孽緣: 難避免之緣份
難避免
阿囂都係我中學同學 不過中五先同班所以先識 佢讀完中五之後就去左讀VTC.
有一段時間我同C先生分開左5個月到啦.(2013-10-?至2014-3-?) 個陣時間應該係我同阿囂最fd. 因為發生左d事 過左14年嘅3月 我同阿囂就冇再傾過任何一句說話。 事隔兩年,都係冇揾過大家
。有時候我成日都會諗同阿囂個時嘅友誼 所以今年年初我搵返阿囂傾下近況咁所以fb inbox左句Hi俾佢(個陣佢嬲左我 所以Block左我ig同wtsapp)點佢又會咁岩係我放假返嚟香港先覆我.嗱佢之前明明藍掦架 依加先覆我 一定係知道我返左嚟所以先搵我啦 我個陣係咁諗。不過後尾先知原來佢係唔知我返嚟 成件事真係咁橋 我覺得好邪?
之後我哋約左4月1號喺時代食韓國嘢。我去到時代見唔到啊囂 所以就打俾佢
我:喂你喺邊呀?
囂:我係log-on啊
我:哦好啊 我落嚟搵你啦
囂:好 拜拜
阿囂都係冇咩點變 都係黑黑地啡啡嘅健康嘅膚色同好高 (佢好鍾意做運動）
我一去到log-on見到阿囂喺度睇緊相機套個d啦。之後我就拍拍佢膊頭
我:阿囂好耐冇見啦
囂:係啊好耐冇見
我:去上面食飯?
囂:行多陣先上去啦 仲有時間
(每次同阿囂出街佢都會上open rice搵嘢食再帶我去食,我會覺得使唔使咁麻煩 喺條街度見到咩咪食咩囉。不過男仔嚟講佢都算細心嘅）
我:你訂咗位啊????
囂:冇啊 只係覺得呢個時候食飯有d早
我:哦好啦...
過左一陣去左韓國餐廳同佢對住坐食飯 嗰陣除咗尷尬我都唔知講啲咩好。總之餐飯就一面老尷啦,不過慢慢開始講下自己嘅近況 尷尬就開始慢慢減少。食完飯之後行左陣時代之後落返地下, 一望!!!見到人哋busking都冇乜嘢嘅 點知一開口就唱左句 (朋友~我當你一世朋友) 大佬我經過咋?阿囂即刻望住我然後講咗句
囂:好應節好應節
我:咩好應節(梗係扮冇野啦)
囂:首歌囉 朋友我當你一世朋友喎 (暗串緊我當佢係朋友)
我:咩啊 我知今日愚人節不過點解首歌會應節呢?(繼續兜)
囂:咁應境囉
之後我冇出聲 跟住就講咗其他嘢 行左陣佢就話想去海旁傾吓計 行緊去買杯野飲先再去嘅時候Jenny突然打俾我。
J:喂你依家係咪係銅鑼灣啊?
我:係啊做咩
J:同緊阿囂一齊?
我:係啊 咩事
J:冇 我都係銅鑼灣 不如喺老地方食支煙見下面先
我:屌你 好啦好啦
收線-
囂:邊個嚟 做咩?
我:Jenny嚟 話想見一見我 我哋一陣先去海旁好冇?
囂:好啊冇所謂啊
Jenny後尾嚟左 都同阿囂點頭之交左一下
囂:你食完打俾我啦 我自己去個邊行陣
我:好啊
J:下點解唔同我哋一齊呀
我:可能怕我哋d煙味掛
J:哦.....
我同Jenny有個習慣 我哋每次食親煙都會係後巷或都冇咩人嘅地方食 一定唔會當街當巷食 覺得唔尊重其他人 所以話老地方 就係其中1條去開嘅後巷。
J:點啊點啊點啊..
我:好尷尬囉唉
J:正常正常.
我:不過做到返朋友我都幾開心
J:妖你!係喎一陣你哋去邊?
我:話去海旁傾吓計喎
J:哇好MK啊
我:收啦妖
(之後我都唔記得講左d咩啦)
J:嘻 好啦好啦 再wtsapp啦
我:嗯好啦 拜拜
打返比阿囂問佢係邊之後再一齊去海旁,過程中有傾有笑其實都幾開心。
去到海旁同佢坐返兩年前係海旁傾過計嘅嗰個位
我:好懷念啊
囂:係啊 都有三年啦
我:癡線 兩年咋
囂:咩啊邊有咁小啊
我:嗱 我數俾你睇(舉起隻手指係咁數）
囂:好啦好啦 係啦你話兩年就兩年
我:嘻
(之後講左一堆無聊野)
囂:其實你知唔知我搵返你 勇氣係要好大架 如果唔係前一排發生咗啲事我都唔會搵返你
我:下 咩事
囂:前排我VTC班fd玩wechat...
