我的爛Gag女友: 只想追趕生命裡一分一秒
我很喜歡哥哥的”追”, 這首歌的歌詞簡單易明, 沒有像”木紋”, “青花瓷” 的瑰麗詞藻, 但卻能正正道出人生之中追尋真愛, 從對愛情零知識, 直到找到真愛要去全力爭取的一個過程.
此刻我的感覺是, 敏兒, 有了你 即使平凡卻最重要.
在聖誕節正式向敏兒遞出服役申請書後, 我們的關係開始產生了一點微妙的變化. 最明顯的就是我對著她的態度. 以往, 每當她遲到, 我都全向她串一串, 但現在她的遲到就變成一個合情合理, 我需要接受的一環.
我知道敏兒的性格是比較爽直, 不是那種要人小鳥倚人, 需要人呵護備至的女仔, 所以我沒有做到接番學放學, 每天見面, 包早午晚三餐的行為. 但我堅持的是, 我每天晚上睡前也會給她一個電話, 和她一直暢談生活中的種種點滴, 直至她入睡著才收線.
我記得自這段時間我要到P記開多一張電話卡來用.
我們每星期也會有兩至三天的約會時間, 而我在每次約會之中也會說些話試試水溫.
好像聖誕過後的一月中, 我約了敏兒從大圍踩單車到大埔. 那天, 她也同樣沒有化妝, 穿著牛仔褲, 長袖中褸, 帶著一條紅色頸巾. 她踩單車時, 被大風吹起她的長髮, 感覺很飄逸.
我們一直踩到大埔海濱公園, 有一點攰, 就找路旁的長椅坐下. 看著大海, 加上一個日落的太陽, 大家心情都很放鬆.
我: 幾舒服呀呵呢度.
敏兒: 係呀, 仲要做完運動出左身汗, 個人好舒服.
然後, 我的頭從向著大海, 轉到敏兒那邊.
我: 如果妳鐘意, 妳幾時想泥我都可以陪妳架?
敏兒又在露齒奸笑.
敏兒: 你要攞籌先喎, 我好多仔架
我: 我知我知, 咁而家可以攞下次張籌未呀?
敏兒: 未喎, 番屋企等通知啦
我們之後也有一直保持每星期出街吃飯, 睇戲, 唱K等兩至三次.
到了二月份, 年初一, 因為通常年初一時, 我三百餘尺的家中會來了十幾二十人來拜年. 姨媽姑姐, 阿叔阿嬸, 還帶著一大班細路來, 我覺得這樣的環境太吵太煩, 熱鬧和喜氣洋洋的情境和我這個毒撚格格不入, 所以我通常都會走到旺角找些新年時擺檔的象棋殘局去玩樂.
我: 阿叔, 我捉呢副
阿叔: 好呀
我本身想好的棋步是上車將軍, 然後他落士, 我再用兵吃士, 然後待他將用其他棋吃士時, 用馬再將就無棋. 只可惜我的想法很天真很傻, 被阿叔三兩步就攪掂晒.
阿叔: 多謝廿蚊丫
我: 唔使多謝, 學費泥既
阿叔: 你諗到咁樣行算係咁架啦, 一係同你平棋捉多鋪啦, 廿蚊.
我死唔信邪, 再和阿叔來一場棋局, 因為大家都在思考, 所以, 捉了三十分鐘還未捉完. 忽然, 我電話響起來.
我: 阿叔, 唔好意思, 我聽聽電話先呀
阿叔點點頭, 然後低頭繼續思考.
我: 喂
敏兒: 恭喜發財, 祝你一年長過一年
她新年講恭賀說話仍然是要攪爛GAG.
我: 咩長先?
敏兒: 你覺得你邊度短, 想長d咁咪祝邊度囉.
我: 我淨係覺得我頭髮短咋喎
敏兒: 咁咪祝你頭髮生長d 囉.
我: 咁我都祝妳一年索過一年啦
敏兒: 算你啦, 攪緊咩呀?
