孽緣: 孽緣該完吧

孽緣該完吧
2016.4.8
本身要陪Jenny電髮,電到應該夜晚11點幾左右,不過我要10點半前返到北角見C先生 所以我要早走.

(Salon. 8點幾9點左右.)
J:你真係要見佢?
我:係 我要完咗個尾去
J:使唔使培養下心情?
我:唔使我好淡定
J:你自己小心啲 一係我電完髮過嚟北角搵你




我:唔洗喇咁麻煩
J:有幾麻煩啫 可以見多你一陣嘛 你過兩日都要返英國啦.
我:魚啊好啦?
之後9點幾左右我就走先. 去左撘112過北角。到左北角就去左7-11買左支濃厚系嘅奶綠飲

我遲咗五分鐘. 一去到就見到C先生坐左係度 個陣都幾黑架,其實一開始我唔肯定個個係咪佢 始終半年都冇叫見過佢嘛.

我坐底左- 我哋之間格左個位
C先生成程冇望過我 一直唔敢望住我
面對面對話-




我:我講得啦可?
C先生:嗯
我:前排因為保險所以我有個免費身體檢查 結果我今朝攞咗份報告 醫生話下面受感染.同你分開左之後我呢半年嚟無拍拖冇同人咀過 手都冇拖過 扑野緊加冇添啦 我諗搞到我咁 最大可能係你囉可?? 好彩唔係性病咋.
C先生:嗯
我:嗯
C先生:醫生有冇話之後可以點
我:叫我睇私家醫生再檢查多次
C先生:冇野嘅.
我:冇野就唔洗搵你出嚟傾
C先生:對唔住




我:嗯 (之後我攞左支奶綠出嚟飲,不過佢都係冇望過我 望住支奶綠話）
C先生:呢隻好飲 不過最好飲都係白色個支
我:哈我地口味真係唔同 我覺得最好飲就係呢支
C先生:(冇出聲) (可能我語氣重左)
我:其實我好羨慕你
C先生:點解
我:同你一齊左三年 話放低就放低左我 分開咗之後唔夠半個月就有新女朋友 依家又有一份好工 你話我點會唔羨慕你
C先生:搵個好男仔啦
我:收皮啦 你搞到我咁 仲搵咩? 我唔似你啊 就算之後我有男朋友我一定會同佢講我嘅過去啊 我唔同你啊 唔會同你女朋友講你以前點(我愈講愈激動)
C先生:咁我可以做啲咩姐(可以燥）
我:你就係乜都做唔到..sorry可能我語氣重咗
C先生:嗯
我:阿係 你紋嘅其中一個身呢 我仲發緊炎 遲多幾年我會搵師傅幫我紋返個遮左佢 不過始終都係你紋嘅 我有必要同你講聲.
C先生:嗯
我:重有今個月4月啦 點都好你一定要記住4月27號




C先生:嗯
我:唉....
C先生:個日係你block左我..到你搵返我我已經同左個女仔一齊
我:我就係想咁樣 咁樣你會開心啲
C先生冇出聲
我:其實好厭啊
C先生:咩
我:重重複複又講緊呢個話題
C先生:咩話題
我:其實預左架啦 F.5頭如果我唔係突然喺學校下面好痛 你會同返我一齊咩? 嗰陣去咗檢查下面 有裂痕 搞到依家有細菌感染 都知咩事啦. 我哋分開左咁多次你唔厭架咩
C先生:唔好再諗之前啦
我:唔係我想諗呀 係身體唔聽話咋..
C先生:對唔住
我:點都好啦 多謝你
C先生:我多謝你就真




我:嗯
同C先生靜左幾分鐘
C先生:冇嘢講啦嘛(想走)
我:你想走米走..曾經你講過 無論點 我地分開左幾多次 唔知點解到最後都一定會一齊返. 不過今次恭喜你呀C先生我地終於分開到冇任何關係啦?
C先生:都唔係第一日嘅事啦
我:係第一日嘅事 我唔會再搵你架啦 你亦都冇需要再付任何責任 我地咩關係都冇. 你自己保重身體啦 始終我都係帶菌者
C先生:你都係啦。拜拜
完-

Jenny以為我仲係三年前嘅自己咁軟弱 所以佢電完髮就即刻過咗嚟北角搵我 不過令佢驚訝既係我完全一啲事都冇 冇喊冇崩潰 可能大家都長大啦 處事方面會比較成熟.之後個一晚我同Jenny講返中學嗰陣啲野傾吓少女心事咁?
續.....