我:屌你 唔係個個咩附近的人啊嘛?
囂:你點知架 你有玩過
我:梗係冇啦 我唔需要咁樣去識男仔囉
囂:我冇話想咁樣識女仔架 只係班fd玩所以先玩下.點知就奶左野
我:下 咩事
囂:識到個細我4,5年到嘅女仔
我:妖 你唔好玩妺妺仔啦
囂:我冇啊 你聽埋我講先啦 條女好主動 向我表白又係咁想約我出街 好煩
我:女仔主動喎 你應該開心架
囂:佢都唔係我鍾意個類型
我:之後點
囂:我將之前你拒絕我嗰段嘢同佢講返一次 當我同佢講嘅時候 我諗起你 所以我先有勇氣搵返你
我:原來你真係嬲我好似玩你咁個時
囂:一半一半啦
我:咁另外一半係嬲d咩
囂:你哋笑我黑鳩
我:下 哈哈哈哈(大笑)有咩?
囂:有啊 搞到成個高From都知
我:幾時嘅事啊
囂:有次我地班男仔係班房換PE衫 之後你同你班fd突然入左嚟 後尾比比(我好姊妹之一)就超級大聲話我黑鳩 明明就乜都見唔到
我:哈哈哈哈哈 咁關我咩事?
囂:你都有笑架
我:我好似有幫口叫比比唔好再講 不過都係玩下姐 你唔洗嬲嘅
囂:個陣之後 成半班人都仲講緊我黑鳩 幾尷尬啊 後尾C先生唔知係咪知道我追過你啦 佢就話俾我地班外嘅人知我黑鳩 搞到一出班房都俾人話黑鳩
我：下 哈哈哈哈 其實真心我覺得冇人會記得呢件事?
囂:總之就好嬲啦 果件事之後我就冇再同你講過任何一句
我:我一直以為係我拒絕你個件事添
囂:黑鳩件事嚴重啲
我:癡線有咩好嬲啊 更何況我有幫口講架 點解會淨係嬲我架
囂:你班姊妹同C先生笑到痴咗線啊個陣 我好記得架 所以我將你歸立埋佢地到 所以我就冇再同你地講過野
我:係 本身好fd 之後變左唔識咁 明明仲同班喎
(之後就傾左好多野 傾左3,4個鐘到啦）
我地後尾應承咗大家 點都好都唔可以再唔揾大家同埋我每次放假返香港都要搵佢
之後我快講 講重點!
4月1號見左阿囂之後4月8號就攞報告見C先生 4月9號我就見多次阿囂
4月9號我同阿囂去左大埔 大埔係我同C先生拍拖個陣大家都好鐘意嘅地方。畢竟我兩年生日都係大埔過 唔好問我點解咁鍾意大埔因為我都唔知。之後同阿囂傾左好耐計 行下行下佢突然向我表白 我個陣冇覺得驚訝 其實因為我都估到少少
之後我內心掙扎緊 我應唔應該同佢講個件事。我好怕佢知道左件事之後會唔知點樣睇我,後尾我好坦白同佢講左個件事同埋點解我會拒絕佢加上點解我會同C先生不停離離合合。佢聽完之後反而仲眼濕濕 不停話我係一個好女仔
好堅強 好犀利 聽完嘅故事之後 佢就話好感動 佢都係其中之一個叫我寫上網嘅人 。佢話佢冇後悔同我表白(暗示等我答案）我有諗過一定冇男人接受到我嘅過去。但原來係有架。我係有感動 不過只係感動 原來緣份嘅嘢係好難避免。到到而家我返咗嚟英國 同阿囂一路都有keep住WhatsApp。前幾晚佢係WhatsApp又同我表白 不過我轉移左話題傾左第樣野所以我冇正面咁樣回覆過佢。兩年前佢同我表白我拒絕左 直到而家我都冇辦法令自己鍾意佢。不過佢真係對我好好 我會努力去嘗試。
我失去左C先生 但係我得到返同阿囂嘅一段友誼。
呢一篇主要都係講返我同阿囂最近嘅狀況。
唔想讀者混亂 所以我講返先 呢三篇係講返我Easter holiday(3月27-4月10) 返香港至現在發生嘅事先. 完左呢一篇 我會正式開始將我同C先生嘅三年嘅惡夢打出嚟??
請繼續支持《孽緣》?多謝