我: 係旺角捉緊棋局呀
敏兒: 咦~~~~~~你個阿伯
我: 咁一條友無野做, 有乜攪啫
敏兒: 搵你d女出泥陪你丫麻, 你咁多女
我在想, 她應該是想試下我有沒有在同時追其他女仔.
阿叔: 喂, 哥哥仔, 到你啦.
我: 係既係既, 唔好意思.
然後我行了我的下一步棋.
我: 嗱, 你聽到啦, 真係捉緊棋架
敏兒: 算你啦
我: 出泥唱K丫, 今日咩鋪頭都無開, 得d K有開架咋
敏兒: 好啦, 等我泥陪下你個毒撚啦. 但係我出到泥起碼要一個鐘喎
我: ok呀, 我都係捉棋咋麻
敏兒: 好啦, 咁我換衫先, 到左打俾你
我: ok, bye bye.
在等敏兒這段期間, 我和阿叔一直下棋, 互有勝負, 但當然輸多嬴少. 最後戰果是, 交了二百元學費.
敏兒出到來, 和平日的打扮差不多, 沒有化妝, 牛仔褲, 中褸, 波鞋.
我: 靚女, 恭喜發財呀
敏兒: 咦, 係長左喎d頭髮
我: 妖, 我book左Neway City, 而家去得架啦
去到坐下後
服務員: 兩位飲咩呀?
我: 一杯凍檸茶, 一杯熱檸蜜
服務員: ok, 兩位有咩需要可以用電話call出服務台
敏兒微微的笑著看我.
敏兒: 咁醒既, 知我飲乜野
我: 成日同妳一齊, 點都會留意到既
敏兒: 懶醒
敏兒: 喂, 新年流流, 整番首劉德華既恭喜發財先啦
我: 好呀, 泥丫
唱完一輪賀年歌之後, 敏兒又再點了一大堆周杰倫, 而我點的是一大堆陳奕迅.
可能因為年初一關係, 來唱K的人寥寥可數, 我們從下午兩點一直唱到晚上九點, 唱到攰, 頂唔順而自己走左.
我: 呢劑真係抵到爛晒, 兩點唱到九點都仲未cut
敏兒: 係呀, 我都係第一次年初一唱K咋, 原來咁抵唱
我: 妳肚唔肚餓呀? 不如去食d 野囉
敏兒: 好呀, 但係好似無咩餐廳開喎
我: 唔緊要, 今日年初一, 成條百老匯街都係小販賣野食, 我地掃街啦
敏兒咬咬下唇, 眼珠轉一轉
敏兒: 好呀!!!
我: 臭豆腐妳岩唔岩架?
敏兒: 嘩, 呢個係我至愛呀
我: 咦, 果度仲有腸粉燒賣魚蛋喎
敏兒一邊咬著臭豆腐, 一邊說
敏兒: 好呀好呀, 要呀要呀
我們兩人由街頭吃到街尾, 吃得很飽.
吃飽後, 我們去了朗豪坊行了一會. 估不到原來服務業人員也幾偉大, 年初一也在工作, 很多賣衣服, 首飾的店鋪也開著門.
敏兒走進了一間首飾店轉了一圏, 看了看, 之後就走.
她之後又到些賣衣服的鋪頭, 也是看了看, 之後又走.
而她留得最時間最長的是無印, 她走去看零食, 看了很久, 也買了一點來吃.
行過朗豪坊後, 時間都比較夜, 我送敏兒到車站, 在行去車站途中, 我問了一個非常之進取的問題.
我收拾心情, 換了一口空氣.
我: 敏兒呀, 妳下星期四得唔得閒呀? 不如我地出泥睇戲丫
我不想太刻意去提下星期四是什麼日子, 所以只用下星期四來代替.
敏兒也停了一下, 眼珠向上看. 想了一會, 她又轉成了笑臉.
敏兒: 好呀, 我要睇功夫籃球.
又係周杰倫的戲, 但, 老實說, 此刻她答應我下星期四一起去睇戲, 即使她要我睇多一次色戒我都會去. 因為……
下星期四, 其實是2月14日.
而在這大約剩下一個星期的時間, 我每天都在家中上網問意見準備, 務求要在2月14日開始我人生中第一次真真正正的初戀.