校園愛情治療師: 鐘聲

「喂，醒下，唔 好 訓 啦 ，
學校就閂門啦，喂喂。」


半睡半醒間聽到天使的聲音，唔係，
我佢未死㗎!


張開惺忪的眼睛，抹一抹嘴角的口水，
才發覺已經天黑了，我竟然訓咗三粒鐘。





「吓，唔好意思，我好似訓着咗，
有冇麻煩到你?」

「冇麻煩，我地都係啱啱練完波，
不過見你訓咗咁耐先叫你起身。」

「唔該，我都要走，拜拜。」

當我清醒咗之後先知中伏，因為......





「咁急做咩，咪住先，你好熟口面，
講!係咪身有屎！」


「……點算，唯有用蝴蝶步走人。」
我心念一動，腳亦同時施展這無雙的步法。

「喂，唔好走咁快，啊……」





此時此刻，我才理解到點解佢會係到，

「你……扭到隻腳?」

「哈哈，比你發現咗添，俾個機會你扶我過去好冇?」

我收起心入面嘅諗法，
慢慢扶咗佢過去健身室出面嘅長凳。

我仲諗住扮無辜嘅時候，佢已經開口。

「我記得你係嗰日同璐琳嗌交嗰個男仔。」

佢用一個略帶疑惑嘅眼神望住我。





我苦笑兩聲，
「不過我幫你睇吓隻腳，扭親可大可少。」

佢嘅眉越發皺起，
「點解我要俾你睇? 我同你好似唔係好熟。」

不過佢都輕輕抬一抬腳，示意俾我睇吓。

「…… 我同扭傷熟得唔得? 鞋自己除。」

「你隻腳踭係向外定向內落地? 教練有冇幫你?」

我㩒咗幾下，有小小紅腫，應該冇乜事。

「向內，我同教練講話我冇事，坐下就得……」





「好小事姐，返去攞冰敷吓，唔好打波住就得。
下次記得同教練講，冇人知你落地有幾傷，
分分鐘以後冇得打波。」

「我地成隊籃球隊又有邊個冇傷，個個都冇出聲，
驚影響到其他人練波……」

我抬起頭，同佢對望咗一下，隨即起身。

「你坐多陣，冇咁痛就可以走，
或者你叫人黎接你。 拜拜。」

佢呆咗一下，好似記起咗一d野咁，
想起身但係又痛到坐返低。





「喂喂，你仲未講點解要同璐琳分手，
你知唔知佢喊得幾辛苦啊！」

「我都係收錢做野姐，冇售後服務嫁。」

「咩工咁西利可以搞喊女仔唔洗負責啊！」

「……愛情治療師。」

「邊有d咁蠢嘅工，你hurt完人仲咁多藉口！
早知頭先唔叫醒你！」

「你鐘意啦。」





似乎感覺到我語氣上面嘅變化，佢都冷靜咗落黎。

「所以…你真係治療師?」

「唔。」

我地靜咗一陣，六點嘅鐘聲如期響起，
周圍只係剩低鐘聲同遠處嘅車聲，
由遠至近，繼而消失。

「……可唔可以請你扶我過去對面個巴士站度。」

「……我淨係醫情傷架小姐……」

我轉身就走。