《男人多情而長情，女人專情而絕情》: 第三十五章
「咁你幫家姐上台致詞得唔得呀？」家姐好少會要求我幫佢做野，既然佢都開口問囉。
「緊係得啦，見住家姐幸福我都好開心嫁。」呢句係真心既，自己無幸福就算啦，緊係想自己家姐幸福啦。
「咁一於咁話嫁啦，我都就黎忙死啦，我就期待你既演講啦。」
跟住我地成餐飯都係度佢結婚呀，有辛苦有幸福既地方。
唔知點解我既腦海，係出現左我同康僑行入禮堂既畫面。
有D野真係好真，你呃唔到第二個。
你一閉上眼，你諗自己最愛既人，你懷不猶豫就見到既果個人，就係你最愛既人。
我最想行到終老既人得一個人。
果個人唔洗問，就係你，沈康僑。
直到那一天 你會發現 真正愛你的人 獨自受著 傷悲
係家姐婚禮當日，我著到好正式啦緊係，其實咪又係老西一套。
家姐老公唔係好靚仔，五官正常咁啦，但係勝在夠高。
聽講佢好似律師黎，正係個職業已經溝走家姐呢條港女。
佢又有福份，泊到個好碼頭。
「喂，細佬，呢邊呀。」家姐向我揮揮手，指示我去果度。
我岩岩入場望緊家姐係邊。
老豆老母都齊曬人啦，係我最遲到，少不免俾人話兩句，當係方常便飯嫁啦。
「我同你介紹呀，佢係我細佬，華仔。」佢向佢老公介紹我。
「你好。」佢露出雪白而整齊既牙齒同我打招呼，又幾陽光喔佢。
「你好。」我禮貌上回應佢。
「華仔，佢係呀輝，你姐夫。」佢介紹返佢姐夫。
介紹完之後佢就拖左我走，話有緊要野要同我講。
之後佢就拖左我去新娘房度，我係度心諗佢做咩呢？
點知一開門，我就見到個靚女，有身材，又有樣，但唔係我鐘意既果一類型。
「嗨，佢係crystal，呢個係我細佬，華仔。」
講完，果位靚女就由頭打量我落尾，眼甘甘咁望住我
良久先識俾反應，「嗨，你好。」
「你好。」
我望一望家姐，用「究竟發生緊咩事？」既眼神望住佢。
佢用我挑一挑眉，師父明白了，估唔到佢都會玩呢一套。
跟住我問家姐，「有無咩要幫手呀？」
「無呀，入黎叫你陪我拎電話炸嘛。」咁既籍口佢都講得出。
當然最後我係拖住佢，送佢返屋企啦。
去到佢屋企樓下，佢有別於康僑，佢住既唔係D大戶人家。
我見佢打扮到身光頸靚咁，以為佢係D大戶人家，點知去到先知原來佢係住屋村。
「我地依家係咩關係呀？」我問crystal，我唔想拖住個問號返屋企。
「唔知呢？」佢好調皮咁講。
然後就頭也不回咁返左入去，最後我都係帶住個問號返屋企。
返到屋企，有個陌生既number whatsapp我。
「只要係岩既感情，慢慢黎都無所謂。」再加個微笑既emoji。
我睇到我都唔知點覆好，你認為係岩既感情，但我唔咁認為呀嘛。
人越大，其他人就越難走得入你個心。
但一早係你心入面既人，亦唔容易走出去。
我同crystal慢慢識左一段時間，由朋友開始做起，用左3個月時間相識，之後一齊。
因為老豆老母都叫我早D結婚。
「仔，你睇下你家姐都結左婚啦，你連個女朋友都無。」老母又開始「哦」我啦。
「係囉，幾時識返個女朋友，帶佢上黎俾我地睇下呀？」老豆又唔識做，係旁邊加多把口。
「咁易搵到咩，有我就唔洗咁煩啦。」
「你年紀都唔細啦，早D定落黎好既。」老母又係度死唔斷氣咁。
「得啦，得啦，我有分數啦。」
俾佢地催兩催，加上crystal既攻勢，我失守。
但其實佢份人唔錯既，但真係拜金。
我份人工唔高，但起碼叫生活緊，唔係生存緊。
唔知邊個搞班會活動，十年唔搞一次，係要依家搞。
