孽緣: 序

[那年那事之真人真事］
序-?
簡單講下- 我同C先生一齊左大約三年 由中四到上年9月(2012-9-28至2016-1-9). 三年嘅感情對人嚟講可能好短亦都可能好長 但呢三年我經歷過嘅嘢就好似拍戲咁, 朋友們覺得我同佢好奇妙同神奇所以建議我將我嘅經歷打上網作為一個分享 我先有呢個決心打上嚟 希望大家樂在其中又或者俾我一個支持同埋千祈唔好做我嘅影子 多謝。

小小嘅背景資料-
我讀完中五去咗英國讀書 同C先生一齊左兩年(離離合合)LongD左1年. 同C先生係中學識 同班。 C先生有做開part time,不過佢讀完中五冇讀.但都照樣做緊part-time同埋做紋身師學徒.

簡單人物簡介-
我-蟹
他-C先生




Jenny-我好姊妹之一,經常陪住我

話就話我哋感情係9月完 不過最後一次見佢嘅時候係2016年4月8號夜晚11點幾.

我前一排去咗身體檢查 因為保險嘅原故所以我有一次免費嘅婦女檢. 4月8號朝早就係我攞報告嘅日子 醫生話我乳房,子宮都好健康?
個日攞完份身體檢查報告之後我就同Jenny去旺角行咗一陣 之後去咗後巷同佢食支煙傾下計-

J:點啊你今日攞完份報告
我:下面受感染
J:下....




我:應該關嗰件事所以..(未講完被打斷)
J:屌一定關事啦 不過醫生有冇話之後要點?
我:叫我再搵私家醫生檢查
J:(呆左)
我:你覺得我應唔應該搵C先生出嚟傾吓?
J:佢一定唔敢面對你同埋我覺得再睇定啲先啦
我:嗯...
J:無事嘅唔好諗咁多啦..係喎記得一陣陪我去電髮.
我:好啊 電邊隻啊你 韓妹定日妹?
（之後都係傾返d女仔野）




但係我最後都靜雞雞WhatsApp C先生話要見佢傾. （以下係大約我同佢WhatsApp嘅對話 因為我都唔係好記得）

Whatsapp-

我:今晚有冇時間傾兩句 5至10分鐘左右 唔會阻你好耐 我冇心搵返你話要見你 但係我覺得有d野你有權知同有需要知 所以我要面對面同你傾 希望你今晚抽一抽時間俾我. 唔該
C先生:有咩係度講
我:我答應你只係傾5至10分鐘左右 之後我唔會再打擾你 我會尊重你女朋友.
C先生:講.有咩係度講 出我就唔出架啦
我:我唔想我同你嘅對話留底亦都唔想將我哋嘅對話轉寄比其他人睇,唔該你負返我地呢段感情最後一次嘅責任.
C先生:我唔會. 我睇完即刪
我:呢個係我嘅保障
我:見一見有幾難
C先生:Block左你有幾難
我:第一 唔好唔記得今個月係四月,第二你紋嘅身我仲發緊炎,第三 我前排去咗身體檢查今日攞咗報告,結果點解我唔要面都要搵返你出嚟傾你應該想像到.
C先生:對唔住




我:所以我先要約你出嚟傾
C先生:對唔住我淨係可以講對唔住
我:夜晚出嚟見一見好冇 當係還返俾我
C先生:幾點邊度?
我:你話啦
C先生:北角?
我:11點半?
C先生:10點半?
我:好 和富出面唔對海個邊等好冇?
C先生:就你啦
我:到左話我知
(Whatsapp對話大約係咁）

我要佢後悔一世 我恨佢可以得到幸福