俾你電話我，我返去whatsapp你啦。」佢遞部電話俾我打。
呢度咁多人，又唔好意思拒絕女仔，加上佢男朋友又係度，所以都係俾左。
「我返去再搵你啦，我走先啦，byebye。」佢笑住咁同我揮手。
「byebye。」就返去佢男朋友身邊，我遠望佢地既行為好甜蜜。
果晚返到工就收到佢既msg。
「你之後有邊日得閒呀？出黎食個飯啦
」仲要加個emoji，好似好熟咁。 我無即刻回去，去沖個涼先。
沖完涼就覆佢，「就聽日囉，你得唔得呀？」
其實我就日日都得閒既，難得有人約咪去囉。
點知佢覆我，「我聽日要陪我男朋友，後日好無呀
？」 唉.....女人諗野真係呢。
「好呀。食咩同幾點，就你話事啦。」等佢話事無咁麻煩。
如無意外我地就出黎食飯啦，咁耐無見都唔知講乜好。
我地約係銅鑼灣等，我地去食放題。
「嗨。」佢向我揮一揮手。
「嗨。」我都向佢揮一揮手。
上到去，我地先正經咁傾計。
傾下近排點啦，做緊咩呀，最後就到感情狀況。
「你同康僑依家點呀？」
咁多年黎，第一個人問我同康僑點樣。
「無呀，無聯絡好耐啦。」
「如果果陣無康僑，話唔定我地依家仲一齊呢。」
依家講呢D野有咩用呀？話唔定呀如果呀，我自己都講左唔少次啦，我依家聽都唔想聽。
如果果陣無你呀，話唔定我同康僑仲一齊緊呀。但無怪過佢，一切係自己攞黎。
「係囉，話唔定呢。」我有個問題真係一直都想問，「你當初真係鐘意我？」
佢聽到呢句，就放低手上面既動作，其實只係飲緊野姐，思索左一陣。
「係呀，果陣時既我真係鐘意你，亦知道你對康僑好好，所以都想你對我好。」
「其實果陣無諗過要同你一齊，可以係你身邊就夠，只係想要有個人對我好。」
「因為我知你有康僑，我都無強求你要同我一齊，但後尾搞到你地咁我個心都過意唔去既。」
如果唔發生果件事既話，成件事都變成點呢？
我同康僑繼續一齊，而又keep住同KaKa既關係。
依家既我係接受唔到，正係煩一個都夠啦，仲要煩多個。
以前會覺得無咩問題，咩都試下，越大個就越唔想試新野。
「有D野錯過好難返轉頭，自己種既果係要自己食返。」
「你仲鐘意緊康僑？」佢有點不解。
我無答佢，我只係笑左一笑，佢應該明白既。
「估唔到你都幾長情喎。」
「長情有鬼用咩，有長情係因為人地絕情炸。」我苦笑。
「點解既？康僑佢絕情？」
「人始終係要向前看既，佢搵到自己既幸福就得啦。」
真係愛一個人就會想佢幸福，無論佢係咪同你一齊緊。
「女人個心好脆弱嫁炸，有時絕情都係唔想俾自己再受多次傷，傷多次個心就承受唔到嫁啦。」
康僑之前受過咁多次情傷，好難唔保護自己既。
難就難自己當初無好好珍惜康僑，俾著係我，我都唔知信唔信愛情好啦。
KaKa見我沈思緊，「我知你個心仲係康僑度，你甘唔甘心就咁樣失去佢呀？」
我的確係唔甘心，我唔想失去佢嫁。
「但有咩辦法姐？好難開口嫁，過左去就由佢過去啦。」
「你係咪男人黎嫁？！一睇就知你個心係度後悔緊啦，根本你自己想搵但唔敢搵，驚俾人拒絕姐！」
佢無停止發表佢既偉論，「我睇唔出你有幾鐘意佢囉，你連咁既決心都無，抵你一直係度後悔。」
佢鬧到好手舞足蹈咁，我想反駁佢，但我反駁唔到。
我好開心佢鬧我，我真係需要一個人可以鬧醒我，可以Hi醒我。
同時亦證明有人著緊我，我無諗過佢會咁樣鬧我，可見佢真係著緊我。
我明呢D只係出於朋友既好意，但咁樣就夠。
「我明你想講咩，但我知自己無資格俾幸福佢。」
「我唯一可以做既就係祝福佢。」
KaKa既眼神緩緩放鬆，「好啦，竟然你自己都諗清楚就好啦。」
「無論你既決定係點，我都會祝福你。」
「嗯，多謝你。」
過去KaKa係點樣，已經唔再重要，重要既係佢對佢男朋友好好。
我無見過佢對佢男朋友好，但我感情得出黎，佢同以前唔同左。
變得成熟左，人始終都係會長大既，難以保持以前既稚氣。
食完呢餐之後，我地間唔中都有keep住聯絡。
而佢亦都繼續同佢男朋友一齊，都幾幸福下，好彩佢有把握佢現有既幸福。
而我，懶得去識女仔啦，又煩又攰，好曬精神。
做野一年到啦，有加少少人工，所以我係出面租左個細單位自己住，學下自力更生。
當然都有俾家用嫁，開支都算應付得黎。
呢間公司都算待我不薄，升我職加我人工，我係公司就緊係有表現啦，無精神寄託既我將成幅精神放曬落工作度。
兩年後，我都算係公司高層，係公司高層入面既低層。
之後，我得知我家姐同佢男朋友拉埋天窗。
佢果個年紀結婚差唔多嫁啦，我係好開心既，家姐佢呢個傻婆終於有人要。
我得知呢個消息既時候係我返緊工既時候，家姐whatsapp我。
「細佬，同你講個好消息呀。」
果陣時我諗緊乜野好消息呀？結婚呀你？於是我同佢講笑咁講，「你結婚啦？」
「你點知嫁？」佢加個
既emoji。 「其實我同你講下笑，點知估中左姐，恭喜曬喔，終於都有人要。」
「你家姐出嫁，你緊係要開心啦，今晚去賀一賀佢啦。」
「點賀呀？食飯？」
「係呀，去食好野。」
「好呀，都好耐無同家姐你食飯啦。」
「你知嫁？」