可能太耐無人搞既關係，個個都想見返十年前既大家。
事件係咁既，方子龍有一日whatsapp我，問我去唔去班會。
「華仔，好耐無見喎。」
「好耐無見，呢排點呀？」
「咪又係咁，日日放工就係陪女，打波都無時間。」
「大忙人啦，難約啦。」
唔知由幾時開始，我地班人都越黎越難約，幾個人先出到黎一次。
對上一次齊人打機好似已經係半年前，之後都係斷下斷下咁，成日嗌攰，久而久之就唔會再問嫁啦。
「咩事呀？搵得我實有事既。」我明刀明槍。
「咁都俾你估到？」佢講完繼續輸入中，咁我就等埋佢打完先。
「遲下搞班會聚會，你黎唔黎呀？」
我見到都凸左凸，搞咩呀？無啦啦聚會咁得意？更可況我同我班D人又唔熟。
但呢件事令我諗起一個人……
「有邊D人去呀？」我扮好奇問下咁。
「我都知你咁問嫁啦，康僑佢都會去。」
屌，俾佢識穿左，「你又知既？」
「你都唔會關心我地班有咩人嫁啦，你問有邊D人去，你估我睇唔出咩？你正係關心康僑會唔會去姐。」當然佢呢句野係分開左幾part黎打，通常D人whatsapp都係咁。
「我就係知康僑會去，我先同你講。」
「俾我考慮下啦，依家見佢，我都唔知點面對佢好。」
「好啦，我俾時間你考慮，但唔好咁耐呀，要預人數嫁。」
「得啦。」
之後我諗左三日三夜！
諗既無非都係FF我地既重逢，應該著咩衫，用咩開場白，佢會著咩衫，變成點，同埋佢呢排點。
正係咁我都FF三日。
最後FF完，決定去聚會，因為無論點都好，都想見佢一面。
我同方子龍講左去，佢話返俾我知地點同埋時間。
果一日我就執到好型，當然唔會老西，但係簡單得黎型啦總之就。
我專登遲D入黎，因為早到又三唔識七咁，倒不如遲D入黎可以搵下方子龍。
果度係party room黎既，所以遲入去無咩所謂。
一入去，眾望所歸，所有人停低望住我。
「sorry，有事遲到。」
「唔緊要啦。」唔知邊個人講，落望係肥肥地既肥仔。
咁耐無見無聯絡，就算識既，都已經認唔出係邊個打邊個。
但我印象中，我地班好似無肥仔喎。
算啦，唔理，我掃一掃（視）全場，我見到坐係角落既康僑。
一眼就認得出，比起以前，更添幾分氣質。
睇外表真係睇唔出佢之前係受過咁多情傷，不過亦因此令佢成長不少。
佢同我班D朋友有傾有笑咁。佢著條米白色既連身裙，加件灰色既冷衫，就咁睇好有中學既感覺，因為中學套校服都類似係咁。
佢由以前斜陰轉成中分，更添成熟。
佢好似無發現我咁，算啦，一陣都會傾到計，可以見到佢已經好好。
呢個場合大家係度圍威喂，問下大家呢排點呀，問下人工呀，呢D我死都唔會報實數，心諗人工幾多關你鬼事咩，自己過得好咪得囉。
我一直搵緊機會同康僑傾計，但我搵唔到，插唔到佢地個女人堆既話題。
所以我諗住最後話送佢返屋企呀咁樣，我已經唔理得咁多。
就算我已經知我地無可能，但做個朋友都好。
我個心始終都係唔甘心，再一次既見面，我知道，我仲係鐘意住佢。
差唔多十年啦，當然無咁耐啦，但都差唔多。
就算我依家有crystal，但無可否認，我內心都係康僑度。
其實我係個班聚度，我都無乜點講過野，係有幾個之前有幾句咀既人，走黎問下我呢排點。
講真，我都唔係好記得佢地咩樣，只係認得個名，佢地同我提返起既時候我先記得。
到左個聚會完啦，完之前仲有個人走出黎講一大輪野，都係果D感激既說話啦。
跟住我就趁康僑得閒啦，無人同佢傾計，係度玩手機既時候，行過去同佢講野。
「嗨，好耐無見。」
「嗨，呢排點呀？」